Yokhana 19:4 - Mewar Alqawarang

⁴ Tu̱ Bilatus a vi tu̱k tu̱ ze Yakhudekwang za, “Wonji nga ma viri ndu̱ Yesu ye nu, yang nga shim zu̱n nu nu̱ ɗyine nang gwa nda ndu̱ zop nggur ɓa.”

Yokhana 19:4 Iomraidhean Croise

Matta 27:19

Nu̱ Bilatus khaki gha ye maa kumarang tu̱ nokhzan a ru̱k ku̱ ze nda za, “Vi ɓar mbu̱ njiv ɓu̱ nu̱ dambi nang ku̱me nga za bonye ndu̱ zhine ndu̱ chin virkir nang.”

Matta 27:24

Nu̱ Bilatus naki za chin ɗu̱ma shi aa nu̱m ɓa, wonji ndukyang a shim ji ndu̱ dakhlari, tu̱ shokhla ɗyim tu̱ shiɓ kharan nu̱gha gume ndukyang, tu̱ zu̱ za, “Nga si mbu̱ zop mbu̱ti tom ɓu̱ nu̱ dambi nang ɓa. Na a ɗyinonu.”

Matta 27:4

Tu̱ zu̱ za, “Ngaa shi sola ku̱me nga vu̱r njif nu̱ke zop ve nda ɓa ma ku̱ tlagha nda.” Tu̱ yang ze nda ku za, “Nu̱m baki rema? Na ɗya damtar ɓaaro.”

Matta 27:54

Sarchi nu̱ gorkir soje ɓu̱ Roma ndu̱ ɓeena nduki nu̱ke a bu wudle Yesu naki yakhtar maa vu̱ghayang nu̱ ɗyi nu̱ shikyang kap, tu̱ tu̱k sawar ku maɗyi, tu̱ zu̱ ku za, “Zhire njif nang ɗya Yi ɓu̱ Magham!”

Luka 23:4

Tu̱ Bilatus ze kuruku rututundi ndu̱ ndukikwang za, “Ɓang nang gwa njif nang ndu̱ zop ɓa.”

Luka 23:41

Yang kumar nu̱ shiki yeremang wa shi torop, ku̱me chem a za kya ɓu̱r ɓu̱ ɗyi nyem shiki. Yang ɓu̱ njif nang nu̱ shi zop nggur aa da ɓa.”

Luka 23:47

Nu̱ gorkir ɓu̱ sojeku nu̱ke a nje, naki ɗyi nu̱ ɗatlkyang, tu̱ gor dlu̱m Magham, a zu̱ran za, “Njif nang ɗya nu̱ jeembu shwat.”

Yokhana 18:33

Kom tu̱ Bilatus gaɓ nu̱ kaa mbu̱ rafti, tu̱ sa ku̱ ɗa ɓa ndu̱ Yesu, tu̱ zham nda za, “To ke kuji ɓu̱ Yakhudekwang mu?”

Yokhana 18:38

Tu̱ Bilatus zham nda za, “Nu̱m ke zhirya na?” Qu̱rse wa shi zhamndi nang, ta ɓa she Yakhudekwang tu̱ ze wor za, “Ɓang nang gwa nda ndu̱ zop nggur ɓa.

Yokhana 19:6

Yang ba nu̱ kuru rututundi ku ndu̱ nu̱ nggu̱ti Rafti ɓu̱ Magham kwang naki nda tu̱ ghwaɗ zhaano ku a zu̱ran za, “Ku̱ kaatli nda gha! Ku̱ kaatli nda gha!” Tu̱ Bilatus tlogha za, “Ɗu̱ma tun a katl nda gha ndu̱ vaanu ɓang nang gwa nda ndu̱ zop nggur ɓa.”

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

Yibraniyeku 7:26

Chem a gangkya pooni gorkir kuru nang. Chin shakhshakh, waare zop, shibtan, wa wakanda nu̱ konggol tu̱ njig nu̱ solarku, tu̱ da nda nu̱ viɗi ɗyine aa nu̱m kap.

1 Biturus 1:19

Dli ɗyinonu ndu̱ tom ɓu̱ Masiya nu̱ke zhaaji a si, wa kha wa ye gamndi nu̱ sadke, nu̱ke me chiɓi nje ve nda ɓa yang beeko ɓa.

1 Biturus 2:22

“Sar da nu̱ shi zop ɓa, nu̱ shi wollo sar da ɓa.”

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

1 Yokhana 3:5

Tun wa zu̱n nu̱ ɗyine Yesu a ɓa ma ku̱ da nji solarku ɓaarem ɓara, yang sola nje mbe nda ɓa.