Yokhana 19:34 - Mewar Alqawarang

³⁴ Tu̱ da chele sojekwang zhokh ku̱bdi Yesu ndu̱ kaazi, tu̱ tom ndu̱ ɗyim a mbu̱ɗi fan ndu̱ fan.

Yokhana 19:34 Iomraidhean Croise

Matta 27:62

Vi dumaaran gaanje fu̱ɗar daasar Peetar Ɗyinang, tu̱ kuruku rututundi ndu̱ Parisekwang taba nu̱ gume Bilatus,

Yokhana 19:33

Yang nu̱ ɗa ɓa ki ku she Yesu tu̱ gwa wa mu̱ɗi, nu̱ zha saaran nu̱gha ɓa.

Yokhana 20:20

Qu̱rse wa zu̱ nang ye wora, tu̱ wut kharanku ye wor ndu̱ ku̱bdan nu̱ zhokhki ndang. Tu̱ nu̱ mburi nda kwang kasha nar Zhinerem gwaanji.

Tlu̱nar ɓu̱ Pudeku 22:16

Yang ta bu kya nu̱ma? Ju tu̱ shi baptisme yoro tu̱ shiɓ solar ɓa yor nu̱ gha nu̱ ku̱nshe qar dlu̱m Zhinerem gwaanji.’

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

1 Korintiyeku 6:11

Ɓeeni nduki chele ɓaanu wa shi ɗyiku nang zhu, yang leendang wa waka nun konggol. Wa sa nun mbu̱ khar Magham. Tun wa kha ma nduki nu̱ke zopan ɓa she Magham mbu̱ dlu̱m Zhinerem gwaanji Yesu Masiya, ndu̱ Jiimbi shakhshakhndi ɓaarem.

Afiseku 5:26

Ma ku̱ vu̱r nji nda shakhshakh ye Magham nu̱ ku̱nshe ɓalar ɓaran qu̱rse wa gaɓ ndu̱ chin tu̱ kha shakhshakh nu̱ ku̱nshe shiɓti nda nu̱ gha nu̱ shiki ndu̱ ɗyimi.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

Yibraniyeku 9:13

Mbu̱ tom ɓu̱ gunoku, ndu̱ ɓu̱ dleeku, ndu̱ pu̱zhiti ɓu̱ ye dle nu̱ batlki wa ka gaɓ ndu̱ nu̱ ru̱gnar ku tu̱ var wor kha shakhshakh wa nu̱ me ghayan zu̱ki,

Yibraniyeku 9:22

Bibitang wa wut za aa nu̱m ka kha shakhshakh mbu̱ wa shiɓ nu̱gha ndu̱ tom. Yang yaapar sola nje waare mbu̱ti tom ɓa.

1 Biturus 3:21

Yang ɗyim nang a khar wa baptisme nu̱ka ɗanaki nu. Tun yang tun wa gwa ɗanar nu̱ ku̱nshe ɗyim baptismyang. Yang ɗanar nyem gwaki nang chem gwa ku̱me shiɓti ru̱gnar ɓar ve vaarem ɓa. Chem gwa ɗanarang ku̱me alqawar chele ɓaarem nu̱ Magham ndu̱ memu̱nar mbarkandi, kom ndu̱ jiiri ɓu̱ Yesu Masiya ɓar mbe mu̱ti.

1 Yokhana 5:6

Nang ke njif na ɓa ki nu̱ ku̱nshe ɗyim ndu̱ tom chin ke Yesu Masiya. Nu̱ ɗa ɓa nu̱ ku̱nshe ɗyim ɗyenda ɓa, a ɓa nu̱ ku̱nshe ɗyim ndu̱ tom tu̱k. Yang ɗya Jiimbyang saidaki ku̱me Jiimbyang ke zhire.

1 Yokhana 5:8

[Ɗyiku nang, wor ke Jiimba, ndu̱ ɗyim ndu̱ tom, yang ɗyiku kunungndi nang me wor da ku.]

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.

Ɗyin mbu̱ tukari 7:14

Tang tlogha nga za, “Ta zu̱ni, ku̱man.” Tu̱ yang zu̱ ya za, “Ndukiku nang wora viki mbe bonye maɗyikandi. Wa shiɓ luktiku ɓaanda nu̱ gha ndu̱ tom ɓu̱ Ye gamndang, tu̱ kha ɓong ku.