Yokhana 3:15 - Mewar Alqawarang

¹⁵ ku̱me aaki maitaki nda ku̱ gwa nyifi nu̱ke ɓu̱ shi woɗa ɓa.”

Yokhana 3:15 Iomraidhean Croise

Matta 18:10

“Ku̱r ma vaanu, ku̱ ndu̱m nu da chele qusonggiku na ɓa, ku̱me nga zu̱ran ye nu nu̱ ru̱ktiku ɓu̱ Magham nu̱ khutlo wor nu̱ke a mbu̱ viɗi sot a nggu̱t mbu̱ yiti Zhinkir ɓanga.

Matta 25:46

“Nduki nang ka vi nu̱ mbu̱ bonye nu̱ke ɓu̱ shi woɗa ɓa, yang nu̱ dambi ku ka vi nu̱ mbu̱ nyifi nu̱ke ɓu̱ shi woɗa ɓa.”

Markus 16:16

Njif nu̱ maitaki, tu̱ shi baptisme, ka gwa ɗanari. Yang njif nu̱ke nu̱ maita ɓa, ka kuma nda.

Luka 19:10

Jiwa wonji Yi ɓu̱ Nduk a ɓa ma laɓ nji nduki nu̱ saghaki, ku̱ ɗana wora.”

Yokhana 1:12

Yang koɗokh me nduki nu̱ dlu̱ki nda, tu̱ maita dlu̱man, wa vu̱r zalale ye wor ma ku̱ kha ma qusonggi ɓu̱ Magham.

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Yokhana 20:31

Yang bu̱la nu̱kunang ma ku̱ maita nu nu̱ ɗyine Yesu ke Masiya, Yi ɓu̱ Magham. Kom tu̱k, nu̱ ku̱n she maitar nda tun gwa nyifi mbu̱ dlu̱man.

Yokhana 3:16

“Ji Magham wa ndola larji maɗyi, tu̱ vu̱r woi ɓaran khakandi chin ɗyenda, ku̱me aaki nu̱ maitaki nda, ɓu̱ sagha bam ɓa, yang ka gwa nyifi nu̱ke ɓu̱ shi woɗa ɓa.

Yokhana 3:36

Aaki kya maita Woyang, wa gwa nyifi nu̱ke ɓu̱ shi woɗa ɓa. Yang aaki nu̱ zhangki Woyang, ɓu̱ na nyifi ɓa, yang shokhnar ɓu̱ Magham a nje kharan ɗyine nda.”

Yokhana 5:24

“Zhire nga zu̱ran ye nu, njif nu̱ka tu̱kki ɓalar ɓanga, tu̱ka maita njif nu̱ ɗa ru̱kki nga, wa gwa nyifi nu̱ke ɓu̱ shi woɗa ɓa. Ɓu̱ kuma nda ɓa, wa woɗa lawar me mu̱ti wa gwa nyifiri.

Yokhana 6:27

Ki nu bonye ku̱me kaalar ɗye zu̱mndi nu̱ke ka su̱bu̱rki ɓa, laɓ ma ɗye zu̱mndi nu̱ke ɓu̱ shi su̱bu̱r ɓa, yang ka vu̱r nyifi ye nu nu̱ke ɓu̱ shi woɗa ɓa. Nang ke pooni ɗye zu̱mndi nu̱ke Yi ɓu̱ Nduk ka vu̱rki ye nu. Ku̱me Magham wa ghwaɗ saidu maito nu̱ ve Masiya Yesu.”

Yokhana 6:40

Ku̱me nang ke shimndi ɓu̱ Zhinkir ɓanga, kap njif nu̱ke a nggu̱t Woyang, tu̱ ki maita nda wa gwa nyifi nu̱ke ɓu̱ shi woɗa ɓa, yang nga ka da nda nu̱ viɗi fu̱ɗar wuri.”

Yokhana 6:47

Zhire, nga zu̱ran ye nu, aaki maitaki wa gwa nyifi nu̱ke ɓu̱ shi woɗa ɓa.

