Yokhana 18:11 - Mewar Alqawarang

¹¹ Tu̱ Yesu wu Biturus za, “Goɓ ndu̱ kaskar ɓaa mbu̱ raftan! Ngam ɓu̱ za mbu̱ ɗyekhti nu̱ Zhinkirang vu̱rki ya de?”

Yokhana 18:11 Iomraidhean Croise

Matta 20:22

Tu̱ yang Yesu ze qusonggyang za, “Nun zu̱n ɗyi nu̱ke tun a khutanang ɓa. Tun ka ɗu̱ma za ɗyekhti bonye nu̱ke nga ma zarana mu?” Tu̱ tlogha yenda ku za, “Chem ka ɗu̱ma.”

Matta 26:39

Nu̱ ɗu̱ki guma koɗom tu̱ nggu̱ɗ nu̱ mbiyitan tu̱ shi barari a zu̱ran za, “Zhinkir ɓanga, mbu̱ ka shi, to da ɗyekhti bonye na ya ɓara. Kap ndu̱ wanang, shi na shimndi ɓang ba, kope shimndi ɓaaro.”

Matta 26:42

Tu̱ gaɓ nu̱ rapan tu̱k, ta shi barar a zu̱ran za, “Zhinkir ɓanga, mbu̱ bonye nang ɓu̱ peeta ɓa kope nga za nda, bu ku̱ shimndi ɓa shi.”

Luka 12:30

Nduk larji nu̱ke nu̱ zu̱n Magham ɓa a damtarku ɗyine ɗyiku nangang. Zhinonu wa zu̱n za tun a shim ɗyiku nangang.

Luka 22:42

“Zhinkiri, mbu̱ ɗya shimndi ɓaaro, to da bonye nang ya ɓara. Yang shi na ya ku̱me nga shimndan ɓa, bu ku̱ shimndi ɓaara khan guma.”

Yokhana 15:10

Nga mbu zu̱r ɓu̱ Zhinkir ɓang tang khan mbu̱ ndolar ɓaran tu̱k. Wanang tu̱k mbu̱ tun wa mbu Woparku ɓang tun ka khan mbu̱ ndolar ɓanga.

Yokhana 17:24

“Aba, nga shim nduki no vu̱rki ya nang ku̱ kha su̱yen ndu̱ nga ye maa nu̱ke nga si. Nga shim ku̱ na zhaaji ɓaa no vu̱rki ya ku̱me ta ndola nga me ku̱ du̱ng larji.

Yokhana 18:36

Tu̱ Yesu tlogha za, “Kwaaɗar ɓang ɗya poonan ɓu̱ larji ɓa, tu̱ga maaviku ɓang wa dakhla nduki ma vi nga nu̱ mbu̱ khar Yakhudeku ɓa.”

Yokhana 20:17

Tu̱ Yesu ze nda za, “Khuɓ na nga ɓa, ku̱me nang dlan she Zhinkirang ɓa dong. Yang ɗu̱ she nyeezaku to ɗa ze wor no za, nga gaɓti nu̱ she Zhinkir ɓanga ndu̱ Zhinkir ɓaanu, Maghamndi ɓanga ndu̱ Maghamndi ɓaanu tu̱k.”

2 Korintiyeku 10:4

Jiwa ɗye dakhlar ku ɓaarem ɗya pooni ɓu̱ larji nang ɓa, zalale ɓu̱ Magham a nje si, chem wa ka shi boote si chem su̱bu̱r ɗye dakhlar ku malkandi ɓu̱ nu̱ zhangndiku ɓaarem nu̱ka kanggaki var wor si.

2 Korintiyeku 6:7

Chem a wutan chem nu̱ tlu̱nar ɓu̱ Magham ku tu̱k nu̱ ku̱nshe zu̱r zhire, ndu̱ zalale ɓu̱ Magham su̱yen nu̱ boote ndu̱ dambu, ma ɗye dakhlar ɓaarem nyem khubki nu̱ mbu̱ khaarem zu̱ma ndu̱ gu̱ɗau.

Yibraniyeku 12:2

Ghar mi yiterem nu̱ she Yesu nu̱ke chin ke dlu̱dlarsi maito ɓaarem, chin ka saki tu̱ maito ɓaarem kha nyeedlan. Chin nu̱ke ku̱me ɓong memu̱nar nu̱ saki nu̱ gume nda, tu̱ gu̱n memu̱naran ndu̱ kaatli nu̱ katlki nda gha ɗyine qu̱far kaatlang nu̱ da nang ma ɗye kawa ɓa. Yang leendang a nje kharan ɗyin bu̱n zu̱ma ɓu̱ zhakhɗye kwaaɗar ɓu̱ Magham.