Yokhana 21:15 - Mewar Alqawarang

¹⁵ Nu̱ woɗaki zu̱m paasi ɓaanda, tu̱ Yesu zham Siman Biturus za, “Siman yi ɓu̱ Yokhana, ta ndola nga dukti nduki nang mu?” Tu̱ Biturus tlogha yenda za, “I, Zhinerem gwaanji, ta zu̱n nga shimndoro” Tu̱ Yesu ze nda za, “Zu̱m ndu̱ ndu̱ɓangku ɓanga.”

Yokhana 21:15 Iomraidhean Croise

Matta 10:37

“Aaki ndolaki aa man aa zhin tu̱ dukti nga, nu̱ khu̱l ma ku̱ kha ma ɓang ɓa, yang tu̱k, aaki ndolaki aa woi ɓaran ye khusku aa woi ɓaran ye nusu tu̱ dukti nga, nu̱ khu̱l ma ku̱ kha ma ɓang ɓa.

Matta 16:17

Tu̱ Yesu tlogha yenda za, “To nu̱ barka Siman, yi ɓu̱ Yunana! Ku̱me nduk wuɗki na yor ɓa, kope Zhinkir ɓang nu̱ke a mbu̱ viɗi.

Matta 18:10

“Ku̱r ma vaanu, ku̱ ndu̱m nu da chele qusonggiku na ɓa, ku̱me nga zu̱ran ye nu nu̱ ru̱ktiku ɓu̱ Magham nu̱ khutlo wor nu̱ke a mbu̱ viɗi sot a nggu̱t mbu̱ yiti Zhinkir ɓanga.

Matta 26:33

Tu̱ Biturus ze nda za, “Aa wa ɗa vaanda ku kap ku̱me ɗyi nu̱ke a ma ɗaatli ndu̱ to, aa da ngam ɓu̱ ɗa vara ɓa.”

Matta 26:35

Tu̱ Biturus ze nda za, “Aa ka tlagha rem su̱yen, ngam ɓu̱ keela zu̱ndor ɓa!” Nu̱ mburi nda kwa kap wa zu̱ wanang ku tu̱k.

Markus 14:29

Tu̱ Biturus zu̱ yenda za, “Aa wa ɗa vaanda kap tu̱ njig toro, nga ma njig to ɓa.”

Luka 12:32

“Shi nu sawa ɓa tun shapir rakhndi, jiwa Zhinonu a kashari ma vu̱r nji kwaaɗarang ye nu.

Luka 22:32

Yang nga shi barar yoro ma ku̱ maito ɓa kata ɓa. Mbu̱ ta nggoɗ ta gaɓ nu̱ sha yang, to ɓa vu̱r shokhku̱rokh me bu̱n ye nyeezoro.”

Yokhana 1:42

Tu̱ ɗu̱ ndu̱ chin she Yesu. Tu̱ Yesu nggu̱ti nda tu̱ zu̱ za, “To ke Siman yi ɓu̱ Yokhana, ka qa za Kefas” Nang ke Biturus mban za, “Ndooga.”

Yokhana 13:37

Tu̱ Biturus ze nda za, “Zhinerem gwaanji, nu̱m saki ngam ɓu̱ ɗu̱ma mburor leendang ɓa? Ai, ngga vu̱r nyifi ɓang ɓar ku̱me to.”

Yokhana 16:27

Ku̱me chin Zhinkirang nu̱ varan a ndola nu, ku̱me tun wa ndola nga, tun wa maita tu̱k za nga vi she Magham.

Yokhana 21:12

Tu̱ Yesu ze wor za, “A ɓa ma tun zu̱m paasi.” (Ɗye zu̱mndi dumaari). Yang nduk a nje nu̱ khaki ma zhamndan za to ki kwa ɓa ku̱me wa zu̱n ku za ɗya Zhinerem gwaanji.

Yokhana 21:7

Tu̱ nu̱ mburi nu̱ke Yesu a ndola ndang ze Biturus za, “Njif nang ɗya Zhinerem gwaanji!” Ba nu̱ Siman Biturus tu̱kki za ɗya Zhinerem gwaanji, tu̱ da lukti ɓaran tu̱ sa ku̱me varan nggaran. Tu̱ ku̱m ji tu̱ nggu̱ɗ nu̱ mbu̱ ɗyimang.

