Yokhana 3:2 - Mewar Alqawarang

² Ta ɓa she Yesu mbu̱ virkiri za, “Maalu̱m, chem wa zu̱n za to maalu̱m nu̱ Magham a ru̱kki ro. Ku̱me nduk a nje nu̱ke ka ɗu̱maki shi ɗye lazhamku nu̱ke ta shiran nang ɓa kope Magham a nje su̱yen ndu̱ chin.”

Yokhana 3:2 Iomraidhean Croise

Matta 22:16

Ta ru̱k nu̱ mbu wor kwang ndu̱ nduki ɓu̱ Khiridus tu̱ ze nda ku za, “Maalu̱m, chem wa zu̱n za to nu̱ zhire, ta shoga kya zhire ɓu̱ ɓalar ɓu̱ Magham ɓara. Aaki wayen shoro, no da njif nggur ndu̱ zhaaji tu̱ duk njif nggur ɓa.

Matta 23:7

ndu̱ ku̱ nduki ki wuse ye wor chele gomari, a qa wor Maalu̱m.

Matta 23:8

“Yang tunu, ku̱ nduk qa nu̱ Maalu̱m ɓa, ku̱me Maalu̱m ɓaanu ba kaada, kap ɓaanu tun nyeezi yen ku.

Markus 12:14

Na khu̱lki ku, tu̱ qa nda ku za, “Maalu̱m, chem wa zu̱n za to nu̱ zu̱r zhire, ta da aaki wayen, ku̱me no damta ndu̱ nar yiti ɓa, ta ka shoga zhire ɓu̱ njiv ɓu̱ Magham ye nduki. Yang ɗa, wa shipa vu̱rmi zhaanggal ye Kuji Kaisar mu, yang auwo mu?

Yokhana 1:38

Nu̱ Yesu dambu̱rki tu̱ nggu̱t maa gana, tu̱ na a mbu gaanje nda ku, tu̱ zham wor za, “Tun a shimkya nu̱ma?” Tu̱ ze nda ku za, “Rabbi” Nu̱ke mban za Maalu̱m, “To kharan fu̱na?”

Yokhana 10:38

Yang mbu̱ nga shikya tlu̱nar nu̱ kya shiran, aa nun maita nga ɓa, maita ma tlu̱narkwang, ku̱me zu̱n nu, tun da mban tu̱k za, Zhinkirang a nje mbya, yang nga mbe nda tu̱k.”

Yokhana 12:37

Aa nu̱ke Yesu wa shi ɗye saidu khang gume wora, kap ndu̱ nang nu̱ maita nda ɓa.

Yokhana 14:10

No maita za nga da ndu̱ Zhinkirang, yang Zhinkirang a mbya de? Ai ɓalar nu̱ke nga shiran ye nwang, nga shiran ndu̱ zalale ɓang ɓa, Zhinkir nu̱ke a mbyang kya tlu̱nar ɓaran.

Yokhana 15:24

Nga shi ɗyiku khang chele ɓaanda nu̱ke sar da njif nggur a nje nu̱ shiki ɓa. Mbu̱ nang shi tlu̱nar ku nang ɓa, tu̱ga sola ve wor ɓa. Yang leendang wa woɗa na ɗyiku nang shiki, yang kap ndu̱ nang tu̱ zhangndi nga gha ku, tu̱ yang zhang Zhinkir ɓang gha ku tu̱k.”

Yokhana 2:11

Nang ke ɗye lazham nu̱ khaki ma ɗye saidu nu̱ gumapaali nu̱ Yesu shiki, yang shir nda Kaana nu̱ke a mbu̱ dlar ghai Galili. Wa wuɗ zhaaji ɓaran, tu̱ nu̱ mburindakwang maita nda.

Yokhana 20:16

Tu̱ Yesu qa nda za, “Maryam!” Tu̱ mbu̱m nu̱ she Yesu tu̱ qa nda ndu̱ me Yakhuda za, “Rabboni” (mban za “Maalu̱m.”)

Yokhana 3:26

Tu̱ nu̱ mbu Yokhana kwang ɗu̱ she Yokhana ku tu̱ ze nda za, “Maalu̱m, njif nu̱ke ta su̱yen ndu̱ chin ve dlar Gaawu Urdunang nu̱ke to nu̱ ɗyinor saidaki ndang a njig far a baptisme, yang aakya yir she nda.”

Yokhana 4:31

A mbu̱ ɗyinang tu̱ nu̱ mburi nda kwang khuti nda za, “Maalu̱m, zu̱m ɗye zu̱mndi.”

Yokhana 5:36

Yang saidu ɓanga nje khara nu̱ dukki saidu nu̱ Yokhana shiki ɗyina. Ɗyiku nu̱ke nga shiran Zhinkirang vu̱rki ya za shi nga, ɗyi nu̱ke nga shiranku nang, wor saidaki za Zhinkirang a ru̱kki nga.

Yokhana 6:2

Tu̱ nduki khang mbu gaanje nda, ku̱me wa na ɗye saidu ɓaran nu̱ shiki ye nduki nu̱ke var wor mu̱n ɓa.

Yokhana 7:31

Kap ndu̱ nang tu̱ nduki khang mbu̱ tabar ndukyang maita Yesu, a zu̱ran ku za, “Woɗye ɗa, mbu̱ Masiya ɓa, ka shi ɗye lazham nu̱ dukki ɗyi nu̱ke khuski nang shiki mu?”

Yokhana 9:16

Tu̱ ɓeena Parisekwang zu̱ za, “Njif nang a vi she Magham ɓa, ku̱me nu̱ka khutlo Fu̱ɗar Maasi ɓa.” Tu̱ yang ɓeenan shi zhamndi za, “Nu̱ sola ka ɗu̱ma shi ɗye lazhamku nang kikimndana?” Tu̱ ɗyin wor shakh ku̱men.

Tlu̱nar ɓu̱ Pudeku 10:38

Tun wa zu̱n nu̱ ɗyine Magham wa nyel Yesu khuzi Nazaret ndu̱ Jiimbi ɓaran ndu̱ zalale. Kom ndu̱ baarar maa nu̱ shiki, ndu̱ shir mbarkir ye nduki. A shaana nduki nu̱ Sheɗan damtaki wora ku̱me Magham a nje su̱yen ndu̱ chin.

Tlu̱nar ɓu̱ Pudeku 2:22

“Nyeeza Israila tu̱k ma ɓalar nang. Yesu ye Nazaret ɗya njif nu̱ Magham wutki ye nu za chin wa maita nda shwat. Magham wa wut ye nu ku̱nshe ɗye lazhamku ndu̱ tlu̱nar gwaanji gwaanjiku ndu̱ ɗyiku nu̱ Magham shiki ku̱nshe nda chele ɓaanu, ba wa nun zu̱nki, ku̱me shi ɗyiku nang kap mbu̱ yitonu.

Filipiyeku 1:14

Khiiri nga gha nu̱ shiki zhaaru̱m nang wa sa tu̱ nyeezerem mbe Zhinerem gwaanji shaata gwa du̱mbu̱r wopa ɓalar ɓu̱ Magham sawa su̱ ɓa.