Yokhana 18:4 - Mewar Alqawarang

⁴ Yang nu̱ke Yesu wa zu̱n ɗyi nu̱ke a ma shiran ku kap, tu̱ ɗa vi tu̱ zham wor za, “Tuna laɓkya kiya?”

Yokhana 18:4 Iomraidhean Croise

Matta 16:21

Ji ye sarchi nang tu̱ Yesu nggaasi zu̱ran ye nu̱ mburindakwang za, wa ku̱s ɗu̱nji Urshalima. A za nji bonye zum zum mbu̱ khar dlegumeku, ndu̱ kuru rututundi ndu̱ Maalu̱m Taurete kwang, tu̱ tlagha nda nu̱ gha ku, yang ye fu̱ɗar nu̱ kunungan ka ji nu̱ chin viɗi mbe mu̱ti.

Matta 26:2

“Tun wa zu̱n za tabar Peetar Ɗyinang wa njig qaandi rap, ka vu̱r Yi ɓu̱ Nduk tu̱ katl nda gha me qu̱fari.”

Matta 26:21

A mbu̱ zu̱m ɗye zu̱mnda ku tu̱ Yesu ze wor za, “Zhire nga zu̱ran ye nu, da chele ɓaanu ka vu̱rti nga ɓara.”

Matta 26:31

Tu̱ Yesu ze wor za, “Kap ɓaanu tun ka ɗa vaanu tun njig tu̱ nga mbu̱ virkir nang ku̱me ɗyi nu̱ke a ma ɗaatli ndu̱ nga. Ku̱me a nje bu̱laran za, ‘Ngga ghwaɗ nu̱ khutlorang, ndu̱ɓang ku nu̱ mbu̱ shapirang ka lakhta ku.’

Luka 24:44

Tu̱ ze wor za, “Nang ke ɓalar nang zu̱ki ye nu sarchi nu̱ke nga su̱yen ndu̱ tunwang, nga za ɗyi nu̱ Taurete ɓu̱ Musa ndu̱ Lagarkati ɓu̱ annabiku ndu̱ Zaburya zu̱ki ɗyina kap ka nyedli.”

Yokhana 13:1

A nje a nje me ku̱ Tabar Peetar ɗyin shi, Yesu wa woɗa zu̱ndan za sarchi ɓaran wa shi nu̱ke chin a ma njig larji nang chin gaɓ nu̱ she Zhinkirang. Yesu wa ndola nduki ɓaran nu̱ke a larji, wa wut ndolar ɓaran ye wor ma yi lauɗar su̱ khar ɓaanda.

Yokhana 13:11

Ku̱me Yesu wa zu̱n njif nu̱ke a ma vu̱rti nda ɓarang. Nang ke ɗyi nu̱ saki tu̱ zu̱ za, “Yang tun kap ke Shakhshakh ɓa.”

Yokhana 18:5

Tu̱ tlogha ku za, “Yesu Khuzi Nazaret” Tu̱ Yesu ze wor za, “Nga ke chin.” Yang Yakhuda nu̱ vu̱rki nda ɓarang a nje chingndan su̱yen ndu̱ wora.

Yokhana 18:7

Tu̱ Yesu gaɓ tu̱ zham wor za, “Tuna laɓkya kiya?” Tu̱ zu̱ ku za, “Yesu khuzi Nazaret.”

Yokhana 19:28

Yesu wa zu̱n za sarchi nang chin wa woɗa aa nu̱m, yang ku̱me ku̱ aa nu̱m kha nyeedlan wa nu̱ lagarkati ɓu̱ Magham zu̱ki, tu̱ zu̱ za, “Nga tu̱k khuzhumndi.”

Yokhana 6:64

Yang ɓeeni nduki a nje chele ɓaanu nu̱ke nu̱ maita ɓa.” Ku̱me gumapaali Yesu wa zu̱n nduki nu̱ke nu̱ maita ɓa, ndu̱ njif nu̱ke a ma vu̱rti nda ɓarang.

Tlu̱nar ɓu̱ Pudeku 2:28

Ta shoga njiv nyifiri ya. To ka nyedli nga ndu̱ kasha ku̱me khar ɓa su̱yen ndu̱ nga.’

1 Biturus 4:1

Nu̱ke Masiya wa za bonye mbu̱ man va, da ma ɗyin saaran tu̱k. Ai, kap njif nu̱ zaki bonye mbu̱ man va, wa shakh ndu̱ tlu̱nar sola.