Yokhana 8:42

Tu̱ Yesu ze wor za, “Mbu̱ Magham ke zhinonu tu̱ga tun wa ndola nga, ku̱me nga vi she Magham, yang wonji nga fan. Na nga ɓa ndu̱ zalale ɓang ɓa, Magham a ru̱kki nga.

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

Tlu̱nar ɓu̱ Pudeku 20:29

Nga zu̱n qu̱rse nga ɗu̱ vara yiɗi gaariku malkandi kaɗa vi nu̱ chele ɓaanu, yang ɓu̱ njig shapirang ɓa.

Romeku 14:1

Dlu̱ ma nduki nu̱ke maito ɓaanda khukhutan, dla nu kumar ɗyine ɗyi nu̱ke tun a keele ɗyinan ɓa.

Romeku 15:1

Chem nyem khaki du̱mbu̱ran mbe maito ɓaarem wa shipa ku̱ shi mi kanaɗyi ndu̱ nduki nu̱ke khukhutanku, ma ku̱ shaata mi wor mbe tu̱ɓti ɓaanda. Ku̱ kha mi ndu̱ ndolar ɗyin ɓa.

1 Korintiyeku 8:11

Ta na zu̱ndi ɓaarang a ɓa ndu̱ nggu̱di ɓu̱ mu̱dlo nu̱ Masiya mu̱tki ku̱me chin.

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Afiseku 4:14

Nang ka sa chem ɓu̱ gaɓ ma qusongga, ku̱ nduki ku̱s palam ndu̱ khankal ɓaarem, chem ki yir guma ndu̱ gana mbe aa nyi poona shogar galkandi wa nu̱ pu̱rsi ɗyim ka tu̱paki tun ɓa. Yang chem ɓu̱ nggu̱ɗ nu̱ mbu̱ lambar ɓu̱ nduki nu̱ wuti me ghu̱rti malkandi ndu̱ kaɗari bamndi ɓa.

Afiseku 6:24

Ku̱ mu̱nkir ɓu̱ Magham kha nduki nu̱ke a ndola Zhinerem gwaanji Yesu Masiya koɗokh si ɓa.

Yibraniyeku 13:20

Ku̱ Magham nu̱ qaandi memu̱na, nu̱ke nu̱ ku̱nshe tom alqawar nu̱ke koɗokh si ɓa jiiki ndu̱ Zhinerem gwaanji Yesu ɓar mbe mu̱ti. Chin ke nu̱ khutlo gwaanji ɓu̱ shapir ɓu̱ ndu̱ɓangkwang,

Yibraniyeku 4:13

Tun a nje mbu̱ du̱ngdiku ɓu̱ Magham nu̱ke tukaran she nda ɓa. Aa nu̱m ndu̱ aa nu̱m qu̱ndan, a ye dalangi, a naran. Chem ka shiga su̱ ɗyi nyem shiki mbu̱ khar viti ɓaarem yenda.

1 Biturus 1:8

Aa nu̱ke nun na Masiya Yesu sar da ɓa, yang kap ndu̱ nang tun a ndola nda. Aa nu̱ke tun a na nda leendang ɓa, kap ndu̱ nang tun a maita nda, tun a kashar wa nu̱m gom,

1 Biturus 2:2

Me ɓu̱ nang tun kha wa ɓeelar qusonggi nu̱ke a kasha zar ɓiɓi me ɗyinan, tun kasha ɓalar ɓu̱ Magham wanang ma ku̱ gor nu tun khu̱l ye gwar ɗanari,

1 Biturus 2:25

Jiwa tun wa ndu̱ɓangku nu̱ke a ma saghari, yang leendang tun a gaɓ nu̱ she Nu̱ khutloronu, chin nu̱ka Khutloki nyifi ɓaanu.

1 Yokhana 4:19

Chem a wut ndola ku̱me Magham nggaki su̱ wut ndola yerem.

1 Yokhana 5:1

Kap njif nu̱ maitaki za Yesu chin ke Masiya, ɗya yi ɓu̱ Magham. Ai, njif nu̱ ndolaki Zhin woyang ka ndola woyang tu̱k.

Ɗyin mbu̱ tukari 2:23

Ngga tlagha nduki nu̱ke a mbu shogar ɓaran nu̱gha, nu̱ mbu Yesu ku kap ka zu̱n nu̱ ɗyine nga ke nu̱ laɓ mbu̱ kwaari ndu̱ memu̱na aaki. Yang ngga ɓi aaki ku̱rku̱r ndu̱ tlu̱nar ɓaran.