Yokhana 3:6 - Mewar Alqawarang

⁶ Ɗyi nu̱ nduk khaki ɗya nduku, yang ɗyi nu̱ Jiimba khaki ɗya Jiimba.

Yokhana 3:6 Iomraidhean Croise

Yokhana 1:13

Nu̱ kha ma qusonggi ɓu̱ Magham ve njiv gwar qusonggi ɓu̱ nduk ɓa, yang nu̱ ku̱nshe gontar ɓu̱ nusu ndu̱ khusku ɓa, yang shimndi ɓu̱ nduk ɓa. Ɗya shir ɓu̱ Magham.

Yokhana 3:7

Shi na lazham ɗyi nang zu̱ki yor nga za, ‘Kope wa gaɓ tu̱ kha nwa’ ɓa.

Romeku 7:18

Nga zu̱ni, ye khar ɓang nduku, ɗyi mbarkandi a nje kharan mbya ɓa. Jiwa nga shim shi ɗyi mbarkandi, yang shir ɗyen wa ku̱na nga.

Romeku 7:25

Magham ɗye kuna, ku̱me wa lawa nga nu̱ ku̱nshe Yesu Masiya Zhinerem gwaanji! Ku̱me nang nga mbukya bibiti ɓu̱ Magham mbu̱ memu̱nara, yang mbu̱ ɗye shir ɓanga ye khar ɓang nduku, nga mbukya bibiti ɓu̱ sola.

Romeku 7:5

Jiwa sarchi nu̱ke chem kharan mbe ɗye shir ɓu̱ nduku, Bibitang a sokh shimndi ɗyiku malkandi ɓaarem. Tu̱ shimndi ɗyiku malkandi ɓaarem nang ki tlu̱nar mbu̱ man vaarem, tu̱ tlu̱nar ɓaarem ki ɓar ndu̱ mu̱ti yerem.

Romeku 8:13

Mbu̱ke tun a shikya ɗye shir ɓu̱ nduku, tun ka mu̱ɗi. Mbu̱ yang tun wa tlagha me ɓu̱ nduk nu̱ka shiki solarang nu̱gha, nu̱ ku̱nshe zalale ɓu̱ Jiimba, tun kha ndu̱ nyifiri.

1 Korintiyeku 6:17

Yang njif nu gontaki ɗyinan ndu̱ Zhinerem gwaanji wa kha ma jiimbi da ku ɗo.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

Galatiyeku 5:24

Nduki ɓu̱ Masiya Yesu wa katl ɗye shirku ɓu̱ me manva gha su̱yen ndu̱ ɗyi malkandiku zum zum nu̱ke manva a shimndan.

Afiseku 2:3

Chem kap wa wora ɗau fara, chem a mbu shimndiku ɓu̱ man vaarem, chem a shikya ɗyi nu̱ man vaarem ndu̱ memu̱narem zu̱ki yerem ɗyenda. Ku̱me ɗye shir ɓaarem ɗya ɓu̱ man va, tu̱ga shokhnar ɓu̱ Magham a ɓa ɗyinerem ba wa nu̱ke a nje ɗyine wora.

Kolosiyeku 2:11

Tun wa gwa mewar dlarsi mbe nda, yang ɗya pooni dlarsi nu̱ke nduk ka shiki ndu̱ kharan ɓa, ɗya pooni dlarsi nu̱ke Masiya shiki ye nu, nu̱ fetki ɗye shir malkandi ɓaanu nu̱ manva ɓara.

1 Yokhana 3:9

Kap njif nu̱ke ɗya yi ɓu̱ Magham ɓu̱ zu̱m guma ndu̱ sola ɓa, ku̱me ye pooni ɓu̱ Magham a nje mbe nda. Ɓu̱ ɗu̱ma zu̱m guma ndu̱ sola ɓa ku̱me wa kha ma yi ɓu̱ Magham.