Yokhana 20:19 - Mewar Alqawarang

¹⁹ Ye fu̱ɗar nu̱ gumapaali mbu̱ qaandi mut (fu̱ɗa Laaji) nu̱ me mugdi, nu̱ mburi nda kwang a nje tabaran ye maa da me viri khiiran ɗyine wora ku̱me a sawa dle gume ɓu̱ Yakhudekwang. Tu̱ Yesu a ɓa tu̱ ching nu̱ chele ɓaanda tu̱ ze wor za, “Gappu̱ramma ku.”

Yokhana 20:19 Iomraidhean Croise

Matta 10:13

Mbu̱ ɗya rafti ɓu̱ nduki mbarkandi, tun shi barar ku̱ Magham vu̱r qaandi memu̱nar ye wora. Yang mbu̱ ɗya nduki mbarkandi ɓa, ku̱ gwa qaandi memu̱nar she Magham ku ɓa.

Matta 18:20

Ku̱me kap ye maa nu̱ nduki rap ma yir kunung tabaki nu̱ mbu̱ dlu̱ma, ngaa nje su̱yen ndu̱ wora.”

Markus 16:14

Qu̱rsan, tu̱ wut varan ye gwaanggu̱m dandang sarchi nu̱ke a zu̱m ɗye zu̱mndi ku. Tu̱ wu wor ku̱me song vu̱rti zhire ndu̱ kaku̱ɗakh memu̱nar ɓaanda, nu̱ke nu̱ maita nduki nu̱ naki nda gaanje jiiri ɓaran mbe mu̱tang ɓa.

Yokhana 14:27

“Nga njig kharmu̱ndi ɓang ye nu. Nga vu̱rkya kharmu̱ndi ɓang ye nu. Nang vu̱r ye nu wa nu̱ke larji ka vu̱rki ɓa. Damta nu ɓa, yang tu̱k nu sawa zum ɓa.”

Yokhana 16:22

Tun wanang tu̱k. Tun a mbu̱ chiti mbi leendang, yang ngga ɓa na nu tu̱k, kom tun ka shi kashari, nduk a nje nu̱ke ka ɗu̱maki lawa ɓong memu̱nar ɓaanu ɓar kha nu ɓa.

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Yokhana 20:21

Kom tu̱ Yesu gaɓ tu̱ ze wor za, “Kha ma gha ndu̱ qaandi memu̱na! Ba wa nu̱ Zhinkirang a ru̱kki nga, nga ru̱ktonu tu̱k.”

Yokhana 20:26

Qaandi miyasi qu̱rsan, nu̱ mburi nda kwang a nje tabaran ba mbu̱ raftang, yang Toma nje su̱yen ndu̱ wor sarchi nang. Me viri kwang zaran, tu̱ yang Yesu a ɓa tu̱ ching nu̱ chele ɓaanda tu̱ zu̱ za, “Kha ma ndu̱ qaandi memu̱na.”

Yokhana 21:1

Qu̱rsan tu̱ Yesu wut varan ye nu̱ mburi nda ku me ɗyim chitndi nu̱ Tiberiya. Wonji ɗyi nu̱ ɗatlki.

Yokhana 21:14

Nang ke wuti varan nu̱ kunung nu̱ Yesu shiki ye nu̱ mburi nda kwang gaanje jiiri ɓaran mbe mu̱ti.

Yokhana 7:13

Yang aa da nduk a nje nu̱ ɗu̱maki ɓalar ɓu̱ Yesu ye dalang ɓa, ku̱me a sawa dlegumeku ɓu̱ Yakhudekwang.

Tlu̱nar ɓu̱ Pudeku 1:3

Gaanje mu̱ti ɓaran tu̱k, wa wut varan ye wor ndu̱ nyifiri, tu̱ shi ɗyiku zum zum nu̱ wutki za chin wa ji mbe mu̱ti shwat. Wa wut varan ye wor me qaandi ɗyin vat tu̱ shi ɓalar ɗyine kwaaɗar ɓu̱ Magham.

Romeku 15:33

Ku̱ Magham nu̱ vu̱rti qaandi memu̱na kha gha su̱yen ndu̱ tun kap. Amin.

1 Korintiyeku 15:5

wa wut varan ye Kefas, kom tu̱ wut varan ye Gwaanggu̱m rapndang tu̱k.

Afiseku 2:14

Jiwa Masiya ke qaandi memu̱narem, chin nu̱ gaɓki ndu̱ Yakhudeku ndu̱ nduki nu̱ke ɗya Yakhudeku ɓa, tu̱ kha da ku. Tu̱ gu̱ɗa garuk nu̱ shakki chele ɓaanda nang nu̱gha, nang ke zhangndi nu̱ke a chele ɓaanda,

Afiseku 6:23

Nyeezaku, ku̱ qaandi memu̱na ndu̱ ndola ndu̱ maito nu̱ ɗa viki she Magham Zhinki ndu̱ Zhinerem gwaanji Yesu Masiya kha gha su̱yen ndu̱ tunu.

Filipiyeku 1:2

Ku̱ Mu̱nkir ndu̱ qaandi memu̱nar na viki she Magham Zhinerem ndu̱ Zhinerem gwaanji Yesu Masiya kha gha su̱yen ndu̱ tunu.

2 Tasalonikeku 3:16

Bu ku̱ Zhinkir gwaanji nu̱ qaandi memu̱na, vu̱r qaandi memu̱nar ye nu ndu̱ varan aakochi, mbu̱ aa nyi tunu. Ku̱ Zhinkir gwaanji kha gha su̱yen ndu̱ tun kap.

Yibraniyeku 7:2

Tu̱ Yibram vu̱r zake ɓu̱ aa nu̱m yenda. Gumapaali, dlu̱m Melkizedekang mban za “Kuji Dambu.” Kom ndu̱ kuji Salem tu̱k, mban za, “Kuji Qaandi Memu̱na.”

3 Yokhana 1:14

Nga sa memu̱nara nu̱ ɗyine ngga na ro ɓu̱ shoɓ ɓa, ma ku̱ shi mi ɓalar ndu̱ yen me ndu̱ me.

Ɗyin mbu̱ tukari 1:4

Nga Yokhana, Nga bu̱lar ye tabar ɓu̱ nu̱ mbu Yesu ku nu̱ mbu̱ ghai ku mut nu̱ke a mbu̱ dlar ghai Asiya. Kha ma ndu̱ mu̱nkir ndu̱ qaandi memu̱nar na viki she Magham nu̱ke chin kya nje leendang, chin kya nje zhu, chin ka khaki mbu̱ sarchi nu̱ke a ɓari. Kom ndu̱ she jiimbiku mutndi nu̱ke a gume zhakhɗye ɓu̱ Maghamang,