Yokhana 3:3 - Mewar Alqawarang

³ Tu̱ Yesu tlogha yenda za, “Zhire, zhire, nga zu̱ran yoro mbu̱ nu̱ gaɓ tu̱ kha nduk nu̱ si zu̱m ɓa ɓu̱ na kwaaɗar ɓu̱ Magham ɓa.”

Yokhana 3:3 Iomraidhean Croise

Matta 16:17

Tu̱ Yesu tlogha yenda za, “To nu̱ barka Siman, yi ɓu̱ Yunana! Ku̱me nduk wuɗki na yor ɓa, kope Zhinkir ɓang nu̱ke a mbu̱ viɗi.

Matta 19:24

Ngaa maataran ye nu tu̱k, ka kha ndolndol ye dliimokh ku̱ vi nu̱ mbu̱ ghub lu̱bu̱ra ye ku̱ nu̱ gu̱na vi nu̱ mbu̱ kwaaɗar ɓu̱ Magham.”

Matta 21:31

“Mbu̱ qusonggi rapndi nang, ki shiki ɗyi nu̱ke ku̱maandi ɓaranang a shimnda nang?” Tu̱ tlogha ku za, “Nu̱ gumapaalyang.” Tu̱ yang Yesu ze wor za, “Zhire ngaa zu̱ran ye nu, nu̱ dlu̱r zhaanggalku ndu̱ man mu̱nggu̱lku ka khan gume nu ndu̱ viri nu̱ mbu̱ kwaaɗar viɗi.

Matta 5:18

Zhire nga zu̱ran ye nu, me ku̱ maa viɗi ndu̱ ma vu̱ghai sagha, aa tun mbillokh aa dobti tun koɗom mbu̱ bu̱lar woparang ɓu̱ sagha ɓa, kope wa nyel kap.

Markus 10:14

Nu̱ Yesu naki wanang tu̱ shokhna maɗyi, tu̱ yang ze nu̱ mburindakwang za, “Njig ma qusonggi pichichindang ta ɓa sha, ku̱ nggu̱tl nu wor ɓa ku̱me kwaaɗar ɓu̱ Magham ɗya ɓu̱ pooni wora.

Markus 9:47

Aa yitor ke nu̱ sa ma zop, pulo nu̱ gha kuzhom vina nu̱ mbu̱ kwaaɗar ɓu̱ Magham ndu̱ yiti da, ye ku̱ mbuktor nu̱ mbu̱ giɗim ɓai ndu̱ yitor ku̱lmbu̱r.

Yokhana 1:13

Nu̱ kha ma qusonggi ɓu̱ Magham ve njiv gwar qusonggi ɓu̱ nduk ɓa, yang nu̱ ku̱nshe gontar ɓu̱ nusu ndu̱ khusku ɓa, yang shimndi ɓu̱ nduk ɓa. Ɗya shir ɓu̱ Magham.

Yokhana 1:5

Yarangang a wuti mbu̱ zhum maari, yang zhum maarang nu̱ ɗu̱ma nggu̱tli nda ɓa.

Yokhana 1:51

Tu̱ Yesu zu̱ za, “Zhire nga zu̱ran ye nu tun ka na maa viɗi qu̱ndan, ndu̱ nu̱ ru̱ktiku ɓu̱ Magham a dlar ku, a shurti ku ɗyine Yi ɓu̱ Nduku.”

Yokhana 12:40

“Wa gaɓ ndu̱ wor ma pugumku, tu̱ sa memu̱na wor tu̱ shi kaaku̱ɗakh. Ma ku̱ na ndu̱ yiti wor ɓa, ku̱ da mban ndu̱ memu̱na wor, ma ku̱ ɗa gaɓ ku nu̱ sha tang shaana wor nu̱gha ɓa.”

Yokhana 3:4

Tu̱ Nikodemu zham nda za, “Ka kha nduk kikimndi qu̱rse wa geema? Ka gaɓ kya nu̱ mbe man kom tu̱ kha nda zu̱m mu?”

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

Galatiyeku 6:15

Dlarsi ndu̱ song dlarsi ɗya aa nu̱m ɓa, ɗyi nu̱ khaki nu̱ boota chin ke ku̱ nduk kha ma mewar du̱ngdi.

Afiseku 2:1

Ɗau fara tun wa shi khar wa nduki nu̱ mu̱tki, ku̱me zop ɓaanu ndu̱ khar nu̱ke tun a shiran mbu̱ solarku.

Titus 3:5

tu̱ Magham ɗana rem. Yang shi nang ku̱me dambi ɓaarem ɓa, shi ku̱me ɗaanar ɓaran tu̱ ɗana rem nu̱ ku̱nshe wurti nu̱ Jiimbi shakhshakhndi nu̱ saki tu̱ khaarem mewa chem kha ndu̱ mewar nyifiri.

Yaqub 3:17

Yang pooni kaɗari nu̱ke Magham ka vu̱rkyang, ɗya kaɗari nu̱ke shakhshakh gumapaali. Ka ɗa ɓa ndu̱ qaandi memu̱na, ndu̱ khar tu̱tu̱k, ndu̱ ɓu̱tokh ɗyini, ndu̱ khang nar zhiyaye, ndu̱ khang mu̱nkir tu̱k. Wa da aaki wayen, wa ka tlu̱na ɗyi mbarkandi.

1 Biturus 1:3

Barke wa kha Magham, Zhin Zhinerem gwaanji Yesu Masiya! Chin tu̱kki zhiyaye ɓaarem maɗyi, tu̱ vu̱r mewar nyifi yerem ndu̱ sar memu̱nar nu̱ nyifiri nu̱ ku̱nshe jiiri ɓu̱ Yesu Masiya ɓar mbe mu̱ti.

1 Yokhana 2:29

Mbu̱ tun wa zu̱n nu̱ ɗyine Chin ɗya nu̱ dambi, tun ka zu̱n shwat nu̱ ɗyine njif nu̱ka shiki ɗyi nu̱ke torop ɗya yi ɓu̱ Magham.

1 Yokhana 3:9

Kap njif nu̱ke ɗya yi ɓu̱ Magham ɓu̱ zu̱m guma ndu̱ sola ɓa, ku̱me ye pooni ɓu̱ Magham a nje mbe nda. Ɓu̱ ɗu̱ma zu̱m guma ndu̱ sola ɓa ku̱me wa kha ma yi ɓu̱ Magham.

1 Yokhana 5:1

Kap njif nu̱ maitaki za Yesu chin ke Masiya, ɗya yi ɓu̱ Magham. Ai, njif nu̱ ndolaki Zhin woyang ka ndola woyang tu̱k.

1 Yokhana 5:18

Chem wa zu̱n kap njif nu̱ke ɗya woi ɓu̱ Magham, nu̱ka zu̱m guma ndu̱ shir sola ɓa, ku̱me Yi ɓu̱ Magham a kangga nda, ma ku̱ Sheɗan su̱ɓa nda ɓa.

1 Yokhana 5:4

jiwa aa nyi yi ɓu̱ Magham ka zu̱m loobo ɗyin larji. Maito ɓaarem mbe Masiya ke nu̱ sa rem chem ki ra wute nang.

Ɗyin mbu̱ tukari 3:14

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Laudikiya no za, Wonji ɓalar nu̱ ɗa viki she njif nu̱ka qaki nda za Amin. Chin wutki parakh zhire ɓu̱ Magham, yang Magham shi aa nu̱m kap nu̱ ku̱nshe nda.