Yokhana 19:11 - Mewar Alqawarang

¹¹ Tu̱ Yesu tlogha yenda za, “Zalale ɓaa yina ɗya Magham vu̱rki yoro. Yang njif nu̱ shiki njiv vu̱rti nga nu̱ mbu̱ khaarang wa duk toro ndu̱ zop.”

Yokhana 19:11 Iomraidhean Croise

Matta 26:65

Tu̱ gorkir ɓu̱ kurukwang ɓyakh luktiku ɓaran nu̱gha ku̱me su̱bu̱rti memu̱na, tu̱ zu̱ za, “Chem a laɓkya nyi pooni saidu tu̱ka? Tun wa tu̱k ndu̱mndi nu̱ shiki ye Magham ndu̱ dlu̱mndonu.

Matta 27:2

tu̱ gu̱n kharan nu̱ gha ku, tu̱ ɗu̱ ndu̱ chin ku, tu̱ vu̱r nda nu̱ mbu̱ khar nggomna Bilatus.

Matta 6:13

Njig na rem chem nggu̱t nu̱ mbu̱ sola ɓa, yang to shakh chele ɓaarem ndu̱ Nu̱ mu̱narang.’

Markus 14:44

Yang Yakhuda nu̱ke a ma vu̱r nda ɓara wa tlaɗ ku ndu̱ wor za, “Njif nang khaapaki nda chele ɓaanda ɗya chin, ku̱s ma nda mbari tun ɗu̱ ndu̱ chin.”

Luka 22:53

Yang nga su̱yen ndu̱ tun aakochi mbu̱ rafti ɓu̱ Magham nun ku̱si nga ɓa. Yang ba, nang ke sarchi ɓaanu, sarchi zalale ɓu̱ nu̱ kwaaɗarku nu̱ke a mbu̱ zhumi.”

Yokhana 18:13

ta ɓa ndu̱ chin ku she Khanana gumapaali. Khanana ɗya su̱rvi Kayafa nu̱ke chin ke gorkir ɓu̱ kuruku ye sonyiran.

Yokhana 18:3

Tu̱ Yakhuda a ɓa ndu̱ sange sojeku ndu̱ ɓeeni nu̱ nggu̱ti kib ghaari ghai ɓu̱ Yakhudekwang ndu̱ kuruku rututundi ndu̱ Pariseku khubtan ndu̱ Pitileku ndu̱ toshilen ndu̱ ɗye ruɓarku.

Yokhana 19:10

Ku̱me nang, tu̱ Bilatus ze nda za, “To zhang shi ɓalar ya gha mu? No zu̱n za nga ke nu̱ zalale ngga gha ndu̱ kaatlor gha ɓa goma?”

Yokhana 3:27

Tu̱ Yokhana tlogha za, “Nduk a nje nu̱ke ka gwaki aa nu̱m ɓa kope a vu̱r yenda viɗi.

Yokhana 7:30

Nu̱ Yesu zu̱ki ɓalar nang, tu̱ nduki shim ku̱si nda. Yang nduk nu̱ su̱ɓa nda ɓa, ku̱me sarchi ɓaran nu̱ shi dong ɓa.

Yokhana 9:41

Tu̱ Yesu ze wor za, “Ai mbu̱ tun puguman tu̱ga sola ve nu ɓa. Yang nun zu̱ki za tun a na maari, solar ɓaanu ba a nje rong.”

Tlu̱nar ɓu̱ Pudeku 2:23

Me ku̱ vu̱r khuski nang nu̱ mbu̱ kha nu ma ku̱ nu̱ solarku kaatli nda gha, Magham wa zu̱ni ku̱me chin daasaki.

Tlu̱nar ɓu̱ Pudeku 3:13

Maghamndi ɓu̱ Yibram ndu̱ Yishaku, ndu̱ Nyagham, Maghamndi ɓu̱ zhikanerem, chin vu̱rki zhaaji ye maavi ɓaran Yesu. Nang ke njif nun vu̱rki nda ɓar ku̱ tlagha nda nu̱ gha, tun wut zhangndi yenda gume nggomna Bilatus aa nu̱ke wa shim ku̱ ngga nji nda gha.

Tlu̱nar ɓu̱ Pudeku 4:28

Taba ku ma shi ɗyi no daasaki ka shi, nu̱ ku̱nshe zalale ɓaaro ndu̱ shimndi ɓaaro.

Romeku 11:36

Jiwa aa nu̱m a vi she nda, nu̱ ku̱nshe nda, kom ma yir she nda tu̱k. Bu ku̱ zhaaji kha Magham koɗokhsi ɓa. Amin.

Romeku 13:1

Wa ku̱s ku̱ aaki mbu zu̱r ɓu̱ nu̱ kwaaɗarku, ku̱me zalale nggur a nje ɓa kope Magham wa tlogha san. Yang tu̱k Magham saki nu̱ kwaaɗarku nu̱ zalale ku nang kap.

Yaqub 1:17

Aa nyi vu̱rti mbarkandi, ndu̱ vu̱rti nyeelkandi a vi mbu̱ viɗi. A zhur she Magham Zhinkir nu̱ du̱ngki fu̱ɗa, ndu̱ chera ndu̱ anjinjeku kap. Yang chin nu̱ka shi nggot ɓa.

Yaqub 4:17

Ku̱me nang aaki zu̱nki ɗyi nu̱ shipaki ku̱ shi tu̱ yang zhang shiran gha, wa kha ma sola she nda.