Yokhana 21:16 - Mewar Alqawarang

¹⁶ Tu̱ Yesu gaɓ tu̱ zham nda nu̱ rapan za, “Siman yi ɓu̱ Yokhana, ta ndola nga mu?” Tu̱ tlogha yenda za, “I, Zhinerem gwaanji, ta zu̱n nga ndolaro.” Tu̱ Yesu zu̱ za, “khutlo ndu̱ɓangku ɓanga.”

Yokhana 21:16 Iomraidhean Croise

Matta 2:6

‘To Baitalami mbu̱ dlar ghai Yakhudiya, to ghai koɗommandi chele ghai kwaaɗarku ɓu̱ Yakhudiya ɓa. Ku̱me to ke maa nu̱ke ka ɓa khaki gorkir nu̱ kwaaɗari, njif nu̱ke a ma khutlo ndukiku ɓang Israila.’ ”

Matta 25:32

Ka taba nduki nu̱ larji kap nu̱ gume nda, ka shakh wor nu̱gha zum zum, ba wa nu̱ke nu̱ khutlo ka shakki chele ɓu̱ guno wutiku ndu̱ guno ndu̱ɓangku.

Matta 26:72

Tu̱ Biturus gaɓ tu̱ keela nu̱ ku̱mndari a zu̱ran za, “Nang zu̱n khuskinang ɓa!”

Luka 19:10

Jiwa wonji Yi ɓu̱ Nduk a ɓa ma laɓ nji nduki nu̱ saghaki, ku̱ ɗana wora.”

Yokhana 18:17

Tu̱ wonkhar nu̱ke a bu me virang zham Biturus za, “Woɗye to da chele nduki nu̱ mbu khuski nang ɓa goma?” Tu̱ Biturus tlogha za, “Auwo! Nga mban ɓa.”

Yokhana 18:25

Yang Siman Biturus ba nje chingndan ye maaran tu̱ zham nda ku za, “Annya, to da chele nu̱ ɓu̱ mburi nda kwang ɓa ya?” Tu̱ Biturus keela za, “Nga mban ɓa.”

Yokhana 21:17

Tu̱ Yesu gaɓ tu̱k tu̱ zham nda nu̱ kunungan za, “Siman yi ɓu̱ Yokhana, ta ndola nga mu?” Tu̱ Biturus su̱bu̱r mban nu̱gha ku̱me ye zhamndi nu̱ kunungang Yesu wa zu̱ za, “Ta ndola nga mu?” Tu̱ gaɓ tu̱ tlogha za, “Zhinerem gwaanji ta zu̱n aa nu̱m kap, yang ta zu̱n tu̱k za nga ndola ro.” Tu̱ Yesu ze nda za, “Zu̱m ndu̱ ndu̱ɓangku ɓanga.

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

Yibraniyeku 13:20

Ku̱ Magham nu̱ qaandi memu̱na, nu̱ke nu̱ ku̱nshe tom alqawar nu̱ke koɗokh si ɓa jiiki ndu̱ Zhinerem gwaanji Yesu ɓar mbe mu̱ti. Chin ke nu̱ khutlo gwaanji ɓu̱ shapir ɓu̱ ndu̱ɓangkwang,

1 Biturus 2:25

Jiwa tun wa ndu̱ɓangku nu̱ke a ma saghari, yang leendang tun a gaɓ nu̱ she Nu̱ khutloronu, chin nu̱ka Khutloki nyifi ɓaanu.

1 Biturus 5:2

Khutlo ma shapir ɓu̱ Magham nu̱ vu̱rki nggu̱tan ye nu tun a tlu̱nar wa dlegumeku. Na nu wa a shikya ranna nu ɓa, ku̱ memu̱na nu da ye nu tun shi ba wa nu̱ke Magham a shimndan. Shi nu tlu̱nar nang ku̱me mu̱zhin ɓa, shi ma ku̱me memu̱na nu wa da ye nu ku̱ shi nu tlu̱narang.

Ɗyin mbu̱ tukari 7:17

Jiwa Ye Gamndi nu̱ke a chele zhakhɗyang ka khaki ma nu̱ khutlo ɓaanda, ka ɗu̱ ndu̱ wor ye maa nu̱ke ɗyim nyifiri ka ɓaghaki. Magham ka pasha koonyi ɗyim gho ɓaanda ɓar kap mbu̱ yiti wora.”