Yokhana 3:11 - Mewar Alqawarang

¹¹ Zhire, zhire, nga zu̱ran yoro, chem a zu̱kya ɗyi nyem zu̱nki, chem saida ɗyi nyem naki, yang nun dlu̱ saidu ɓaaremang ɓa.

Yokhana 3:11 Iomraidhean Croise

Matta 11:27

“Zhinkir ɓang wa vu̱r aa nu̱m ya kap nduk nje nu̱ zu̱nki woyang ɓa kope Zhinkirang, yang tu̱k nduk nje zu̱nki Zhinkirang zum ɓa kope woyang, kom ndu̱ njif nu̱ woyang shimki ku̱ wutnji nda yenda.

Matta 23:37

“Awai, Urshalima, Urshalima! Nu̱ tlaghar annabiku, nu̱ mbukti nduki na ru̱kki ye nu! Sar kim nga shimki kanggu̱la nga nu ba wa nu̱ke kuzha ka tabaki qusonggi ɓaran nu̱ mbu̱ khobkan, yang tun wa zhang gha.

Luka 10:22

“Aba ɓang wa vu̱r zalale ya ɗyine aa nu̱m kap. Nduka nje zu̱nki Woyang ɓa, kope Zhinang ɗyenda, yang tu̱k nduk a nje zu̱nki Zhinang zum ɓa kope Woyang, kom ndu̱ njif nu̱ Woyang shimki wuti nda yenda.”

Yokhana 1:11

A ɓakya she nduki ɓaran yang nduki ɓaranang nu̱ dlu̱r nda ku ɓa.

Yokhana 1:18

Sar da nduk a nje nu̱ naki Magham ɓa, kope Yi ɓaran khakandi ɗyenda ndang, nu̱ke chin ke ba Maghamang. Chin wuɗki Magham yerem ku̱me chin kya su̱yen ndu̱ Zhinkirang.

Yokhana 12:49

Ɗyi nu̱ke nga shogaran ɓara ɗya ɓang ɓa, Zhinkir ɓang nu̱ ɗa ru̱kki nga zu̱ki ɗyi nu̱ke ngga zu̱ki ndu̱ ɓalar nu̱ke ngga shiki.

Yokhana 14:24

Njif nu̱ke a ndola nga ɓa, ɓu̱ khutlo ɓalar ɓang ɓa. Ɓalar nu̱ke tun a tu̱ktan nang ɗya ɓang ɓa ɗya ɓu̱ Zhinkir nu̱ ɗa ru̱kki nga.”

Yokhana 3:12

Nga shikya ɓalar ye nu ɗyine ɗyiku nu̱ke a fan larji, yang nun maita ɓa, mbu̱ nga zu̱ ɗyiku nu̱ke a mbu̱ viɗi ye nu, tun ka maita kikimnda?

Yokhana 3:13

Sar da nduk a nje nu̱ dlaki nu̱ viɗ ɓa, kope Yi ɓu̱ Nduk na shurki viɗ ɗyenda.

Yokhana 3:3

Tu̱ Yesu tlogha yenda za, “Zhire, zhire, nga zu̱ran yoro mbu̱ nu̱ gaɓ tu̱ kha nduk nu̱ si zu̱m ɓa ɓu̱ na kwaaɗar ɓu̱ Magham ɓa.”

Yokhana 3:5

Tu̱ Yesu tlogha yenda za, “Zhire zhire nga zu̱ran yoro, mbu̱ nu̱ kha nduk nu̱ ku̱nshe ɗyim ndu̱ Jiimba ɓa, ɓu̱ vi nu̱ mbu̱ kwaaɗar ɓu̱ Magham ɓa.

Yokhana 5:43

Nga ɓa ndu̱ zalale ɓu̱ Zhinkir ɓanga, nun dlu̱ri nga ɓa, yang mbu̱ njif nggur a ɓa ku̱me ɗyinan, tun ka dlu̱ri nda.

Yokhana 7:16

Tu̱ Yesu tlogha ye wor za, “Ɗyi nu̱ke nga shogaran ɓarang, ɗya ɓang ɓa, ɗya ɓu̱ njif nu̱ ɗa ru̱kki ngang.

Yokhana 8:14

Tu̱ Yesu tlogha ye wor za, “Aa nga saida ɗyina, ai, saidu ɓang ɗya zhire, ku̱me nga zu̱n ye maa na nga viki si, ndu̱ maa nu̱ke nga yir si. Yang nun zu̱n maa na nga viki si ɓa, yang nun zu̱n maa nu̱ke nga yir su̱ ɓa.

Yokhana 8:26

Ɗyi kwa nje khang nu̱ke ngga ɗu̱maki zu̱ran ɗyinonu, kom ɗyiku khang nu̱ke kuma nga nun ɗyinan tu̱k. Yang nga zu̱kya ba ɗyi nang tu̱kki she njif nu̱ ɗa ru̱kki nga ɗyenda, yang nga zu̱kya ba zhire ye larji.”

Yokhana 8:38

Nga zu̱kya ɗyi nang naki she Aba ɓanga, yang tun a shi kya ɗyi nun tu̱kki she zhinonu.”

Tlu̱nar ɓu̱ Pudeku 22:18

Tu̱ yita na Yesu a zu̱ran ya za, ‘Ju, to njig Urshalima ɗau, ku̱me ɓu̱ dlu̱ saidu nu̱ke ta ma shiran ku ɗyina ɓa.’

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.

Ɗyin mbu̱ tukari 3:14

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Laudikiya no za, Wonji ɓalar nu̱ ɗa viki she njif nu̱ka qaki nda za Amin. Chin wutki parakh zhire ɓu̱ Magham, yang Magham shi aa nu̱m kap nu̱ ku̱nshe nda.