Tlu̱nar ɓu̱ Pudeku 13:41

‘Nggu̱t ma, tun nu̱ ɓalar ndu̱mndi! Shi ma lazham, tun mu̱ɗi! Ku̱me nga ma tlu̱nar nggur mbu̱ qaandi virkirku ɓaanu, tlu̱nar nu̱ke aa nduk wa ze nu, tun ɓu̱ maita ɓa.’ ”

Tlu̱nar ɓu̱ Pudeku 8:36

A mbu̱ yir ku ta khu̱l ye maa nu̱ke ɗyim a nje, tu̱ khuski nu̱ke su̱ ve nda ɓa ndang zu̱ za, “No, wonji ɗyimi! Nu̱m ka nggu̱tlki shir baptisme ya?”

Romeku 5:21

Wa nu̱ solar shiki kwaaɗar ɓaran nu̱ ku̱nshe mu̱ti, wanang tu̱k mu̱nkir ɓu̱ Magham a kwaaɗar ɓaran leendang nu̱ ku̱nshe dambu. A yir ndu̱ chem ye nyifi nu̱ke ɓu̱ shi woɗa ɓa mbe Yesu Masiya Yesu Zhinerem gwaanji.

1 Korintiyeku 1:18

Labar mu̱ti ɓu̱ Yesu ɗyin qu̱far kaatlang ɗya ɓalar bamndi she nduki nu̱ saghaki, yang she rem, chem nyem ɗanaki, labar mu̱ti ɓu̱ Yesu ɗyin qu̱far kaatli ɗya zalale ɓu̱ Magham.

2 Korintiyeku 4:3

Mbu̱ Labar mbarkandi nu̱ke chem a woparan nang wa kha tukaran, kha tukaran ye nduki nu̱ke a ɗyin njiv su̱yari.

Galatiyeku 2:16

Yang chem wa zu̱n nu̱ ɗyine nduk ɓu̱ kha waare sola gume Magham nu̱ ku̱nshe mburi Bibitang ɓa, kope wa maita Yesu Masiya. Ku̱me nang chem wa vu̱r vaarem ye Masiya Yesu. Chem shi wanang ma ku̱ kha mi waare sola gume Magham nu̱ ku̱nshe dlar vaarem nu̱ ve Masiya, nyem mbu nu̱ ku̱nshe mburi Bibitang ɓa. Ku̱me nduk a nje nu̱ke ka khaki waare sola gume Magham nu̱ ku̱nshe mburi Bibitang ɓa.

Galatiyeku 2:20

Wa kaatli nga gha su̱yen ndu̱ Masiya. Yang nga nje ndu̱ nyifi ɓa, Masiya kya khar mbya. Khar ɓang mbu̱ man var nang, nga shikya khar maito mbe Yi ɓu̱ Magham, chin nu̱ ndolaki nga tu̱ mu̱t ku̱me nga.

Yibraniyeku 10:39

Yang ɓaarem chem a mbu̱ nduki nu̱ ka gaɓki nu̱ gana ma ku̱ su̱ya ɓa, ɓaarem chem a mbu̱ nduki nu̱ka maitaki tu̱ gwa ɗanari.

Yibraniyeku 7:25

Ku̱me nang ka ɗu̱ma ɗana nduki nu̱ ɗa ɓa ki she Magham nu̱ ku̱nshe nda aakochi, ku̱me a nje ndu̱ nyifiri laada su̱ ɓa, a zu̱m guma ndu̱ khuti Magham ku̱me wora.

1 Yokhana 2:25

Nang ke alqawar nu̱ Woyang shiki yerem, chin ke nyifi nu̱ke nu̱ka shi woɗa ɓa.

1 Yokhana 5:1

Kap njif nu̱ maitaki za Yesu chin ke Masiya, ɗya yi ɓu̱ Magham. Ai, njif nu̱ ndolaki Zhin woyang ka ndola woyang tu̱k.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.