Yokhana 3:29 - Mewar Alqawarang

²⁹ “Wonkhar nu̱ shiki ɓu̱rti mewa ke nokhzi nu̱ zhin ɓu̱rtang, raptikir ɓu̱ nu̱ zhin ɓu̱rti nu̱ke a nje ye maa ɓu̱rtang ka bu ma tu̱k su̱qur nu̱ zhin ɓu̱rtang. Wa ka kasha maɗyi mbu wa tu̱k nu̱ zhin ɓu̱rtang wa shi ɓalari. Wanangang tu̱k kashar ɓang wa nyedli.

Yokhana 3:29 Iomraidhean Croise

Matta 22:2

“Kwaaɗar viɗi wa shipa kuji nggur nu̱ nggaki zu̱mndi ye woi ɓaran nu̱ke a ɓu̱rti.

Matta 25:1

“Ye sarchi nang kwaaɗar nu̱ mbu̱ viɗi ka kha wa wonkharku gwang nu̱ daki pitileku ɓaanda tu̱ ɗu̱ ku ma gaɗa nu̱ zhin ɓu̱rti.

Matta 9:15

Tu̱ Yesu tlogha ye wor za, “Woɗye raptikirku ɓu̱ nu̱ zhin ɓu̱rti wa ka shi chiti mbu sarchi nu̱ke a nje su̱yen ndu̱ wor mu? Yang sarchi a nje a ɓari nu̱ke ka ɓa da nu̱ zhin ɓu̱rtang ɓar kha wora, nang ke sarchi nu̱ke ka shiki zhumti ku.

Luka 15:6

ta ɓasi kaari. Ka qa raptan ku ndu̱ nu̱ bing ɓaranku, tu̱ ze wor za, ‘Shem kashar su̱yen, ku̱me nga gwa ndu̱ɓang ɓang nu̱ saghakyang.’

Yokhana 15:11

Nga zu̱ wanang ma ku̱ kashar ɓang khan mbe nu, tu̱ kashar ɓaanu kha nyeedlan tu̱k.

Yokhana 16:24

Ma ɓar leendang dong nun khuɗ aa nu̱m mbu̱ dlu̱ma ɓa. Khuɗ ma, tun ka gwa, ma ku̱ kashar ɓaanu kha nyeedlan.”

Yokhana 17:13

Nga gaɓti nu̱ sho leendang, yang nga khuɗ ɗyiku nang sarchi nu̱ke nga larji ma ku̱ kashar ɓang nu̱ke nyeedlan khan mbe nu̱ mburi nga ku nang.

Yokhana 3:30

Yang wa ku̱s ku̱ ki shaatari, ɓang yang ngga ku̱s ba katari.”

2 Korintiyeku 11:2

Nga zhiri ɓaanu ndu̱ pooni zhiri ndolar nu̱ke Magham a shiran ye nu. Ku̱me nang nga da alqawar ɓu̱rtonu ɓar ye Masiya, yang nga shim ku̱ kha nu shibtan, ma ku̱ vu̱r nga nu yenda ba wa njif nu̱ke a vu̱r wonkhar nu̱ke ɗyinan ku̱san ye zhimen.

Filipiyeku 2:2

Nga khutonu ku̱ shi nu ɗyi nu̱ke ka mu̱nki mba maɗyi. Bu ku̱ kwaari ɓaanu kha da, tun a ndola yen, tun a gonta ɗyinonu ye yen.

1 Yokhana 1:4

Yang chem a bu̱lar nang ma ku̱ kashar ɓaarem kha nyeedlan.

2 Yokhana 1:12

Ɗyiku a nje khang nu̱ke nga shim zu̱ran yoro, yang nang shim bu̱la nga bu̱la ɓa, me ɓu̱ nang, nga sa memu̱nara a ɓa nga she ro shem ɓalar ndu̱ yen me ndu̱ me, nang ka sa tu̱ ɓong memu̱nar ɓaarem kha nyeedlan.

Ɗyin mbu̱ tukari 21:9

Tu̱ da chele nu̱ ru̱ktiku mutndi nu̱ du̱ɓaku nu̱ nyeelki ndu̱ alobeku mutndi nu̱ gana nang a ɓa sha tu̱ zu̱ ya za, “A ɓo, wut nga Wonkhar nu̱ke a ma ɓu̱rti mewa, chin ke nokhzi Ye gamndang.”