Yokhana 3:35 - Mewar Alqawarang

³⁵ Zhinkirang a ndola Woyang, wa vu̱r aa nu̱m nu̱ mbu̱ kharan.

Yokhana 3:35 Iomraidhean Croise

Matta 11:27

“Zhinkir ɓang wa vu̱r aa nu̱m ya kap nduk nje nu̱ zu̱nki woyang ɓa kope Zhinkirang, yang tu̱k nduk nje zu̱nki Zhinkirang zum ɓa kope woyang, kom ndu̱ njif nu̱ woyang shimki ku̱ wutnji nda yenda.

Matta 17:5

A mbu̱ ɓalarang, tu̱ ku̱zapti nu̱ke a wuti, a ɓa tu̱ za wor nu̱gha, tu̱ tu̱k su̱qur mbu̱ ku̱zaptang a zu̱ran za, “Nang ɗya Yi ɓanga, nu̱ke nga ndolaran, ngaa tu̱k mu̱ndi ɓaran maɗyi. Gwa ma dlu̱mndonu yenda.”

Matta 28:18

Tu̱ Yesu a song bing tu̱ zu̱ za, “Wa vu̱r zalale maa viɗi ndu̱ maa vu̱ghai ya kap.

Matta 3:17

Tu̱ ɓalar a vi viɗi a zu̱ran za, “Nang ke woi ɓanga ndolakandi, memu̱nara mu̱n ndu̱ chin maɗyi.”

Luka 10:22

“Aba ɓang wa vu̱r zalale ya ɗyine aa nu̱m kap. Nduka nje zu̱nki Woyang ɓa, kope Zhinang ɗyenda, yang tu̱k nduk a nje zu̱nki Zhinang zum ɓa kope Woyang, kom ndu̱ njif nu̱ Woyang shimki wuti nda yenda.”

Yokhana 13:3

Yang Yesu wa zu̱n Magham wa sa aa nu̱m nu̱ mbu̱ kharan. Wa zu̱n chin a vi she Magham, yang chin a gaɓti nu̱ she Magham.

Yokhana 15:9

“Ba wa nu̱ Zhinkirang ndolaki nga, nga ndola nu wanang tu̱k. Kha man mbu̱ ndolar nang wutki ye nu.

Yokhana 17:2

Jiwa ta vu̱r zalale ye Woyang ɗyine aaki, ma ku̱ vu̱r nyifi nu̱ke nu̱ka shi woɗa ɓa ye nduki nu̱ke to vu̱rki yenda.

Yokhana 17:23

Nga mbe wora, to kharan mbya tu̱k, ma ku̱ kha da ku shiku̱tku̱t. Kom nduki nu̱ larji ka zu̱n za to ru̱kki nga, yang ta ndola wor wa no ndolaki nga.

Yokhana 17:26

Nga wutor ye wora, yang ngga zu̱m guma ndu̱ shiran, ma ku̱ ndolar no shiki yang khan mbe wora, tang khan mbe wor tu̱k.”

Yokhana 5:20

Jiwa Zhinkirang a shim Yi ɓaran, wa ka wut ɗyi nu̱ke chin a shiran kap ye Woyang, ka wut ɗyi gwaanjiku nu̱ dukki nang yenda, ma ku̱ shi nu lazham.

Yokhana 5:22

Zhinkirang nu̱ka kuma aaki ɓa, wa vu̱r zalale aa nyi kuma nu̱ mbu̱ khar Woyang.

1 Korintiyeku 15:27

Jiwa “Magham wa sa aa nu̱m nu̱ mbu̱ bu̱nan.” Yang nu̱ zu̱ki za, “Aanu̱mang,” nu̱ wut za chin Magham nu̱ vu̱rki zalale yenda ɗyine aa nu̱m kapang, a mbu̱ bu̱nan ɓa.

Afiseku 1:22

Magham wa sa aa nu̱m tu̱ khan mbu̱ saari Masiya, wa sa nda ma nu̱ kwaaɗar ɗyine aa nu̱m kap, tu̱ kha ma dle gume ɓu̱ aa nu̱m ye tabar ɓu̱ nu̱ mbu Yesu ku.

Yibraniyeku 1:2

Yang ye lauɗarsi qaandi virkirku nang shi ɓalarang nu̱ ku̱nshe Yi ɓaran. Magham du̱ng aa nu̱m ndu̱ aa nu̱m nu̱ ku̱nshe Yi ɓaranang. Datkya chin tu̱k ma ku̱ aa nu̱m kha ma ɓaran.

1 Biturus 3:22

Masiya wa ɗu̱ viɗi. A nje ɗyin bu̱n zu̱ma ɓu̱ Magham, ye maa nu̱ saki nu̱ ru̱ktiku ɓu̱ Magham, ndu̱ nu̱ kwaaɗarku, ndu̱ nu̱ zalaleku nu̱ mbu̱ bu̱nan.