Yokhana 2:11 - Mewar Alqawarang

¹¹ Nang ke ɗye lazham nu̱ khaki ma ɗye saidu nu̱ gumapaali nu̱ Yesu shiki, yang shir nda Kaana nu̱ke a mbu̱ dlar ghai Galili. Wa wuɗ zhaaji ɓaran, tu̱ nu̱ mburindakwang maita nda.

Yokhana 2:11 Iomraidhean Croise

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 1:17

Magham vu̱r woparang nu̱ mbu̱ khar Musa, yang mu̱nkir ndu̱ zhire a ɓa mbu̱ khar Yesu Masiya daati ɓu̱ Magham.

Yokhana 1:43

Ɗaatlu̱maaran tu̱k Yesu a shim yir Galili tu̱ gwa Filibus tu̱ ze nda za, “A mburi nga.”

Yokhana 1:50

Tu̱ Yesu zu̱ za, “To maita ku̱me nga zu̱ za nga na su̱ qu̱far sugarang mu? To ka na ɗyi gwaanjiku nu̱ dukki nang.”

Yokhana 10:41

Tu̱ nduki khang a ɓa she nda. Tu̱ yang ki zu̱ran ku za, “Aa nu̱ke Yokhana nu̱ shi ɗye lazham sarda ɓa, yang kap ɗyi nu̱ zu̱ki ɗyine khuski nang ɗya zhire.”

Yokhana 11:15

Yang nga kashar ku̱me tunu nu̱ke shi ɗyinang nga njig ɓa, ma ku̱ maita nu. Yang ɗyem ba she nda.”

Yokhana 11:47

Tu̱ kuruku rututundi ndu̱ Parisekwang qa tabar ɓaanda. Tu̱ zham yen ku za, “Chem a shikya nu̱m ɗo? Wonji khuski nang a nje a shi ɗye saiduku khang!

Yokhana 12:18

Nduki khang ɗu̱ ma gaɗa Yesu ku̱me wa tu̱k ɗye saidu nu̱ shiki nang.

Yokhana 12:37

Aa nu̱ke Yesu wa shi ɗye saidu khang gume wora, kap ndu̱ nang nu̱ maita nda ɓa.

Yokhana 12:41

Yishaya zu̱ wanang ku̱me wa na zhaaji ɓu̱ Yesu tu̱ vu̱r labar ɓaran.

Yokhana 14:13

Ɗyi nun khuɗki kap mbu̱ dlu̱ma ngga shi, ku̱me ku̱ Zhinkirang gwa zhaaji nu̱ ku̱nshe Woyang.

Yokhana 16:27

Ku̱me chin Zhinkirang nu̱ varan a ndola nu, ku̱me tun wa ndola nga, tun wa maita tu̱k za nga vi she Magham.

Yokhana 16:30

Leendang chem wa da mban nu̱ ɗyine ta zu̱n aa nu̱m. Ta ka tlogha zhamndi me ku̱ nduk zhami. Nang wa sa chem maita ta vi she Magham.”

Yokhana 2:1

Ye fu̱ɗar nu̱ kunung, tu̱ gu̱n ɓu̱rti Kaana nu̱ke a mbu̱ dlar ghai Galili, yang man Yesu a nje ye maaran.

Yokhana 2:23

Sarchi nu̱ke Yesu a Urshalima ma tabar peetar ɗyinang, tu̱ nduki khang na ɗye lazhamku nu̱ shiki tu̱ maita dlu̱man ku.

Yokhana 3:2

Ta ɓa she Yesu mbu̱ virkiri za, “Maalu̱m, chem wa zu̱n za to maalu̱m nu̱ Magham a ru̱kki ro. Ku̱me nduk a nje nu̱ke ka ɗu̱maki shi ɗye lazhamku nu̱ke ta shiran nang ɓa kope Magham a nje su̱yen ndu̱ chin.”

Yokhana 4:3

Nu̱ Yesu gwaki labar nang tu̱ njig dlar ghai Yakhudiya tu̱ gaɓ nu̱ Galili.

