Yokhana 3:36 - Mewar Alqawarang

³⁶ Aaki kya maita Woyang, wa gwa nyifi nu̱ke ɓu̱ shi woɗa ɓa. Yang aaki nu̱ zhangki Woyang, ɓu̱ na nyifi ɓa, yang shokhnar ɓu̱ Magham a nje kharan ɗyine nda.”

Yokhana 3:36 Iomraidhean Croise

Matta 25:46

“Nduki nang ka vi nu̱ mbu̱ bonye nu̱ke ɓu̱ shi woɗa ɓa, yang nu̱ dambi ku ka vi nu̱ mbu̱ nyifi nu̱ke ɓu̱ shi woɗa ɓa.”

Markus 16:16

Njif nu̱ maitaki, tu̱ shi baptisme, ka gwa ɗanari. Yang njif nu̱ke nu̱ maita ɓa, ka kuma nda.

Luka 2:30

Ku̱me yita wa na nu̱ ɗanar

Luka 3:6

Nduk kap ka na ɗanar ɓu̱ Magham.’ ”

Yokhana 1:12

Yang koɗokh me nduki nu̱ dlu̱ki nda, tu̱ maita dlu̱man, wa vu̱r zalale ye wor ma ku̱ kha ma qusonggi ɓu̱ Magham.

Yokhana 10:28

Nga vu̱r nyifi ye wor nu̱ke ɓu̱ shi woɗa ɓa, ɓu̱ dar mu̱t ku ɓa, yang nduk a nje nu̱ke ka lawaki wor ɓar mbu̱ khara ɓa.

Yokhana 3:3

Tu̱ Yesu tlogha yenda za, “Zhire, zhire, nga zu̱ran yoro mbu̱ nu̱ gaɓ tu̱ kha nduk nu̱ si zu̱m ɓa ɓu̱ na kwaaɗar ɓu̱ Magham ɓa.”

Yokhana 4:36

Nu̱ ku̱mndang a gwa ɗye ɓi ɓaran, a tabaran a yir si mbu̱ nyifi nu̱ke nu̱ka shi woɗa ɓa, ma ku̱ nu̱ kaɓti ndu̱ nu̱ ku̱mndi shi kashar ku su̱yen.

Yokhana 5:24

“Zhire nga zu̱ran ye nu, njif nu̱ka tu̱kki ɓalar ɓanga, tu̱ka maita njif nu̱ ɗa ru̱kki nga, wa gwa nyifi nu̱ke ɓu̱ shi woɗa ɓa. Ɓu̱ kuma nda ɓa, wa woɗa lawar me mu̱ti wa gwa nyifiri.

Yokhana 6:58

Nga ke ɗye zu̱mndi nu̱ ɗa shurki viɗi. Zhikannu nu̱ zhu tang wa nji manneku, yang kap ndu̱ nang tu̱ mu̱t ku, yang njif nu̱ zu̱mki ɗye zu̱mndi nang ka kha ndu̱ nyifiri koɗokhsi ɓa.”

Yokhana 8:51

Zhire, nga zu̱ran ye nu, kap njif nu̱ khutloki shogar ɓanga ɓu̱ mu̱t shwat ɓa.”

Tlu̱nar ɓu̱ Pudeku 14:2

Yang tu̱ ɓeeni Yakhudeku nu̱ zhangki maitaran gha ɗu̱ tu̱ ɗa sokh nduki nu̱ke ɗya Yakhudeku ɓa tu̱ su̱bu̱r chele ɓaanda ndu̱ nu̱ mbu Yesu ku.

Romeku 4:15

Bibitang a dutkya shokhnar ɓu̱ Magham, ku̱me mbu̱ Bibitang a nje ɓa, zop nje zum ɓa.

Romeku 5:9

Nu̱ke chem wa kha waare sola gume Magham nu̱ ku̱nshe mbu̱ti tom ɓu̱ Masiya, leendang, ka lawa rem ɓar mbe shokhnar ɓu̱ Magham nu̱ ku̱nshe Masiya.

Romeku 8:1

Ku̱me nang, ɓu̱ kuma mu̱ti ye nduki nu̱ke a mbe Masiya Yesu ɓa.

Galatiyeku 3:10

Jiwa kap nduki nu̱ tamanki za wor ka gwa dlu̱r she Magham ku̱me wora mbu Bibiti ɓu̱ Musa, wa mi barke ɓaanda. Jiwa bu̱lar Ɓalar ɓu̱ Magham wa zu̱ za, “Njif nu̱ke nu̱ mbu ɗyi nu̱ke a nje bu̱laran mbu̱ Lagarkati Bibitang ɓa, Magham wa mi barke ɓaran.”

Afiseku 5:6

Ku̱ nduk lamba nu ndu̱ ɓalar bamndi ɓa. Ai, shokhnar ɓu̱ Magham ka ɓa nu̱ ɗyine nu̱ zhangndi tu̱kti maa ku ku̱me pooni solarku nang.

1 Tasalonikeku 1:10

tun bu ɓar ɓu̱ Yi ɓaran nu̱ke a ɓar mbu̱ viɗi. Magham wa ji ndu̱ Yi ɓaran ɓar mbe mu̱ti, chin ke, Yesu nu̱ke a ma lawa rem ɓar mbe shokhnar nu̱ke a ɓar nang.

1 Tasalonikeku 5:9

Jiwa Magham nu̱ shim ku̱ shokhnar ɓaran a ɓa nu̱ ɗyine rem ɓa, shimkya ku̱ gwa mi ɗanari nu̱ ku̱nshe Zhinerem gwaanji Yesu Masiya.

Yibraniyeku 10:29

Yang njif nu̱ ndu̱mki Yi ɓu̱ Magham ɗa, wa gaɓ ndu̱ tom alqawar nu̱ wakaki nda nu̱ gha nang tu̱ kha bam, tu̱ pu̱z Jiimbi shakhshakhndi nu̱ mu̱nki! Tun a taman za ka shikya nyi pooni kumar gu̱rgu̱rndi nu̱ shipaki njif nang na?

Yibraniyeku 2:3

Chem ka lawa kikimndana mbu̱ chem wa zhang ɗanar gwaanji nang gha? Ɗanar gwaanji nang Zhinkir gwaanji ndu̱ ɗyinan nggaki su̱ zu̱ran. Nduki nu̱ tu̱kki ɓalar ɓaranang wa wut yerem za shwat ɗya zhire.

Yibraniyeku 3:18

Nu̱ ki Magham ku̱mndaki nu̱ ɗyine wor za, ɓu̱ vi ku nu̱ mbu̱ maasi ɓaran sar da ɓa ndang na? Ai, wor ke ba nduki nu̱ zhangki mbu zu̱r ɓaranang gha de?

Yibraniyeku 3:19

Ku̱me nang chem wa na nu̱ ɗyine song maito saki nu̱ ɗu̱ma viri nu̱ mbu̱ maasi nang ku ɓa.

Ɗyin mbu̱ tukari 21:8

Yang nu̱ sawarku, ndu̱ nu̱ song shir zhireku, ndu̱ nu̱ tlu̱nar ɗye zhaane ku, ndu̱ nu̱ tlaghar mu̱tiku, ndu̱ nu̱ zawarku, ndu̱ nu̱ ɓu̱tli ghaiku, ndu̱ nu̱ ghaari ghai ye mu̱lu̱mku, ndu̱ kap nu̱ wolloku. Ka gwa ɗye ɓi ɓaanda mbu̱ giɗim ɓai gu̱rgu̱rndi nu̱ ɓai solfa, nang ke mu̱ti nu̱ rap.”