Yokhana 19:6 - Mewar Alqawarang

⁶ Yang ba nu̱ kuru rututundi ku ndu̱ nu̱ nggu̱ti Rafti ɓu̱ Magham kwang naki nda tu̱ ghwaɗ zhaano ku a zu̱ran za, “Ku̱ kaatli nda gha! Ku̱ kaatli nda gha!” Tu̱ Bilatus tlogha za, “Ɗu̱ma tun a katl nda gha ndu̱ vaanu ɓang nang gwa nda ndu̱ zop nggur ɓa.”

Yokhana 19:6 Iomraidhean Croise

Matta 26:58

Yang Biturus wa mbu gaanje wor ɓakh ndu̱ wor ma yir mu̱na rafti ɓu̱ gorkir kurukwang. Tu̱ ɗu̱ tu̱ ɗa kha gha ndu̱ nu̱ nggu̱ti Rafti ɓu̱ Magham kwang, ma na lauɗarsan.

Matta 27:22

Tu̱ Bilatus zham wor za, “Yang shi nga kya nu̱m ndu̱ Yesu nu̱ka qaki nda za Masiya na?” Tu̱ zu̱ ku kap za, “Ku̱ kaatli nda gha!”

Matta 27:24

Nu̱ Bilatus naki za chin ɗu̱ma shi aa nu̱m ɓa, wonji ndukyang a shim ji ndu̱ dakhlari, tu̱ shokhla ɗyim tu̱ shiɓ kharan nu̱gha gume ndukyang, tu̱ zu̱ za, “Nga si mbu̱ zop mbu̱ti tom ɓu̱ nu̱ dambi nang ɓa. Na a ɗyinonu.”

Luka 23:4

Tu̱ Bilatus ze kuruku rututundi ndu̱ ndukikwang za, “Ɓang nang gwa njif nang ndu̱ zop ɓa.”

Yokhana 18:3

Tu̱ Yakhuda a ɓa ndu̱ sange sojeku ndu̱ ɓeeni nu̱ nggu̱ti kib ghaari ghai ɓu̱ Yakhudekwang ndu̱ kuruku rututundi ndu̱ Pariseku khubtan ndu̱ Pitileku ndu̱ toshilen ndu̱ ɗye ruɓarku.

Yokhana 18:31

Tu̱ Bilatus zu̱ za, “Ɗu̱ma ndu̱ chin tun a kuma nda ndu̱ ɗyi nu̱ wopar ɓaanu zu̱ki.” Tu̱ Yakhudekwang tlogha za, “Zalala khaarem ma kuma mi nduk tu̱ tlagha nda nu̱ gha ɓa.”

Yokhana 18:38

Tu̱ Bilatus zham nda za, “Nu̱m ke zhirya na?” Qu̱rse wa shi zhamndi nang, ta ɓa she Yakhudekwang tu̱ ze wor za, “Ɓang nang gwa nda ndu̱ zop nggur ɓa.

Yokhana 19:15

Tu̱ Yakhudekwang ghwaɗ zhaano a zu̱ran ku za, “Ku̱ tlagha nda nu̱ gha! Ku̱ tlagha nda nu̱ gha! Ku̱ katl nda gha!” Tu̱ Bilatus zham wor za, “Tun a shim ku̱ katl nga kuji ɓaanu gha?” Tu̱ kuru rututundi kwang tlogha za, “Kuji khaarem tu̱ duk Kaisar ɓa.”

Yokhana 19:4

Tu̱ Bilatus a vi tu̱k tu̱ ze Yakhudekwang za, “Wonji nga ma viri ndu̱ Yesu ye nu, yang nga shim zu̱n nu nu̱ ɗyine nang gwa nda ndu̱ zop nggur ɓa.”

Tlu̱nar ɓu̱ Pudeku 2:23

Me ku̱ vu̱r khuski nang nu̱ mbu̱ kha nu ma ku̱ nu̱ solarku kaatli nda gha, Magham wa zu̱ni ku̱me chin daasaki.

Tlu̱nar ɓu̱ Pudeku 7:52

Annabyang nje nu̱ke zhikannu nu̱ vu̱r bonye yenda ɓa mu? Wor tlaghaki nduki nu̱ wopaki ɓar ɓu̱ nu̱ Jeembu nang, yang leendang tun vu̱rki nu̱ Jeembwang ɓar tun tlagha nda nu̱ gha.