Yokhana 17:8 - Mewar Alqawarang

⁸ Ku̱me ɓalar no zu̱ki ya nga zu̱ ye wora, yang wa dlu̱ ku. Wa zu̱n ku za nga vi sho ro, wa maita ku za ta ru̱kki nga.

Yokhana 17:8 Iomraidhean Croise

Matta 13:11

Tu̱ Yesu tlogha ye wor za, “Wa vu̱r ye nu ku̱ zu̱n nu ɗyi tukakandi nu̱ke a mbu̱ kwaaɗar ɓu̱ Magham, yang ɓaanda nu̱ vu̱r na ye wor ɓa.

Yokhana 12:49

Ɗyi nu̱ke nga shogaran ɓara ɗya ɓang ɓa, Zhinkir ɓang nu̱ ɗa ru̱kki nga zu̱ki ɗyi nu̱ke ngga zu̱ki ndu̱ ɓalar nu̱ke ngga shiki.

Yokhana 14:10

No maita za nga da ndu̱ Zhinkirang, yang Zhinkirang a mbya de? Ai ɓalar nu̱ke nga shiran ye nwang, nga shiran ndu̱ zalale ɓang ɓa, Zhinkir nu̱ke a mbyang kya tlu̱nar ɓaran.

Yokhana 15:15

Ngam ɓu̱ qaanu ye rafa tu̱k ɓa, ku̱me ye rafa nu̱ zu̱n ɗyi nu̱ke nu̱ rafti ɓaran a shiran ɓa. Yang nga qa nu raptaku, ku̱me nga zu̱ ɗyi nang tu̱kki she Zhinkir ɓang kap ye nu.

Yokhana 16:27

Ku̱me chin Zhinkirang nu̱ varan a ndola nu, ku̱me tun wa ndola nga, tun wa maita tu̱k za nga vi she Magham.

Yokhana 16:30

Leendang chem wa da mban nu̱ ɗyine ta zu̱n aa nu̱m. Ta ka tlogha zhamndi me ku̱ nduk zhami. Nang wa sa chem maita ta vi she Magham.”

Yokhana 17:14

Nga zu̱ ɓalar ɓaa ye wora. Yang larji wa wut zhangndi ye wor nu̱ke ɗya ɓu̱ larji ku ɓa, ba wa nu̱ke nga ɓu̱ larji ɓa.

Yokhana 17:18

Nga ru̱k wor nu̱ mbu̱ larji ba wa no ru̱kki ngang.

Yokhana 17:21

Ai Da, nga khuti nang ma ku̱ kha da ku. Ba wa nu̱ke ta mbya, nga mbe ro, nga khutan ku̱ khan mbeerem ku tu̱k. Kom nduki nu̱ larji ka maita ku za ta ru̱kki nga.

Yokhana 17:23

Nga mbe wora, to kharan mbya tu̱k, ma ku̱ kha da ku shiku̱tku̱t. Kom nduki nu̱ larji ka zu̱n za to ru̱kki nga, yang ta ndola wor wa no ndolaki nga.

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Yokhana 3:17

Ji Magham na ru̱k Yi ɓaran nu̱ mbu̱ larji ma ku̱ kuma larji ɓa, a ru̱k nda ma ku̱ larji ɗana nu̱ ku̱nshe nda.

Yokhana 3:33

Yang kap njif nu̱ dlu̱ki saidu ɓaran wa wuɗ nu̱ ɗyine Magham ɗya nu̱ zhire.

Yokhana 6:68

Tu̱ Siman Biturus tlogha yenda za, “Zhinerem gwaanji, chem ka ɗu̱kya she kiya? To ke nu̱ ɓalar nu̱ka vu̱rki nyifiri nu̱ke ɓu̱ shi woɗa ɓa.

Yokhana 8:42

Tu̱ Yesu ze wor za, “Mbu̱ Magham ke zhinonu tu̱ga tun wa ndola nga, ku̱me nga vi she Magham, yang wonji nga fan. Na nga ɓa ndu̱ zalale ɓang ɓa, Magham a ru̱kki nga.

1 Korintiyeku 11:23

Ɗyi nang zu̱ki ye nu nang, nga dlu̱ she Zhinerem gwaanji, za, Zhinerem gwaanji Yesu, mbu̱ virkir nu̱ nggaki gaandan, wa da ɓurti toliri,

1 Korintiyeku 15:1

Yang leendang, nyeezaku, nga shim ku̱ kor nga Labar mbarkandi nang zu̱ki ye nwang ye nu, chin labar nun dlu̱ki, tun ching nu̱ ɗyinanang.

1 Tasalonikeku 2:13

Chem a kuna Magham aakochi ku̱men, nu̱ke sarchi nun tu̱kki ɓalar ɓu̱ Magham she rem tun dli, nun dlu̱ wa ɗya ɓalar ɓu̱ nduk ɓa. Tun dlu̱ ba wa nu̱ke a si, ɗya ɓalar ɓu̱ Magham nu̱ke a tlu̱nar mbu̱ memu̱na nu, tun nun maitaki.

1 Tasalonikeku 4:1

Ye lauɗar san nyeezaku, chem wa shoga pooni khar viti nu̱ke Magham a shimndan ye nu, ba wa nu̱ke tun a khar ɓaanu. Leendang chem a qari su̱yen ndu̱ khuti ye nu mbe Zhinerem gwaanji Yesu tun shaata nu̱ si maɗyi.

1 Yokhana 4:14

Chem wa nggu̱ɗi, chem saida tu̱k nu̱ ɗyine Zhinkirang wa ru̱k Yi ɓaran tu̱ kha ma Nu̱ Ɗanar larji.

Ɗyin mbu̱ tukari 1:1

Lagarkati nang ɗya ɗyin mbu̱ tukar nu̱ Magham vu̱rki ye Yesu Masiya ku̱ wut ɗyi nu̱ke a ma ɗaatli nu̱ shopti ɓa ye maaviku ɓaran; tu̱ yang Yesu ru̱k nu̱ ru̱kti ɓaran nu̱ she Yokhana ku̱ zu̱ zoɓar nang yenda.