Yokhana 4:46

Tu̱ Yesu gaɓ tu̱ ɗu̱ Kaana mbu̱ dlar ghai Galili ye maa nu̱ gaɓki ndu̱ ɗyim tu̱ kha ma ɗyim anapang. Yang woi ɓu̱ dle gume ɓu̱ nu̱ tlu̱nar ɓu̱ nggomnati nggur a nje nu̱ke a Kaparnakhum nu̱ke khaatan.

Yokhana 4:54

Nang ke ɗye lazham nu̱ rap nu̱ Yesu shiki gaanje nu̱ njigki Yakhudiya tu̱ ɗu̱ Galili.

Yokhana 5:23

Ma ku̱ aaki vu̱r gorkir ye Woyang, ba wa nu̱ka vu̱rki gorkir ye Zhinkirang ku. Kap njif nu̱ke nu̱ vu̱r gorkir ye woyang ɓa, nu̱ vu̱r gorkir ye Zhin nu̱ ɗa ru̱kki nda ɓa.”

Yokhana 6:14

Nu̱ ndukyang naki ɗye lazham nu̱ Yesu shikyang, tu̱ zu̱ ku za, “Shwat, mbu̱ wanang na ke annabi nu̱ke a ɓar mbu̱ larjyang yo.”

Yokhana 6:2

Tu̱ nduki khang mbu gaanje nda, ku̱me wa na ɗye saidu ɓaran nu̱ shiki ye nduki nu̱ke var wor mu̱n ɓa.

Yokhana 6:26

Tu̱ Yesu tlogha ye wor za, “Zhire, nga zu̱ran ye nu, tun a kaala nga ku̱me tun wa nji ɓurti tolirang tu̱ mbonu zhi, nun kaala nga ku̱me ɗye saidu nang shikya ɓa.

Yokhana 6:30

Tu̱ ndukyang zham Yesu tu̱k za, “Yang to ka shikya nyi pooni ɗye saidu yerem ma nami nu̱ si chem maita ra? To ka shikya nyi pooni tuna?

Yokhana 7:31

Kap ndu̱ nang tu̱ nduki khang mbu̱ tabar ndukyang maita Yesu, a zu̱ran ku za, “Woɗye ɗa, mbu̱ Masiya ɓa, ka shi ɗye lazham nu̱ dukki ɗyi nu̱ke khuski nang shiki mu?”

Yokhana 9:16

Tu̱ ɓeena Parisekwang zu̱ za, “Njif nang a vi she Magham ɓa, ku̱me nu̱ka khutlo Fu̱ɗar Maasi ɓa.” Tu̱ yang ɓeenan shi zhamndi za, “Nu̱ sola ka ɗu̱ma shi ɗye lazhamku nang kikimndana?” Tu̱ ɗyin wor shakh ku̱men.

2 Korintiyeku 3:18

Chem nu̱ke mbu̱ yiterem lu̱paran ɓa, chem a wutkya yarang ɓu̱ zhaaji ɓu̱ Zhinkir gwaanji wa ɗye nari, a mbu̱mderem ma ku̱ shipa mi nda. Mbu̱mndi nu̱ke a shiran yerem nang ba a shaatar mbu̱ zhaaji na viki she Zhinkir gwaanji, nu̱ke ɗya Jiimba.

2 Korintiyeku 4:17

Jiwa bonye koɗommandi nu̱ke chem a zaran nang ɓu̱ shoɓ ɓa, yang ka vu̱r zhaaji khangndi yerem koɗokh si ɓa.

2 Korintiyeku 4:6

Jiwa Magham nu̱ zu̱ki za, “Ku̱ yarang shi mbu̱ zhum maari,” chin saki yarang ɓaran ku̱ shi mbu̱ memu̱narem, ma ku̱ shi yarang ye nduki ku̱ zu̱n ku za nduk ka na zhaaji ɓu̱ Magham nu̱ ku̱nshe Masiya.

1 Yokhana 5:13

Tun nun maitaki dlu̱m Yi ɓu̱ Magham, nga bu̱la ɗyiku nang ye nu kap ma ku̱ zu̱n nu nu̱ ɗyine tun wa gwa nyifi nu̱ke nu̱ka shi woɗa ɓa.