Yokhana 4:23 - Mewar Alqawarang

²³ Yang kap ndu̱ nang, sarchi a nje a ɓari, yang wonji aa ɓa leendang. Nu̱ke nu̱ ghaari ghai zhirekandi ka gharki ghai ye Zhinkirang mbu̱ Jiimbi wor ndu̱ zhire. Ku̱me nang ke pooni nu̱ ghaari ghai ku nu̱ke Zhinkirang a shimndan.

Yokhana 4:23 Iomraidhean Croise

Yokhana 1:17

Magham vu̱r woparang nu̱ mbu̱ khar Musa, yang mu̱nkir ndu̱ zhire a ɓa mbu̱ khar Yesu Masiya daati ɓu̱ Magham.

Yokhana 12:23

Tu̱ Yesu tlogha ye wor za, “Sarchi wa shi nu̱ke a ma vu̱r zhaaji ye Yi ɓu̱ nduku.

Yokhana 16:2

Ka komba nu ku ɓar mbu̱ maa tabar ɓaanda. Sarchi a nje a ɓari shwat nu̱ke aaki tlaghaki nu ka taman za chin a shikya tlu̱nar ɓu̱ Magham.

Yokhana 16:32

Sarchi a ɓari, I, wa kar a khu̱dli, nu̱ke aa nyi da chele ɓaanu ka ɗaki nu̱ kaa ɓaran tu̱ njigti nga, nga ɗyenda. Yang kap ndu̱ nang nga ɗyenda ɓa, ku̱me Zhinkirang a nje su̱yen ndu̱ nga.

Yokhana 4:21

Tu̱ Yesu ze nda za, “Moito nga, Nusu sarchi a ɓari nu̱ke nduk ɓu̱ ghar ghai ye Zhinkirang ɗyin dleng nang ɓa, yang Urshalima ɓa.

Yokhana 5:25

Zhire, nga zu̱ran ye nu sarchi a ɓari, wa kar a ɓa, nu̱ke mu̱tiku ka tu̱k su̱qur Yi ɓu̱ Magham, wor nu̱ tu̱kkyang ka nakha.

Yokhana 5:28

“Ku̱ shi nu lazham ɓalar nang ɓa, ku̱me sarchi a nje a ɓari nu̱ke mu̱tiku nu̱ke a mbu̱ ku̱jipku kap ka tu̱k su̱quran,

Romeku 1:9

Magham nu̱ke nga tlu̱nar yenda ndu̱ memu̱nara da nu̱ ku̱nshe wopar Labar mbarkandi ɓu̱ Yi ɓaran, ke saidu ɓanga nu̱ ɗyine nang laada kwaaronu

Romeku 8:15

Jiwa Jiimbi nu̱ vu̱rki ye nwang ɗya nu̱ khar maava ɓa, nu̱ke tun ka tu̱kki sawa ɓa. Ɗya Jiimbi nu̱ gaɓki ndu̱ chem ma qusonggi ɓu̱ Magham, chem a qa Magham, nyem za, “Aba! Zhinki!”

Romeku 8:26

Wanang tu̱k Jiimbyang a shaata rem mbe tu̱ɓti ɓaarem. Nyem magha shir bara wa nu̱ shipaki ɓa, yang Jiimbyang nu̱ ɗyinan a khuɗ Magham yerem ndu̱ tlu̱rti nu̱ke ɓala ɓu̱ ɗu̱ma zu̱ mban ɓa.

Galatiyeku 4:6

Nu̱ke tun qusonggi ɓaran tu̱ Magham a ru̱k nu̱ Jiimbi Yi ɓaran nu̱ mbu̱ memu̱na nu, a qa Magham za, “Aba, Zhinki.”

Afiseku 6:18

Tun ki barar mbe zalale ɓu̱ Jiimba aa nyi sarchi, ndu̱ aa nyi pooni bararku ndu̱ khutiku, kha ma daasaran aakochi tun zu̱m guma ndu̱ barari ye nduki ɓu̱ Magham.

Filipiyeku 3:3

Ai, chem ke nu̱ dlarsi mbarkandi, chem nyem ka gharki ghai ye Magham nu̱ ku̱nshe Jiimbi shakhshakhndi, chem a wakhti ndu̱ Masiya Yesu, yang nyem maita tlu̱nar ɗyin mbu̱ manva ɓa.

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.