Yokhana 3:16 - Mewar Alqawarang

¹⁶ “Ji Magham wa ndola larji maɗyi, tu̱ vu̱r woi ɓaran khakandi chin ɗyenda, ku̱me aaki nu̱ maitaki nda, ɓu̱ sagha bam ɓa, yang ka gwa nyifi nu̱ke ɓu̱ shi woɗa ɓa.

Yokhana 3:16 Iomraidhean Croise

Matta 9:13

Ɗu̱ ma tun a nggu̱t mbu̱ ɗyi nu̱ke ɓalar na a zu̱ran, ‘Nga gang sadka kha nu ɓa, nga shimkya nar zhiyaye.’ Ku̱me na nga ɓa ma qa nu̱ jeembu ku ɓa, nga ɓa ku̱me nu̱ solarku.”

Markus 12:6

Tu̱ yang njig kya woi ɓaran da ketenggu̱leng, yang a ndola woi na maɗyi. Tu̱ nu̱ damang ru̱k woi nang gaandan, a zu̱ran za, Ai, ka na zhaaji ɓu̱ woi ɓang ku.

Luka 2:14

“Zhaaji ye Maghamndi nu̱ viɗi, mbu̱ larji yang ku̱ nduki nu̱ Magham tu̱kki mu̱ndi ɓaanda kha ndu̱ qaandi memu̱na.”

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 1:18

Sar da nduk a nje nu̱ naki Magham ɓa, kope Yi ɓaran khakandi ɗyenda ndang, nu̱ke chin ke ba Maghamang. Chin wuɗki Magham yerem ku̱me chin kya su̱yen ndu̱ Zhinkirang.

Yokhana 1:29

Vi dumaaran, tu̱ Yokhana na Yesu a ɓar she nda. Tu̱ Yokhana zu̱ za, “Nggu̱t ma! Wonji Ye gamndi ɓu̱ Magham nu̱ kya da solar ɓu̱ larji ɓara.

Yokhana 10:28

Nga vu̱r nyifi ye wor nu̱ke ɓu̱ shi woɗa ɓa, ɓu̱ dar mu̱t ku ɓa, yang nduk a nje nu̱ke ka lawaki wor ɓar mbu̱ khara ɓa.

Yokhana 3:15

ku̱me aaki maitaki nda ku̱ gwa nyifi nu̱ke ɓu̱ shi woɗa ɓa.”

Yokhana 3:18

Aaki maitaki Yi ɓu̱ Magham ɓu̱ kuma nda ɓa, yang kap njif nu̱ zhangki maita nda gha, wa woɗa kuma nda, ku̱me nu̱ maita dlu̱m Yi ɓu̱ Magham khakandi ɗyenda ndang ɓa.

Yokhana 3:36

Aaki kya maita Woyang, wa gwa nyifi nu̱ke ɓu̱ shi woɗa ɓa. Yang aaki nu̱ zhangki Woyang, ɓu̱ na nyifi ɓa, yang shokhnar ɓu̱ Magham a nje kharan ɗyine nda.”

Yokhana 6:40

Ku̱me nang ke shimndi ɓu̱ Zhinkir ɓanga, kap njif nu̱ke a nggu̱t Woyang, tu̱ ki maita nda wa gwa nyifi nu̱ke ɓu̱ shi woɗa ɓa, yang nga ka da nda nu̱ viɗi fu̱ɗar wuri.”

Romeku 5:10

Nang ɗo, mbu̱ ye sarchi nu̱ke chem a kare ndu̱ Magham, chem gwaki somtar ndu̱ chin nu̱ ku̱nshe mu̱ti ɓu̱ Yi ɓaran. Leendang nu̱ gaɓki ndu̱ chem ma raptan ɗa, ai ka ɗana rem nu̱ ku̱nshe khar viti ɓu̱ Yi ɓaranang.

Romeku 5:8

Yang Magham wa wut ndolar ɓaran maɗyikandi yerem, ma nu̱ke ye sarchi nu̱ke chem a mbu̱ solar ɓaarem, Masiya mu̱tki ku̱me chem.

Romeku 8:32

Magham nu̱ nggu̱tlerem ndu̱ Yi ɓaran ɓa, tu̱ yang vu̱rti nda ku̱me chem kap. Yang Magham nu̱ vu̱rki Yi ɓaranang, ɓu̱ vu̱r aa nu̱m yerem kharan nggaran ɓa goma?

Afiseku 2:4

Yang Magham ɗya nu̱ nar zhiyaye maɗyi, ndolar ɓaran yerem khang maɗyi,

2 Tasalonikeku 2:16

Bu ku̱ Zhinerem gwaanji Yesu Masiya ndu̱ ɗyinan, ndu̱ Magham Zhinkir ɓaarem, nu̱ke a ndolarem, vu̱r shokhku̱rokh me bu̱n yerem nu̱ke nu̱ka shi woɗa ɓa, ndu̱ sar memu̱nar mbarkandi nu̱ ku̱nshe mu̱nkir ɓaran.

Titus 3:4

Yang sarchi nu̱ke mu̱nkir ndu̱ ndolar ɓu̱ Magham nu̱ ɗanar rem a viki ye dalangi,

Yibraniyeku 2:9

Chem nakya Yesu nu̱ saki tu̱ kata nu̱ ru̱ktiku ɓu̱ Magham me sarchi koɗomma. Yang leendang wa vu̱r zhaaji ndu̱ gorkir yenda ku̱me wa shi bonye nu̱ ku̱nshe mu̱nkir ɓu̱ Magham ka dar mu̱ɗi me ɓu̱ nduk kap.

1 Yokhana 3:1

Nggu̱t ma pooni ndolar maɗyikandi nu̱ Zhinkirang wutki yerem nu̱ka qaki rem za chem qusonggi ɓu̱ Magham, yang chem wanang shwat. Nduki nu̱ larji nu̱ zu̱nderem ku ɓa ku̱me nu̱ zu̱n nda ku ɓa.

1 Yokhana 4:19

Chem a wut ndola ku̱me Magham nggaki su̱ wut ndola yerem.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.