Yokhana 4:15 - Mewar Alqawarang

¹⁵ Tu̱ nokhzang ze nda za, “Ku̱man, vu̱r ɗyim nang ya ma ku̱ tu̱k nga khuzhum gana tu̱k ɓa tang mas ndu̱ ɓar fan ma daa ɗyimang.”

Yokhana 4:15 Iomraidhean Croise

Yokhana 4:16

Tu̱ Yesu ze nda za, “Ɗu to ɗa qa zhimero tun a ɓa su̱yen.”

Yokhana 6:26

Tu̱ Yesu tlogha ye wor za, “Zhire, nga zu̱ran ye nu, tun a kaala nga ku̱me tun wa nji ɓurti tolirang tu̱ mbonu zhi, nun kaala nga ku̱me ɗye saidu nang shikya ɓa.

Yokhana 6:34

Tu̱ tlogha yenda ku za, “Ku̱man, ki vu̱r ɗye zu̱mndi nang yerem aakochi!”

Yokhana 6:35

Tu̱ Yesu tlogha ye wor za, “Nga ke ɗye zu̱mndi nu̱ka vu̱rki nyifi, njif nu̱ ɗa ɓa ki sha ɓu̱ tu̱k meeri gana fan ɓa, yang tu̱k njif nu̱ maitaki nga sar da ɓu̱ tu̱k khuzhum ɓa.

Romeku 6:23

Jiwa ɗye ɓi ɓu̱ sola chin ke mu̱ɗi, yang vu̱rti ɓu̱ Magham chin ke nyifi nu̱ke ɓu̱ shi woɗa ɓa, nu̱ ku̱nshe Masiya Yesu Zhinerem gwaanji.

Romeku 8:5

Nduki nu̱ke a khar ɓaanda mbe ɗye shir ɓu̱ nduku wa ka damta ku ndu̱ ɗyiku ɓu̱ manva, yang nu̱ khar viti mbe Jiimba ka damtakya ndu̱ ɗyi nu̱ke Jiimba a shimndan.

1 Korintiyeku 2:14

Njif nu̱ke Jiimba kya zalale ndu̱ chin ɓa, ɓu̱ dlu̱ ɗyiku na viki she Jiimbi shakhshakhndi ɓa, ku̱me a na wa ɗya me nggu̱bu̱ng, yang ɓu̱ gwa mban tu̱k ɓa, ku̱me Jiimbyang ka saki tu̱ nduk gwa mban.

Yaqub 4:3

Yang aa tun wa shi bararang nun ka gwa ɓa ku̱me tun ku̱rkya ɗyi malkandi. Tun a shim sagha ɗyi nu̱ke tun ka gwakyang ye maa tlu̱nar bamndiku ma laɓ tu̱kti mu̱ndi ye vaanu.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.