Yokhana 3:31 - Mewar Alqawarang

³¹ “Njif na shurki viɗi wa duk aaki. Aakya viki larji ɗya ɓu̱ larji, yang a shikya ɓalar ɓu̱ ɗyin larji tu̱k. Njif na ɓa ki viɗi wa duk aaki kap.

Yokhana 3:31 Iomraidhean Croise

Matta 28:18

Tu̱ Yesu a song bing tu̱ zu̱ za, “Wa vu̱r zalale maa viɗi ndu̱ maa vu̱ghai ya kap.

Yokhana 1:15

Tu̱ Yokhana da su̱quran nu̱ viɗi tu̱ saida nda za, “Nang ke njif nang shiki ɓalar ɓaran sarchi nang zu̱ki nga za, ‘Njif nu̱ke a ɓar gaanjang wa dukti nga, ku̱me a nje mbu̱r fara me ku̱ kha nga.’ ”

Yokhana 1:27

Chin kya ɓar gaanja, yang nang khu̱l ku̱ kol nga zo paghamndi ɓaran nu̱gha ɓa.”

Yokhana 1:30

Nang ke njif nang zu̱ki ye nu nga za, ‘Njif nggur a ɓar gaanja nu̱ dukki nga, ku̱me a nje me ku̱ kha nga.’

Yokhana 3:30

Yang wa ku̱s ku̱ ki shaatari, ɓang yang ngga ku̱s ba katari.”

Yokhana 6:33

Ɗye zu̱mndi ɓu̱ Maghamang ɗya nu̱ shurti viɗi, a vu̱r nyifi ye larji.”

Yokhana 6:51

Nga ke ɗye zu̱mndi nu̱ vu̱rti nyifiri nu̱ ɗa shurki viɗi. Kap njif nu̱ zu̱mki ɗye zu̱mndi nang ka gwa nyifiri koɗokhsi ɓa. Yang ɗye zu̱mndi nang ɗya man vara, nu̱ke nga ma vu̱rtan ma ku̱ larji gwa nyifiri.”

Yokhana 8:23

Tu̱ yang Yesu zu̱m guma ndu̱ zu̱ran za, “Tun a vi vu̱ghai, yang ɓang nga vi viɗi. Tun ɓu̱ larji, yang nga ɓu̱ larji ɓa.

Tlu̱nar ɓu̱ Pudeku 10:36

Tun wa zu̱n labar nu̱ Magham ru̱kki ye nduki nu̱ Israila, nu̱ zu̱ki Labar Mbarkandi nu̱ qaandi memu̱nar nu̱ ku̱nshe Yesu Masiya chin ke Zhinkir ɓu̱ aaki.

Romeku 9:5

A khar nduki nu̱ke ɗya qusonggi ɓu̱ zhikankirku nu̱ nduki zu̱nki wor maɗyi. Masiya ɗya pooni ɓaanda ye khar ɓaran nduku. Chin nu̱ke ɗya Magham ɗyine aa nu̱m, bu ku̱ dlu̱ kunari koɗokhsi ɓa. Amin.

Yibraniyeku 9:1

Yang ɗo, alqawar nu̱ gumapaalyang bibiti ghaari ghai ɓaran a nje, ndu̱ maa ghaari ghai nu̱ mbu̱ larji.

1 Biturus 3:22

Masiya wa ɗu̱ viɗi. A nje ɗyin bu̱n zu̱ma ɓu̱ Magham, ye maa nu̱ saki nu̱ ru̱ktiku ɓu̱ Magham, ndu̱ nu̱ kwaaɗarku, ndu̱ nu̱ zalaleku nu̱ mbu̱ bu̱nan.

1 Yokhana 4:5

Ɗya ɓu̱ larji ku, ku̱me nang kap ɗyi nu̱ke a zu̱ran ku ɗya ɗyin larji, yang larji a tu̱k wora.

Ɗyin mbu̱ tukari 19:16

Ve lukti ɓaran, ndu̱ ɗyin bolan wa bu̱la dlu̱m nang nu̱ si za: “KUJI ƁU̱ KUJIKU, NDU̱ ZHINKIR ƁU̱ ZHINKIRKU.”