Yokhana 3:27 - Mewar Alqawarang

²⁷ Tu̱ Yokhana tlogha za, “Nduk a nje nu̱ke ka gwaki aa nu̱m ɓa kope a vu̱r yenda viɗi.

Yokhana 3:27 Iomraidhean Croise

Matta 21:25

Woɗye ɗa Yokhana gwa zalale baptisme ɓaranang fu̱na, Magham vu̱rki yenda mu yang nduku?” Tu̱ yang shi sawari chele ɓaanda a zu̱ran ku za, “Mbu̱ chem wa zu̱ za a ɓa she Magham, ka ze rem za, ‘Yang nu̱m saki nun maita nda ɓa?’

Matta 25:15

Tu̱ vu̱r kulup mu̱zhindi qurmun ye nduk da, tu̱ vu̱r kulup mu̱zhindi rap ye dandang tu̱k, tu̱ gaɓ tu̱ vu̱r kulup mu̱zhindi da ye nduk da tu̱k. Vu̱r ye aaki rakh du̱mbu̱r ɓaran. Kom tu̱ shi yirang.

Markus 13:34

Ɗyen wa shipa khuski nu̱ njigki rafti ɓaran tu̱ ɗu̱ mbu̱ ghai nggur ɓakh, tu̱ yang njig zalale aa nu̱m kap nu̱ mbu̱ khar maaviku ɓaran. Tu̱ vu̱r tlu̱nar ɓu̱ aaki yenda, tu̱ ze nu̱ bu me raftang za ku̱ nggu̱t raftang yenda nu̱ gha mbari.

Yokhana 10:41

Tu̱ nduki khang a ɓa she nda. Tu̱ yang ki zu̱ran ku za, “Aa nu̱ke Yokhana nu̱ shi ɗye lazham sarda ɓa, yang kap ɗyi nu̱ zu̱ki ɗyine khuski nang ɗya zhire.”

Yokhana 6:65

Tu̱ zu̱ tu̱k za, “Na ke ɗyi nu̱ saki tang ze nu nga za, ‘Nduk a nje nu̱ke ka ɗu̱maki ɓar sha ɓa, buka mbu̱ Zhinkirang wa vu̱r zalale ni yenda.’ ”

Romeku 1:5

Barke ɓu̱ Yesu Masiya ndu̱ dlu̱man saki chem gwa mu̱nkir tu̱ qa rem ma khami ma pudeku ɓaran, ma ku̱ qa mi nduki nu̱ mbu̱ ghaiku kap ku̱ maita tu̱ mbu zu̱r ɓaranku.

Romeku 12:6

Vu̱rtiku a nje khaarem zum zum viɗ ɗyine mu̱nkir nu̱ shiki yerem. Mbu̱ nduk gwakya vu̱rti nu̱ zu̱r ɓalar ɓu̱ Magham, ku̱ zu̱r nda ku̱rku̱r ndu̱ vu̱rti zhire ɓaran.

1 Korintiyeku 1:1

Lagarkati nang a vi sha, nga Bulus nu̱ Magham qaki nga ma ku̱ kha nga ma pude ɓu̱ Masiya Yesu, kom ndu̱ mu̱dlerem Sostanus.

1 Korintiyeku 12:11

Ɗyiku nang kap ɗya Jiimbi nang ɗyenda kya shiran, chin shakki ye aaki wa nu̱ shimki.

1 Korintiyeku 15:10

Yang mu̱nkir ɓu̱ Magham saki tang kha wa nu̱ke nga si leendang, mu̱nkir ɓaran nu̱ kha bam ɓa. Nga shi tlu̱nar nu̱ dukki ɓu̱ pudeku nang kap, aa nu̱ke ɗya nga shiki ɓa, ɗya mu̱nkir ɓu̱ Magham nu̱ke a su̱yen ndu̱ nga.

1 Korintiyeku 3:5

Ki ke Apolos ɗo? Ki ke Bulusang na? Ai chem ɗya ba nu̱ tlu̱narku ɓu̱ Magham, nun maitaki Labar Mbarkandang nu̱ ku̱nshe rem, aaki chele ɓaarem shikya ɗyi nu̱ Zhinerem gwaanji vu̱rki yenda ɓa goma?

1 Korintiyeku 4:7

Ki zu̱ki yor za ta duk mu̱dlwang na? Nu̱m kya kha nu̱ke Magham vu̱rki yoro vu̱r vu̱r ɓa? Yang mbu̱ wanang nu̱m saki ta me wakhti wa no za to gwa bam ɓa?

Galatiyeku 1:1

Lagarkati nang a vi sha, nga Bulus pude ɓu̱ Yesu. Khar ɓang ma pude nang ɗya nduk datki nga ɓa yang shir ɓu̱ nduk zum ɓa. Daatang a vi she Yesu Masiya ndu̱ Magham Zhinki nu̱ jiiki ndu̱ Yesu ɓar mbe mu̱ti.

Afiseku 1:1

Nga Bulus pude ɓu̱ Masiya Yesu mbe shimndi ɓu̱ Magham kya bu̱la lagarkati nang, ma yir she nduki ɓu̱ Magham nu̱ke a mbu̱ ghai Afisa, nu̱ shir zhire ku mbe mbu Masiya Yesu.

1 Timoti 2:7

Nang ke ɗyi nu̱ saki tu̱ daati nga tang kha ma pude ndu̱ nu̱ wopar ɓalarang. Nga ke maalu̱m nu̱ shogar ye kap nduki nu̱ke ɗya Yakhudeku ɓa mbu̱ maito zhirekandi. Ɗyi nu̱ke nga zu̱ran nang ke zhire ni, kotama nje mban ɓa.

Yaqub 1:17

Aa nyi vu̱rti mbarkandi, ndu̱ vu̱rti nyeelkandi a vi mbu̱ viɗi. A zhur she Magham Zhinkir nu̱ du̱ngki fu̱ɗa, ndu̱ chera ndu̱ anjinjeku kap. Yang chin nu̱ka shi nggot ɓa.