Yokhana 2:19 - Mewar Alqawarang

¹⁹ Tu̱ Yesu tlogha ye wor za, “Gu̱ɗa ma Rafti ɓu̱ Magham nang nu̱gha, ngga du̱n nu̱gha mbu̱ qaandi kunung.”

Yokhana 2:19 Iomraidhean Croise

Matta 12:40

Ku̱me ba wa nu̱ Yunana shiki qaandi kunung, virkir ndu̱ fu̱ɗar mbe yurvi gwaanji, wanang tu̱k Yi ɓu̱ nduk ka shi qaandi kunung, virkir ndu̱ fu̱ɗari paran vu̱ghai.

Matta 16:21

Ji ye sarchi nang tu̱ Yesu nggaasi zu̱ran ye nu̱ mburindakwang za, wa ku̱s ɗu̱nji Urshalima. A za nji bonye zum zum mbu̱ khar dlegumeku, ndu̱ kuru rututundi ndu̱ Maalu̱m Taurete kwang, tu̱ tlagha nda nu̱ gha ku, yang ye fu̱ɗar nu̱ kunungan ka ji nu̱ chin viɗi mbe mu̱ti.

Matta 27:40

a zu̱ran ku za, “To nu̱ke to ka ɗu̱ma gu̱ɗa Rafti ɓu̱ Magham nu̱gha to du̱n mbu̱ qaandi kunung, ɗono va ɗo! Mbu̱ to Yi ɓu̱ Magham, a zhur yaghai ɗyine qu̱far kaatlang ɗo!”

Matta 27:63

tu̱ shi ghai yenda ku za, “Gundi! Chem wa kor ɗyi ni nu̱ lambar nduki nang zu̱ki sarchi nu̱ke a nje ndu̱ nyifiri, a za gaanje qaandi kunung chin ka ji mbe mu̱ti.

Markus 14:58

“Chem wa tu̱kki a zu̱ran za, chin ka gu̱ɗa Rafti ɓu̱ Magham nu̱ nduki du̱nki nang nu̱gha. Chin du̱n nggur nu̱ke ɗya nduk du̱nki ɓa, mbu̱ qaandi kunung ɗyenda.”

Markus 15:29

Tu̱ nduki nu̱ke a peetari tu̱ ku̱s me ghu̱mndi ve nda tu̱ ku̱s yakhta yin wor a zu̱ran ku za, “Yoori, to nu̱ke to ka ɗu̱ma gu̱ɗa Rafti ɓu̱ Magham nu̱gha, to ɗu̱ma du̱ndan nu̱gha mbu̱ qaandi kunung ɗyenda.

Markus 8:31

Tu̱ Yesu nggaasi shogar ye wor ɗyine varan za, “Yi ɓu̱ nduk kaa za bonye zum zum, tu̱ dle gume ɓu̱ nduki, ndu̱ kuruku rututundi ndu̱ Maalu̱m Taurete ku zhang nda. Tu̱ tlagha nda nu̱ gha, yang ye qaandi nu̱ kunung kaa ji mbe mu̱ti.”

Yokhana 11:25

Tu̱ Yesu ze nda za, “Ai, nga ke jiiri mbe mu̱ti, nga ke nyifi tu̱k. Njif nu̱ maitaki nga, aa wa mu̱ɗi, ka ji.

Yokhana 5:19

Tu̱ Yesu tlogha ye wor za, “Zhire nga zu̱ran ye nu, Woyang nu̱ka shi aa nyi tun me ɗyinan ɓa, kope ɗyi nu̱ naki Zhin a shiran. Ku̱me nang, ɗyi nu̱ke Zhin a shiran, nang ke ɗyi nu̱ke Woyang a shiran.

Tlu̱nar ɓu̱ Pudeku 2:24

Yang tu̱ Magham ji ndu̱ chin ɓar mbe mu̱ti, tu̱ lawa nda ɓar mbe zalale ni. Ku̱me ɓu̱ shi ku̱ mu̱ti khubti nda ɓa.

Tlu̱nar ɓu̱ Pudeku 2:32

Magham wa ji ndu̱ Yesu nang ɓar mbe mu̱ti, yang chem nang kap saidu zhire ɓu̱ ɗyiku nang.

Tlu̱nar ɓu̱ Pudeku 3:15

Tun tlagha njif nu̱ke ɗya dlu̱dlarsi nyifi. Yang Magham wa ji ndu̱ chin ɓar mbe mu̱ti, chem ke saidu ɓu̱ ɗyiku nang.

Tlu̱nar ɓu̱ Pudeku 3:26

Nu̱ Magham datki maavi ɓaran, tu̱ ru̱kti nda nu̱ she nu gumapaali ma ku̱ sa barke ye nu, tu̱ ɗa da nu ɓar mbe ɗye shir malkandi.”

Tlu̱nar ɓu̱ Pudeku 6:14

Chem wa tu̱k nda a zu̱ran za Yesu khuzi Nazaretang ka gu̱ɗa maa nang nu̱gha tu̱ nggoɗ me ghaiku nu̱ Musa njigki yeremang nu̱gha.”

Romeku 4:24

Bu̱la nang ku̱me chem, chem nu̱ke Magham ka ɓa shigaki rem nu̱ mbu̱ nu̱ dambi ku, chem nyem maitaki njif nu̱ jiiki ndu̱ Yesu Zhinerem gwaanji ɓar mbe mu̱ti.

Romeku 6:4

Nang a wutan za wa pa rem gha su̱yen ndu̱ chin mbe baptisma sarchi nu̱ paki nda. Chem kha da mbe mu̱ti ɓaran, ku̱me ba wa nu̱ jiiki ndu̱ Masiya nu̱ ku̱nshe zalale nu̱ zhaaji ɓu̱ Zhinkirang, wanang tu̱k ku̱ kha mi ndu̱ mewar khar viti.

Romeku 8:11

Mbu̱ Jiimbi shakhshakhndi nu̱ jiiki ndu̱ Yesu mbe mu̱ti a nje kharan mbe nu, ba chin nu̱ jiiki ndu̱ Masiya mbe mu̱tang ka vu̱r nyifiri ye man vaanu nu̱ka mu̱tki. Nu̱ ku̱nshe Jiimbi nu̱ke a nje kharan mbe nwang.

1 Korintiyeku 15:12

Yang nang ɗo, mbu̱ chem a wopa jiiri ɓu̱ Masiya ɓar mbe mu̱ti, nu̱m saki tu̱ ɓeeni nduki chele ɓaanu ka zu̱ za nduki nu̱ mu̱tki ɓu̱ ji mbe mu̱ti ku ɓa ndang na?

Kolosiyeku 2:12

Baptisme nu̱ shiki ye nwang, pakya nu gha su̱yen ndu̱ Masiya. Tu̱ ji nu̱ tun ɓar su̱yen ndu̱ Chin nu̱ ku̱nshe baptismyang tu̱k, nu̱ ku̱nshe maito ɓaanu mbe zalale ɓu̱ Magham nu̱ jiiki ndu̱ chin ɓar mbe mu̱ti.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,