Yokhana 2:23 - Mewar Alqawarang

²³ Sarchi nu̱ke Yesu a Urshalima ma tabar peetar ɗyinang, tu̱ nduki khang na ɗye lazhamku nu̱ shiki tu̱ maita dlu̱man ku.

Yokhana 2:23 Iomraidhean Croise

Luka 8:13

Wor nu̱ ku̱ɗbaki nu̱ ɗyine tandalang wa kha ba wa nduki nu̱ tu̱kki ɓalar ɓu̱ Magham tu̱ dlu̱ ku ndu̱ kashari, yang nu̱ gwa ku̱ shi dlu̱dlarsi mbarkandi nu̱ ve memu̱na wor ɓa. Maitwang ba nu̱ me sarchi koɗomma, yang nu̱ gwaki bonyeku tu̱ wos maito ɓaanda gha.

Yokhana 11:45

Ku̱me nang tu̱ Yakhudeku khang nu̱ ɗa ɓa ki ye Maryam na ɗyi nu̱ Yesu shiki, tu̱ maita nda ku.

Yokhana 2:11

Nang ke ɗye lazham nu̱ khaki ma ɗye saidu nu̱ gumapaali nu̱ Yesu shiki, yang shir nda Kaana nu̱ke a mbu̱ dlar ghai Galili. Wa wuɗ zhaaji ɓaran, tu̱ nu̱ mburindakwang maita nda.

Yokhana 2:13

Nu̱ sarchi tabar peetar ɗyin ɓu̱ Yakhudekwang shiki bing, tu̱ Yesu ɗu̱ Urshalima.

Yokhana 3:2

Ta ɓa she Yesu mbu̱ virkiri za, “Maalu̱m, chem wa zu̱n za to maalu̱m nu̱ Magham a ru̱kki ro. Ku̱me nduk a nje nu̱ke ka ɗu̱maki shi ɗye lazhamku nu̱ke ta shiran nang ɓa kope Magham a nje su̱yen ndu̱ chin.”

Yokhana 4:45

Nu̱ khu̱lki Galili tu̱ nduki nu̱ Galili gaɗa nda ku ndu̱ kasha, ku̱me wa na ɗyiku nu̱ shiki Urshalima sarchi tabar Peetar ɗyinang wa ɗu̱ ku.

Yokhana 5:36

Yang saidu ɓanga nje khara nu̱ dukki saidu nu̱ Yokhana shiki ɗyina. Ɗyiku nu̱ke nga shiran Zhinkirang vu̱rki ya za shi nga, ɗyi nu̱ke nga shiranku nang, wor saidaki za Zhinkirang a ru̱kki nga.

Yokhana 6:14

Nu̱ ndukyang naki ɗye lazham nu̱ Yesu shikyang, tu̱ zu̱ ku za, “Shwat, mbu̱ wanang na ke annabi nu̱ke a ɓar mbu̱ larjyang yo.”

Yokhana 6:2

Tu̱ nduki khang mbu gaanje nda, ku̱me wa na ɗye saidu ɓaran nu̱ shiki ye nduki nu̱ke var wor mu̱n ɓa.

Yokhana 7:31

Kap ndu̱ nang tu̱ nduki khang mbu̱ tabar ndukyang maita Yesu, a zu̱ran ku za, “Woɗye ɗa, mbu̱ Masiya ɓa, ka shi ɗye lazham nu̱ dukki ɗyi nu̱ke khuski nang shiki mu?”

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

1 Yokhana 3:23

Nang ke ɗyi nu̱ Magham zu̱ki za shem chin ke ku̱ maita mi dlu̱m Yi ɓaran Yesu Masiya, chem ndola yen tu̱k wa nu̱ Masiya zu̱ki yerem.