Yokhana 21:17 - Mewar Alqawarang

¹⁷ Tu̱ Yesu gaɓ tu̱k tu̱ zham nda nu̱ kunungan za, “Siman yi ɓu̱ Yokhana, ta ndola nga mu?” Tu̱ Biturus su̱bu̱r mban nu̱gha ku̱me ye zhamndi nu̱ kunungang Yesu wa zu̱ za, “Ta ndola nga mu?” Tu̱ gaɓ tu̱ tlogha za, “Zhinerem gwaanji ta zu̱n aa nu̱m kap, yang ta zu̱n tu̱k za nga ndola ro.” Tu̱ Yesu ze nda za, “Zu̱m ndu̱ ndu̱ɓangku ɓanga.

Yokhana 21:17 Iomraidhean Croise

Matta 25:40

“Yang kujirang ka tlogha ye wor za, ‘Zhire nga zu̱ran ye nu, ma nu̱ke tun wa shi ye nyeezaku katakandi nang, ai, tun shi ya.’

Markus 14:72

Fan ndu̱ fan tu̱ koogurokh shi mbaari nu̱ rap. Tu̱ yang Biturus kor ɗyi nu̱ Yesu zu̱ki yenda za, “Me ku̱ koogurokh shi mbaari sar rap, to kaa keela zu̱ndi nga sar kunung.” Nu̱ kor ki ɓalar nang tu̱ ngga ghoori.

Yokhana 12:8

Ai, tun a su̱yen ndu̱ nu̱ nungndiku aakochi, yang tun ɓu̱ kha su̱yen ndu̱ nga aakochi ɓa.”

Yokhana 13:38

Tu̱ Yesu tlogha za, “Alapa to ka vu̱r nyifi ɓa ɓar ku̱me nga? Zhire, nga zu̱ran yoro, me ku̱ koogurokh shi mbaari, to ka keela no za no zu̱ndi nga ɓa sar kunung.”

Yokhana 14:15

“Mbu̱ tun a ndola nga, tun ka mbu zu̱r ɓanga.

Yokhana 15:10

Nga mbu zu̱r ɓu̱ Zhinkir ɓang tang khan mbu̱ ndolar ɓaran tu̱k. Wanang tu̱k mbu̱ tun wa mbu Woparku ɓang tun ka khan mbu̱ ndolar ɓanga.

Yokhana 16:30

Leendang chem wa da mban nu̱ ɗyine ta zu̱n aa nu̱m. Ta ka tlogha zhamndi me ku̱ nduk zhami. Nang wa sa chem maita ta vi she Magham.”

Yokhana 18:27

Tu̱ Biturus gaɓ tu̱ keela. Fan ndu̱ fan tu̱ koogurokh shi mbaari.

Yokhana 18:4

Yang nu̱ke Yesu wa zu̱n ɗyi nu̱ke a ma shiran ku kap, tu̱ ɗa vi tu̱ zham wor za, “Tuna laɓkya kiya?”

Yokhana 21:18

Zhire, nga zu̱ran yoro, sarchi nu̱ke to nyakhtli, ta ka sa lukti to ɗu̱ ye maa nu̱ke ta shimndan kap. Yang mbu̱ ta geema to ka vu̱r kha ye njif nggur tu̱ sa lukti yoro. Tu̱ ɗu̱ ndu̱ to ye maa nu̱ke ta shim yir si ɓa.”

Yokhana 4:16

Tu̱ Yesu ze nda za, “Ɗu to ɗa qa zhimero tun a ɓa su̱yen.”

Tlu̱nar ɓu̱ Pudeku 1:24

Tu̱ nu̱ mbu Yesu kwang shi barar a zu̱ran ku za, “Zhinkir gwaanji, ta zu̱n memu̱na aaki. Wut njif no datki yerem chele nduki rapndi nang,

Tlu̱nar ɓu̱ Pudeku 11:10

Shi wanang sar kunung kom tu̱ da ɗyang ɓar ma yir viɗi.

Tlu̱nar ɓu̱ Pudeku 15:8

Yang Magham nu̱ zu̱nki memu̱na aaki, tu̱ wuɗ za chin wa dlu̱ wor nu̱ ku̱nshe Jiimbi shakhshakhndi nu̱ vu̱rki ye wor ba wa nu̱ vu̱rki yerem.

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

Afiseku 4:30

Ku̱r ma vaanu, ku̱ su̱bu̱r nu memu̱na Jiimbi shakhshakhndi ɓu̱ Magham nu̱gha ɓa, ku̱me chin ke saidu ɓu̱ Magham nu̱ke ka naki nu̱ si Fu̱ɗar wuri za tun ɓaran.

1 Biturus 1:6

Mbu̱ ɗyi nang shi ma ɓong memu̱nar maɗyikandi, aa nu̱ke leendang memu̱na nu chit ku̱me buuriku zum zum nu̱ke tun a mban.

2 Bitu̱rus 3:1

Raptaku nu̱ke nga ndolaran, leendang nang ke lagarkati ɓang nu̱ rap nang ru̱kki ye nu. Yang mbu̱ lagarkati ɓang ku rapndi nang nga bu̱la ɗyiku nu̱ke ka saki nu tun mbu Magham ndu̱ memu̱nar da.

Ɗyin mbu̱ tukari 2:23

Ngga tlagha nduki nu̱ke a mbu shogar ɓaran nu̱gha, nu̱ mbu Yesu ku kap ka zu̱n nu̱ ɗyine nga ke nu̱ laɓ mbu̱ kwaari ndu̱ memu̱na aaki. Yang ngga ɓi aaki ku̱rku̱r ndu̱ tlu̱nar ɓaran.

Ɗyin mbu̱ tukari 3:19

Ngga wukya nduki nu̱ke nga shimndan tang ɗu̱r wora. Ku̱me nang kho ndu̱ zhire to nggoɗ khar viti ɓaaro.