Yokhana 18:37 - Mewar Alqawarang

³⁷ Tu̱ Bilatus zu̱ za, “Alapa to kuji goma?” Tu̱ Yesu tlogha za, “To ndu̱ ɗyinoro ta zu̱ no za nga kuji. Nang ke ɗyi nu̱ saki tu̱ kha nga, nang ke ɗyi nu̱ saki tang a vi nu̱ mbu̱ larji tu̱k, ma zu̱ zhire ni. Kap nu̱ shimndi zhire wa ka tu̱k ɓalar ɓanga.”

Yokhana 18:37 Iomraidhean Croise

Matta 26:64

Tu̱ Yesu ze nda za, “Ba wa no zu̱kyang. Yang nga zu̱ran ye nu, ji ɗyin leendang tun ka na Yi ɓu̱ Nduk kharan ɗyin bu̱n zu̱me ɓu̱ Nu̱ zalalyang, a ɓar tu̱k mbu̱ ku̱zapti nu̱ mu̱na viɗi.”

Matta 27:11

Ye sarchi nang Yesu a nje chingndan gume nggomna, tu̱ nggomnyang zham nda za, “To ke kuji ɓu̱ Yakhudekwang mu?” Tu̱ Yesu ze nda za, “Wanang ni, ba wa no zu̱kyang.”

Markus 14:62

Tu̱ Yesu tlogha yenda za, “Ɗya nga, yang tun ka na Yi ɓu̱ Nduk kharan ve bu̱n zu̱me ɓu̱ nu̱ Zalale kap, a ɓar ɗyin ku̱zaptiku nu̱ viɗi.”

Markus 15:2

Tu̱ Bilatus zham nda za, “To ke Kuji ɓu̱ Yakhudeku mu?” Tu̱ yang tlogha yenda za, “Ta zu̱ ndu̱ meero.”

Luka 22:70

Tu̱ kap ɓaanda gaɓ tu̱ zham nda ku tu̱k za, “Yang ɗa, to Yi ɓu̱ Magham mu?” Tu̱ Yesu tlogha san ye wor za, “Tun wa zu̱ ba torop ku̱me nga ke chin.”

Luka 23:3

Tu̱ Bilatus zham nda za, “To ke kuji ɓu̱ Yakhudekwang mu?” Tu̱ Yesu tlogha yenda za, “Wanang ni, ta zu̱ ndu̱ meero.”

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 1:17

Magham vu̱r woparang nu̱ mbu̱ khar Musa, yang mu̱nkir ndu̱ zhire a ɓa mbu̱ khar Yesu Masiya daati ɓu̱ Magham.

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 3:32

A saida kya ɗyi nyin naki chin tu̱ki, yang kap ndu̱ nang nduk a nje nu̱ dlu̱ki saidu ɓaranang ɓa.

Yokhana 7:17

Aaki datki shir shimndi ɓu̱ Magham, ka zu̱n za shogar ɓanga vi she Magham, ɗya ɓang ɓa.

Yokhana 8:14

Tu̱ Yesu tlogha ye wor za, “Aa nga saida ɗyina, ai, saidu ɓang ɗya zhire, ku̱me nga zu̱n ye maa na nga viki si, ndu̱ maa nu̱ke nga yir si. Yang nun zu̱n maa na nga viki si ɓa, yang nun zu̱n maa nu̱ke nga yir su̱ ɓa.

Yokhana 8:45

Yang ku̱me nga zu̱ zhire, tun wa zhang maita nga gha.

Yokhana 8:46

Nduk a nje chele ɓaanu nu̱ke ka wuɗki za nga shi zop sar da mu? Yang mbu̱ke nga zu̱kya zhire, nu̱m saki nun maita nga ɓa?

Yokhana 8:47

Njif ɓu̱ Magham wa ka tu̱k ɗyi nu̱ke Magham a zu̱ran. Yang nun gwa dlu̱mndonu ye ɗyi nu̱ke Magham a zu̱ran ɓa ku̱me tun ɓu̱ Magham ɓa.”

1 Timoti 6:13

Nga zu̱ran yoro gume Magham nu̱ vu̱rti nyifiri ye aa nu̱m, ndu̱ Masiya Yesu nu̱ vu̱rki saidu mbarkandi gume Puntus Bilatus.

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

1 Yokhana 2:21

Nang bu̱la ye nu ku̱me nun zu̱n zhire ɓa ɓa, nga bu̱la ku̱me tun wa zu̱n zhire. Tun wa zu̱n nu̱ ɗyine zhire nu̱ka kha ma wollo ɓa.

1 Yokhana 3:14

Chem wa zu̱n nu̱ ɗyine chem wa peeta mu̱ti ma yir she nyifiri ku̱me chem a ndola nyeezerem. Njif nu̱ke nu̱ka ndola nyeezan ɓa, a mbu̱ bu̱n mu̱ti ma ɓar ye meeni.

1 Yokhana 3:19

Nang ke njiv nyem zu̱nki nu̱ ɗyine chem nu̱ zhire, yang aa gume Magham memu̱narem da vaarem zu̱ran,

1 Yokhana 4:6

Chem a vi she Magham. Nduki nu̱ zu̱nki Magham wa ka tu̱kterem ku, yang nduki nu̱ke nu̱ zu̱n Magham ɓa, nu̱ka tu̱kterem ku ɓa. Chem ka zu̱n njif nu̱ke a su̱yen ndu̱ Jiimbi zhire ndu̱ njif nu̱ke a su̱yen ndu̱ jiimbi wollo ve nang.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

Ɗyin mbu̱ tukari 1:4

Nga Yokhana, Nga bu̱lar ye tabar ɓu̱ nu̱ mbu Yesu ku nu̱ mbu̱ ghai ku mut nu̱ke a mbu̱ dlar ghai Asiya. Kha ma ndu̱ mu̱nkir ndu̱ qaandi memu̱nar na viki she Magham nu̱ke chin kya nje leendang, chin kya nje zhu, chin ka khaki mbu̱ sarchi nu̱ke a ɓari. Kom ndu̱ she jiimbiku mutndi nu̱ke a gume zhakhɗye ɓu̱ Maghamang,

Ɗyin mbu̱ tukari 3:14

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Laudikiya no za, Wonji ɓalar nu̱ ɗa viki she njif nu̱ka qaki nda za Amin. Chin wutki parakh zhire ɓu̱ Magham, yang Magham shi aa nu̱m kap nu̱ ku̱nshe nda.