Yokhana 4:10 - Mewar Alqawarang

¹⁰ Tu̱ Yesu tlogha yenda za, “Mbu̱ ta zu̱n vu̱rti ɓu̱ Magham, ndu̱ njif nu̱ khuɗki ɗyim kha nang, tu̱ga ta khuti nda ka vu̱r ɗyim nu̱ka vu̱rki nyifiri yoro.”

Yokhana 4:10 Iomraidhean Croise

Luka 11:13

Yang mbu̱ tun nu̱ solarku, tun wa zu̱n ɗyi mbarkandi nu̱ke tun ka vu̱rki ye qusonggi ɓaanu, bele zhunonu nu̱ viɗi nu̱ke kaa vu̱rki Jiimbi shakhshakhndi ye nu̱ khuti nda?”

Yokhana 16:3

Ka shi wanang ku ku̱me nu̱ zu̱ndi nga ɓa yang Zhinkirang ɓa.

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Yokhana 3:16

“Ji Magham wa ndola larji maɗyi, tu̱ vu̱r woi ɓaran khakandi chin ɗyenda, ku̱me aaki nu̱ maitaki nda, ɓu̱ sagha bam ɓa, yang ka gwa nyifi nu̱ke ɓu̱ shi woɗa ɓa.

Yokhana 4:14

yang aaki zaki ɗyim nu̱ke ngga vu̱rki yendang ɓu̱ tu̱k khuzhum gana tu̱k ɓa. Ɗyim nang vu̱rki yendang ka kha ma ɗyim nu̱ke a ɓaghar ma yir mbu̱ nyifi nu̱ke nu̱ka shi woɗa ɓa.”

Yokhana 6:35

Tu̱ Yesu tlogha ye wor za, “Nga ke ɗye zu̱mndi nu̱ka vu̱rki nyifi, njif nu̱ ɗa ɓa ki sha ɓu̱ tu̱k meeri gana fan ɓa, yang tu̱k njif nu̱ maitaki nga sar da ɓu̱ tu̱k khuzhum ɓa.

Yokhana 6:51

Nga ke ɗye zu̱mndi nu̱ vu̱rti nyifiri nu̱ ɗa shurki viɗi. Kap njif nu̱ zu̱mki ɗye zu̱mndi nang ka gwa nyifiri koɗokhsi ɓa. Yang ɗye zu̱mndi nang ɗya man vara, nu̱ke nga ma vu̱rtan ma ku̱ larji gwa nyifiri.”

Tlu̱nar ɓu̱ Pudeku 9:11

Tu̱ Zhinerem gwaanji ze nda za, “Ju to ɗu̱ me njiv nu̱ka qaki za Kwatu̱ra, to ɗu̱ mbu̱ rafti ɓu̱ Yakhuda, to zham mbu̱ khuzi Tarsus nggur a nje dlu̱man Shawulu, a nje a barari.

Romeku 8:32

Magham nu̱ nggu̱tlerem ndu̱ Yi ɓaran ɓa, tu̱ yang vu̱rti nda ku̱me chem kap. Yang Magham nu̱ vu̱rki Yi ɓaranang, ɓu̱ vu̱r aa nu̱m yerem kharan nggaran ɓa goma?

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

1 Korintiyeku 10:4

tu̱ wor kap tu̱k za ɗyim nu̱ jiimbi nang. Ku̱me wa za ɗyim na viki ve dleng nu̱ jiimbi nu̱ke a yir su̱yen ndu̱ worang ɗo. Yang dleng nang ɗya Masiya.

2 Korintiyeku 9:15

Kuna mi Magham ku̱me mu̱nkir ɓaran nu̱ peetaki me zu̱r ɓu̱ nduku.

Afiseku 2:8

Ai, mu̱nkir ɓu̱ Magham saki tun gwa ɗanar nu̱ ku̱nshe maito ɓaanu. Tun shiki ɓa, ɗya mu̱nkir ɓu̱ Magham.

Yibraniyeku 6:4

Jiwa ka shi shar ku̱ nduki nu̱ gwaki yarang ɓalar ɓu̱ Magham, ndu̱ nduki nu̱ darki vu̱rti ɓu̱ Magham nu̱ mbu̱ viɗi, ndu̱ nduki nu̱ gwaki me ɓaanda mbe Jiimbi shakhshakhndi.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

Ɗyin mbu̱ tukari 21:6

Tu̱ gaɓ tu̱ zu̱ tu̱k za, “Wa woɗa shiri! Nga ke Alfa ndu̱ Omega, Nggarsan ndu̱ Lauɗarsan. Kap njif nu̱ke a tu̱k khuzhumndi, ngga vu̱r zalale yenda ku̱ za ye maa ɓaghar ɗyim nu̱ka vu̱rki nyifiri mu̱nki.

Ɗyin mbu̱ tukari 22:17

Jiimba ndu̱ Wonkhar nu̱ke a ma ɓu̱rti a zu̱ran ku za, “A ɓo!” Yang kap njif nu̱ tu̱kki, ku̱ zu̱ tu̱k za, “A ɓo!” Kap njif nu̱ke a tu̱k khuzhumndi ku̱ ɗa ɓa, kap njif nu̱ke a gangndan ku̱ dlu̱ ɗyim nu̱ka vu̱rki nyifiri mu̱nki.

Ɗyin mbu̱ tukari 7:17

Jiwa Ye Gamndi nu̱ke a chele zhakhɗyang ka khaki ma nu̱ khutlo ɓaanda, ka ɗu̱ ndu̱ wor ye maa nu̱ke ɗyim nyifiri ka ɓaghaki. Magham ka pasha koonyi ɗyim gho ɓaanda ɓar kap mbu̱ yiti wora.”