Yokhana 18:20 - Mewar Alqawarang

²⁰ Tu̱ Yesu tlogha ye wor za, “Ai, nga shi ɓalar ye larji ye dalangi gume aaki, nga shogar ye nduki aakochi mbu̱ maa tabar ɓaanu ndu̱ mbu̱ Rafti ɓu̱ Magham, ye maa nu̱ke Yakhudeku ka tabaki. Sar da nang zu̱ ɗyi nggur mbu̱ tuka ɓa.

Yokhana 18:20 Iomraidhean Croise

Matta 24:26

“Ku̱me nang mbu̱ wa ze nu ku za, ‘Wonda nda far mbu̱ gaari,’ ɗu̱ nu ɓa. Mbu̱ wa ze nu za, ‘A nje far ku̱ba tukaran,’ maita nu ɓa.

Matta 26:55

Ye sarchi nang tu̱ Yesu ze wor za, “Tun a vi ndu̱ kaskarku ndu̱ saɓirku ma ku̱si nga, nga nu̱ yetar njiva mu? Yang aa nyi fu̱ɗa nga mbu̱ Rafti ɓu̱ Maghamang nga shogaran ɓara yang nun ku̱si nga ɓa.

Matta 26:65

Tu̱ gorkir ɓu̱ kurukwang ɓyakh luktiku ɓaran nu̱gha ku̱me su̱bu̱rti memu̱na, tu̱ zu̱ za, “Chem a laɓkya nyi pooni saidu tu̱ka? Tun wa tu̱k ndu̱mndi nu̱ shiki ye Magham ndu̱ dlu̱mndonu.

Matta 4:23

Tu̱ Yesu baara mbu̱ dlar ghai Galili ɓar kap, a shogar ye nduki mbu̱ kib tabar ɓaanda. A wopa labar mbarkandi nu̱ kwaaɗar ɓu̱ Magham. Kom ndu̱ shaanar nduki nu̱ke var wor mu̱n ɓa ndu̱ aa nyi pooni khaati nu̱ke a damta wora.

Matta 9:35

Tu̱ Yesu ɗu̱ mbu̱ ghaiku ndu̱ gureku kap a shogar ye wor mbu̱ kib tabar ɓaanda a wopar labar mu̱nkandi nu̱ kwaaɗar ɓu̱ Magham. Tu̱ ku̱s shaana aa nyi nu̱ khaatiku ndu̱ nduki nu̱ke nu̱ da lawan ku ɓa.

Markus 8:32

Yang zu̱ ɓalar nang ye dalangi, tu̱ Biturus qaandan konggol tu̱ nggaasi dakhla nda ku̱men.

Luka 21:37

Yang Yesu wa ka shi shogar mbu̱ Rafti ɓu̱ Magham aa nyi fu̱ɗa, mbu̱ mugdi wa shi lu̱s, wa ka ɗu̱ ɗyine Dleng qu̱far Zaitun ta qan nje.

Luka 4:15

Tu̱ shi shogar ye nduki mbu̱ kib tabar ɓu̱ Yakhudeku, aaki a makhta nda.

Yokhana 18:21

Yang nu̱m saki to ki zhamndi nga? Zhom nduki nu̱ tu̱kki shogar ɓang ku̱ zu̱ ɗyi nang shogaki ye wora. Ai, wa zu̱n ɗyi nang zu̱ki ye wora.”

Yokhana 6:59

Yesu zu̱ ɗyiku nang sarchi nu̱ke a shogar ye maa tabar ɓu̱ Yakhudeku nu̱ke a Kaparnakhum.

Yokhana 7:14

Nu̱ sarchi tabarang mberki tala, tu̱ Yesu vi nu̱ mbu̱ Rafti ɓu̱ Magham tu̱ nggasi shogar ye nduki.

Yokhana 7:26

Wonji nda fan a ɓalar ye dalangi, yang nu̱ zu̱ aa nu̱m yenda ku ɓa. Dle gume kwang wa lauɗa san za chin ke Masiya kuji datkandi ɓu̱ Maghamang mu?

Yokhana 7:28

Yesu a mbu̱ shogar mbu̱ Rafti ɓu̱ Maghamang, tu̱ da su̱quran nu̱ viɗi tu̱ zu̱ za, “Tun wa zu̱ndi nga, tun wa zu̱n maa nanga viki su̱ tu̱k. Nga ɓa ndu̱ zalale ɓang ɓa. Njif nu̱ ɗa ru̱kki nga ɗya nu̱ zhire, yang nun zu̱n nda ɓa.

Yokhana 7:4

Ai, kap njif nu̱ke a shim ku̱ nduki zu̱n nda maɗyi nu̱ka tuka ɗyi nu̱ke chin a shiran gha ɓa. Ma nu̱ke ta ka shi pooni ɗyikunang, ai wa shipa wut na ɗyinor ye larji tu̱ zu̱ndor ku.”

Yokhana 8:2

Vi dumaaran ndu̱ ɗawi tu̱ Yesu ɗu̱ mbu̱ Rafti ɓu̱ Maghamang tu̱k, tu̱ nduki kap a ɓa she nda, tu̱ kha gha a shogar ye wora.

Yokhana 8:26

Ɗyi kwa nje khang nu̱ke ngga ɗu̱maki zu̱ran ɗyinonu, kom ɗyiku khang nu̱ke kuma nga nun ɗyinan tu̱k. Yang nga zu̱kya ba ɗyi nang tu̱kki she njif nu̱ ɗa ru̱kki nga ɗyenda, yang nga zu̱kya ba zhire ye larji.”

Tlu̱nar ɓu̱ Pudeku 26:26

Ai, kuji wa zu̱n ɗyiku nang, nga ka shi ɓalarang yenda sawa su̱ ɓa. Nga zu̱n shwat wa zu̱n ɗyikunang kap, ku̱me ɗyiku nang shi mbu̱ tuka ɓa.