Yokhana 3:10 - Mewar Alqawarang

¹⁰ Tu̱ Yesu tlogha za, “To maalu̱man Israila, yang no da mbu̱ ɗyiku nang ɓa?

Yokhana 3:10 Iomraidhean Croise

Matta 11:25

Ye sarchi nang tu̱ Yesu zu̱ za, “Ngaa kunaro, Aba, Zhinkir gwaanji ɓu̱ maa viɗi ndu̱ maa vu̱ghai, ku̱me ta tuka ɗyiku nang gha ye nu̱ kaɗari ku ndu̱ nu̱ zu̱ndi ku, to wuɗ ye qusonggi pichichindi.

Matta 15:14

Njig wora, ɗya pugumku nu̱ke a bala pugumku. Mbu̱ pugum wa bala pugum kap ɓaanda kaɗa nggu̱ɗ ku nu̱ gwa.”

Matta 22:29

Tu̱ Yesu tlogha ye wor za, “Tun sagharan ku̱me nun zu̱m ɓalar ɓu̱ Magham ɓa, yang nun zu̱n zalale ɓaran zum ɓa.

Luka 2:46

Ye fu̱ɗar nu̱ kunung, ta gwa nda ku mbu̱ Rafti ɓu̱ Magham kharan chele Maalu̱mku a gwa dlu̱mndan ye wora, yang a zhamndi ye wor tu̱k.

Luka 5:17

Sarchi ngguri Yesu a shogar ye nduki, tu̱ Pariseku su̱yen ndu̱ nu̱ zu̱ndi Taurete ku a ɓa ku, a vi mbu̱ gureku Galili ndu̱ Yakhudiya, kom ndu̱ Urshalima, kharan ku a tu̱k shogarang. Zalale ɓu̱ Zhinerem gwaanji a nje su̱yen ndu̱ chin ma shaana nu̱ khaatiku.

Yokhana 3:9

Tu̱ Nikodemu zham nda za, “Yang nang ka shi kikimnda?”

Tlu̱nar ɓu̱ Pudeku 5:34

Tu̱ yang Parise nggur nu̱ke dlu̱man za Gamaliyel, ɗya maalu̱m Taurete, nu̱ke aakya na zhaaji ɓaran ji nu̱ viɗi mbu̱ tabar dle gume ɓu̱ Yakhudekwang, tu̱ sa za ku̱ vi ndu̱ ndukyang dam dong.

Romeku 2:28

Jiwa nduk nu̱ka zu̱n Yakhude zhirekandi nu̱ ku̱nshe ɗyi nu̱ke nduk a naran dam ɓa, yang dlarsi zhirekandi nduk nu̱ka na nu̱ yiti zum ɓa.

Filipiyeku 3:3

Ai, chem ke nu̱ dlarsi mbarkandi, chem nyem ka gharki ghai ye Magham nu̱ ku̱nshe Jiimbi shakhshakhndi, chem a wakhti ndu̱ Masiya Yesu, yang nyem maita tlu̱nar ɗyin mbu̱ manva ɓa.

Kolosiyeku 2:11

Tun wa gwa mewar dlarsi mbe nda, yang ɗya pooni dlarsi nu̱ke nduk ka shiki ndu̱ kharan ɓa, ɗya pooni dlarsi nu̱ke Masiya shiki ye nu, nu̱ fetki ɗye shir malkandi ɓaanu nu̱ manva ɓara.