Yokhana 2:2 - Mewar Alqawarang

² Yesu ndu̱ nu̱ mburindakwang wa ɗu̱ ku nje tu̱k ku̱me wa qa wor ma ɓu̱rtang.

Yokhana 2:2 Iomraidhean Croise

Matta 12:19

Ɓu̱ shi keele ɓa, yang ɓu̱ da su̱quran nu̱ viɗ ɓa, nduk ɓu̱ tu̱k su̱quran yiti njivku ɓa.

Matta 25:40

“Yang kujirang ka tlogha ye wor za, ‘Zhire nga zu̱ran ye nu, ma nu̱ke tun wa shi ye nyeezaku katakandi nang, ai, tun shi ya.’

Matta 25:45

“Kom ka tlogha ye wor za, ‘Zhire nga zu̱ran ye nu, ma nu̱ke nun shi ye da chele nyeeza katakandi nang ɓa, nun shi ya ɓa.’

Yokhana 2:12

Qu̱rsan tu̱ Yesu gaɓ nu̱ Kaparnakhum, chin ndu̱ man ndu̱ khachinku ndu̱ nu̱ mburindakwang. Tu̱ kha gha ku nje me qaandi koɗomma.

Yokhana 2:17

Tu̱ nu̱ mburindakwang kor ɗyi nu̱ bu̱laki mbu̱ ɓalar ɓu̱ Magham za, “Zhiri ɓu̱ rafti ɓa wa zu̱m memu̱nara.”

Yokhana 2:22

Qu̱rse Yesu wa ji mbe mu̱ti, tu̱ nu̱ mburindakwang kor ɗyi nu̱ Yesu zu̱ki, tu̱ maita ɓalar ɓu̱ Magham bu̱lakandi kom ndu̱ ɗyi nu̱ Yesu zu̱kyang.

Yokhana 2:3

Nu̱ ɗyim anapang woɗaki, tu̱ man Yesu ze nda za, “Ɗyim anapang wa kata wora.”

Yokhana 3:22

Qu̱rsan, tu̱ Yesu ndu̱ nu̱ mburi nda kwang ɗu̱ ku mbu̱ dlar ghai Yakhuda, tu̱ shoɓ nje a baptisme ye nduki.

Yokhana 4:2

(Aa nu̱ke ɗya Yesu ndu̱ ɗyinan kya baptismya ye wor ɓa, ɗya nu̱ mburindakwang kya shiran).

Yokhana 4:33

Tu̱ nu̱ mburi nda kwang ki zham yen za, “Woɗye njif nggur a ɓa ndu̱ ɗye zu̱m yenda mu?”

Yokhana 4:8

(Yang nu̱ mburi nda kwa wa ɗu̱ mbu̱ ghai ma masa ɗye zu̱mndi).

Yokhana 6:12

Nu̱ zu̱mki ku tu̱ mbu̱ wor zhi, tu̱ ze nu̱ mburi nda kwang za, “Taba ma nggusurnggusuran nu̱ khakyang ma ku̱ aa nu̱m su̱bu̱r ɓa.”

Yokhana 6:16

Nu̱ mugdi shiki, tu̱ nu̱ mburi nda kwang a shur ku ma yir me ɗyim chitndang.

Yokhana 6:60

Tu̱kti wanang ke shar, tu̱ khang chele ɓu̱ nu̱ mburindakwang zu̱ za, “Nang ɗya ɓalar sharkandi, ki ka dlu̱kya?”

Yokhana 6:66

Gaanje ɓalar nu̱ Yesu shiki nang, tu̱ khang chele nduki nu̱ke a mbu gaanje ndang njigti nda, tu̱ njig mburi nda ku tu̱k.

Yokhana 6:67

Tu̱ Yesu zham gwaanggu̱m rapndang za, “Tun a shim yi va nu tu̱k mu?”

Yokhana 6:70

Tu̱ Yesu tlogha za, “Nga datki nu tun gwaanggu̱m rapndi nang ɓa goma? Yang da chele ɓaanu ɗya sheɗan.”

Yokhana 6:71

Yang a shiran ndu̱ Yakhuda, yi ɓu̱ Siman Iskariyoti, ku̱me chin kya ma vu̱rti nda ɓara, aa nu̱ke ɗya da chele gwaanggu̱m rapndang.

Yokhana 6:8

Tu̱ da chele ɓu̱ nu̱ mburi nda kwang nu̱ke dlu̱man za Andu̱rawus khachin Siman Biturus ze Yesu za,

Yokhana 7:3

tu̱ khachinkirku ɓu̱ Yesu ze nda za, “Wa shipa ji na ɓar fan to ɗu̱ Yakhudiya ma ku̱ nu̱ mburor kwang tu̱k na ɗye lazham nu̱ke ta shiranang.

Tlu̱nar ɓu̱ Pudeku 11:26

Nu̱ ɗa gwaki nda, tu̱ ɗa ɓa ndu̱ chin Antakiya. Tu̱ shi sonyi da ku su̱yen a shogar ye tabar ɓu̱ nu̱ mbu Yesu ku khang. Nggaasi qa nu̱ mbu Yesu ku za “Ku̱rista” mbu̱ ghai Antakiya.

Tlu̱nar ɓu̱ Pudeku 11:29

Tu̱ nu̱ mbu Yesu kwang shi sawari ku̱ shaata nda nyeezi wor nu̱ke a Yakhudiya, yang aaki ka vu̱rkya ɗyi nu̱ke du̱mbu̱r ɓaran ka ɗu̱maki.

1 Korintiyeku 10:31

Kap ɗyi nu̱ke tun a shiran, aa tun a zu̱m tunu, aa tun a zakya tunu, tun shi aa nu̱m ma ku̱ Magham gwa zhaaji mban.

1 Korintiyeku 7:39

Nusu ɓu̱ shakh ndu̱ zhimen ɓa mbu̱ a nje ndu̱ nyifiri, mbu̱ yang wa mu̱ɗi, ka ɓu̱r njif nu̱ke a shimndan, yang ku̱ kha ɗya njif nu̱ke a mbu̱ Zhinkir gwaanji.

Kolosiyeku 3:17

Mbu̱ ɗyi nu̱ke tun a shiran kap, aa mbe ɓala aa tlu̱na, tun shir nda mbu̱ dlu̱m Zhinerem gwaanji Yesu, tun a kuna Magham Zhinki nu̱ ku̱nshe nda.

Yibraniyeku 13:4

Tun vu̱r zhaaji ye ɓu̱rti tun kap ɓaanu. Tun vu̱r zhaaji ye gaanggir ɓu̱rti ɓaanu ku̱me Magham ka kuma nu̱ zawar mbu̱ khu̱rti ndu̱ nu̱ shiran mbu̱ ɓu̱rti.

Ɗyin mbu̱ tukari 3:20

Wonji nga! Nga nje chingndan me viri nga ghwaatan. Aaki tu̱kki nga tu̱ qu̱n me virang nu̱gha, ngga ɗa vi tang zu̱m su̱yen ndu̱ chin, tu̱ zu̱m su̱yen ndu̱ nga tu̱k.