Yokhana 2:4 - Mewar Alqawarang

⁴ Tu̱ Yesu tlogha yenda za, “Nana, ta ɓa sha ma nu̱ma? Sarchi ɓang nu̱ shi dong ɓa.”

Yokhana 2:4 Iomraidhean Croise

Matta 15:28

Tu̱ Yesu tlogha yenda za, “Nusu, maito ɓa du̱mbu̱ran! Ta gwa ɗyi nu̱ke to khuɗkyang.” Tu̱ woi ɓaranang shaana fan ndu̱ fan.

Matta 8:29

Tu̱ ghwat zhaano ku tu̱ zu̱ ku za, “Nu̱m baki ndu̱ chema, Yi ɓu̱ Magham? Ta ɓakya ma vu̱r bonye yerem me ku̱ sarchi ni shi mu?”

Luka 2:49

Yang tu̱ Yesu tlogha ye wor za, “Tun a laɓti nga ma nu̱ma? Nun zu̱n za wa ku̱s shi nga tlu̱nar ɓu̱ Aba ɓang de?”

Yokhana 12:23

Tu̱ Yesu tlogha ye wor za, “Sarchi wa shi nu̱ke a ma vu̱r zhaaji ye Yi ɓu̱ nduku.

Yokhana 13:1

A nje a nje me ku̱ Tabar Peetar ɗyin shi, Yesu wa woɗa zu̱ndan za sarchi ɓaran wa shi nu̱ke chin a ma njig larji nang chin gaɓ nu̱ she Zhinkirang. Yesu wa ndola nduki ɓaran nu̱ke a larji, wa wut ndolar ɓaran ye wor ma yi lauɗar su̱ khar ɓaanda.

Yokhana 2:3

Nu̱ ɗyim anapang woɗaki, tu̱ man Yesu ze nda za, “Ɗyim anapang wa kata wora.”

Yokhana 20:13

Tu̱ nu̱ ru̱kti ɓu̱ Magham kwang zham nda za, “Nusu, ta gho kya nu̱ma?” Tu̱ ze wor za, “Wa da Zhinkir ɓang gwaanji ɓara, yang nang zu̱n ye maa nu̱ saki nda nu̱ su̱ ɓa.”

Yokhana 20:15

Tu̱ Yesu zham nda za, “Nusu ta gho kya nu̱ma? Ta laɓkya kiya?” Yang tu̱ taman za bai ɗya nu̱ tlu̱nar mbu̱ damang, nang ke ɗyi nu̱ saki tu̱ ze nda za, “Ku̱man mbu̱ to daki nda ɓara, zu̱ ye maa no saki nda nu̱ si tang a da nda.”

Yokhana 7:30

Nu̱ Yesu zu̱ki ɓalar nang, tu̱ nduki shim ku̱si nda. Yang nduk nu̱ su̱ɓa nda ɓa, ku̱me sarchi ɓaran nu̱ shi dong ɓa.

Yokhana 7:6

Tu̱ Yesu ze wor za, “Sarchi ɓang nu̱ shi dong ɓa, aa nu̱ke she nu aa nyi sarchi torop.

Yokhana 7:8

Ɗu̱ ma vaanu ma tabar ɓaanu. Nga ma yir ma tabar nang ɓa, ku̱me sarchi ɓang nu̱ shi ɓa.”

Yokhana 8:20

Yesu shi ɓalar nang sarchi nu̱ke a shogar mbu̱ Rafti ɓu̱ Magham bing ndu̱ maa du̱ngdi mu̱zhindi vu̱rtang. Yang kap ndu̱ nang nduk a nje nu̱ ku̱ski nda ɓa, ku̱me sarchi ɓaran nu̱ shi dong ɓa.

2 Korintiyeku 5:16

Ku̱me nang chem wa njig nggu̱t nduk mbu̱ manva wa nu̱ke nduk larji ka shiki, aa nu̱ke chem wa nggu̱t Masiya wanang zhu ɗau fara, yang gana chem ɓu̱ nggu̱ti nda nu̱ mbu̱ wanang tu̱k ɓa.