Yokhana 20:1 - Mewar Alqawarang

¹ Nu̱ dumaari ɗau ye fu̱ɗar nu̱ gumapaali, dong maarang nu̱ shaana ɓa, tu̱ Maryam ye Magadaliya ɗu̱ she ku̱jip ɓu̱ Yesu tu̱ gwa ndogdi nu̱ zaki me ku̱jipang si tu̱paran.

Yokhana 20:1 Iomraidhean Croise

Matta 27:56

Maryam ye Magadaliya, ndu̱ Maryam man Yaqub ndu̱ Yusufu, ndu̱ man qusonggi ɓu̱ Zabadi a chele ɓaanda.

Matta 27:60

Tu̱ sa nda nu̱ mbu̱ mewar ku̱jip ɓaran, nu̱ke ɗya ndogdi nggur nu̱ raki mbanang nu̱ gha. Tu̱ tu̱pa ndogdi gwaanji nu̱ me ku̱jipang, tu̱ ɗu̱ varan.

Matta 27:64

Ku̱me nang, so ku̱ nduki bu ɗyin ku̱jip nang nu̱gha mbari ma yi ye qaandi kunung, ku̱me ku̱ pudeku ɓaran kwang a ɓa tu̱ muura man varanang ɓar ɓa, tu̱ zu̱ ku za wa ji mbe mu̱ti ɓa. Lambar nu̱ gana nang ka duk nu̱ gumapaalyang maatli.”

Matta 27:66

Tu̱ ɗu̱ ku tu̱ bu wudle maarang, tu̱ sa yitu̱m kwaaɗar ɓaran nu̱ ɗyin ku̱jipang, tu̱ sa sojeku ma nggu̱t maarang tu̱k.

Matta 28:1

Gaanje Fu̱ɗar Maasi ɓu̱ Yakhudekwang, ye fu̱ɗa Laaji ndu̱ zhuzhumi, tu̱ Maryam ye Magadaliya ndu̱ Maryam dandang ɗu̱ ma nggu̱t ku̱jipang.

Matta 28:2

Fan ndu̱ fan tu̱ shi yakhtar ma vu̱ghai maɗyikandi, ku̱me nu̱ ru̱kti ɓu̱ Magham nggur a shur viɗi, tu̱ tu̱pa ndogdi nu̱ zaki me ku̱jipang ɓara tu̱ khan ɗyinan.

Markus 15:46

Tu̱ Yusufu masa kapar linen, ta zhur nu̱ man var Yesu yaghai, tu̱ ɗyikhlan nda nu̱ mban, tu̱ khatla gha mbu̱ ku̱jip nu̱ raki nu̱ mbu̱ ndogdang. Tu̱ za me ku̱jipang nu̱gha ndu̱ ndogdi ngguri.

Markus 16:9

Nu̱ Yesu jiiki mbe mu̱ti dumaari ɗau, ye fu̱ɗar nu̱ gumapaali mbu̱ qaandi mut, tu̱ wut varan ye Maryam ye Magadaliya nu̱ Yesu fedki khu̱kheeti malkandiku mut ɓar mbe ndang.

Yokhana 11:38

Nu̱ Yesu gaɓki tu̱ damta mbu̱ memu̱naran, tu̱ ɗu̱ she ku̱jipang. Yang ku̱jipang ɗya gulang ndooga, ndu̱ ndogdi nggur nu̱ zaki me ku̱jipang si.

Yokhana 11:41

Tu̱ tu̱pa ndogdang ɓar ku. Tu̱ Yesu da yitan nu̱ viɗi tu̱ zu̱ za, “Aba, nga kuna no tu̱kki nga.

Yokhana 19:25

Nduki nu̱ chingki nu̱ bing ndu̱ qu̱far kaatli nu̱ katlki Yesu nu̱ ɗyinanang ɗya man ndu̱ khachin man nusukandi, ndu̱ Maryam nokhzi Kilopas, ndu̱ Maryam ye Magadaliya.

Yokhana 20:26

Qaandi miyasi qu̱rsan, nu̱ mburi nda kwang a nje tabaran ba mbu̱ raftang, yang Toma nje su̱yen ndu̱ wor sarchi nang. Me viri kwang zaran, tu̱ yang Yesu a ɓa tu̱ ching nu̱ chele ɓaanda tu̱ zu̱ za, “Kha ma ndu̱ qaandi memu̱na.”

Tlu̱nar ɓu̱ Pudeku 20:7

Ye fu̱ɗar nu̱ gumapaali mbu̱ qaandi mut chem taba ma shakh ɓu̱rti toliri. Tu̱ Bulus ki ɓalar ku̱me a shim yir varan vi dumaaran, tu̱ shi ɓalar ye wor ma yir chele virkiri.

1 Korintiyeku 16:2

Aa nyi fu̱ɗar nu̱ gumapaali mbu̱ qaandiku mut ndang, ku̱ aaki ki gwa ɗyi nggur mbe gwar ɓaran a vu̱rtan a du̱ngdan gha, njig nu kope nga ɓa kom tun ki tabaran ɓa.

Ɗyin mbu̱ tukari 1:10

Ye fu̱ɗar ɓu̱ Maghamang, nga mbe Jiimba, tang tu̱k su̱qur maɗyikandi nu̱ shipaki pi domndi.