Yokhana 17:6 - Mewar Alqawarang

⁶ “Nga wutor ye nduki no vu̱rki ya mbu̱ larji nang. Aa mbu̱r far ɗya ɓa ku, yang ta vu̱r wor ya, wa khutlo ɓalar ɓa ku.

Yokhana 17:6 Iomraidhean Croise

Yokhana 1:18

Sar da nduk a nje nu̱ naki Magham ɓa, kope Yi ɓaran khakandi ɗyenda ndang, nu̱ke chin ke ba Maghamang. Chin wuɗki Magham yerem ku̱me chin kya su̱yen ndu̱ Zhinkirang.

Yokhana 12:28

Zhinki, vu̱r zhaaji ye dlu̱moro.” Tu̱ su̱qur ɓalar a vi viɗi za, “Ai, nga woɗa vu̱r zhaaji nu̱ si, yang ngga shaata vu̱r zhaaji nu̱ si tu̱k.”

Yokhana 15:19

Mbu̱ tun ɓu̱ larji tu̱ga larji wa shim ɗyi ɓaran, yang ku̱me tun ɓu̱ larji ɓa. Nga daato nu mbu̱ larji, nang ke ɗyi nu̱ saki tu̱ larji ki zhangndo nu.

Yokhana 15:3

Aa leendang tun shakhshakh ku̱me ɓalar nang zu̱ki ye nu.

Yokhana 15:7

Mbu̱ tun wa khan mbya, tu̱ ɓalar ɓang khan mbe nu, tun ka khuɗ ɗyi nu̱ke tun a shimndan kap, ka shi ye nu.

Yokhana 17:12

Sarchi nu̱ke nga su̱yen ndu̱ wora, nga bu ɗyin wor ndu̱ zalale ɓu̱ dlu̱moro, nang ke dlu̱m no vu̱rki ya. Nga bu ɗyin wora, yang nduk a nje nu̱ saghaki ɓa kope nduk da chele ɓaanda nu̱ke ɗya ye su̱bu̱ri. Sagha ma ku̱ bu̱lar ɓalar ɓu̱ Maghamang nyedli.

Yokhana 17:14

Nga zu̱ ɓalar ɓaa ye wora. Yang larji wa wut zhangndi ye wor nu̱ke ɗya ɓu̱ larji ku ɓa, ba wa nu̱ke nga ɓu̱ larji ɓa.

Yokhana 17:16

Ɗya ɓu̱ larji ku ɓa, ba wa nu̱ke nga ɓu̱ larji ɓa.

Yokhana 17:2

Jiwa ta vu̱r zalale ye Woyang ɗyine aaki, ma ku̱ vu̱r nyifi nu̱ke nu̱ka shi woɗa ɓa ye nduki nu̱ke to vu̱rki yenda.

Yokhana 17:24

“Aba, nga shim nduki no vu̱rki ya nang ku̱ kha su̱yen ndu̱ nga ye maa nu̱ke nga si. Nga shim ku̱ na zhaaji ɓaa no vu̱rki ya ku̱me ta ndola nga me ku̱ du̱ng larji.

Yokhana 17:26

Nga wutor ye wora, yang ngga zu̱m guma ndu̱ shiran, ma ku̱ ndolar no shiki yang khan mbe wora, tang khan mbe wor tu̱k.”

Yokhana 17:7

Yang leendang wa zu̱n ku za kap ɗyi no vu̱rki ya a vi sho ro.

Yokhana 18:9

Shi nang ma nyel ɗyi nu̱ Yesu zu̱kyang. Gana far sarchi bararang wa zu̱ za, “Mbu̱ nduki no vu̱rki ya nduk a nje nu̱ saghaki ɓa.”

Yokhana 6:37

Kap nduki nu̱ Zhinkirang vu̱rki ya, kaɗa ɓa sha ku, yang njif nu̱ ɗa ɓa ki sha ngam ɓu̱ komba nda ɓa.

Yokhana 6:39

Yang njif nu̱ ɗa ru̱kki ngang nu̱ shim ku̱ mbu̱ɗ nga da chele nduki nyin vu̱rki ya ɓa, a shim nakha nga wor fu̱ɗar wuri.

Yokhana 8:51

Zhire, nga zu̱ran ye nu, kap njif nu̱ khutloki shogar ɓanga ɓu̱ mu̱t shwat ɓa.”

Yokhana 8:52

Tu̱ Yakhudekwang ze nda za, “Uughu! Leendang chem wa zu̱n nu̱ke ta su̱yen ndu̱ khu̱kheet shwat. Ai, Yibram ndu̱ annabikwang kap wa mu̱ɗ ku, yang no za, ‘Kap njif nu̱ khutloki shogar ɓang ɓu̱ mu̱ɗ shwat ɓa.’

Tlu̱nar ɓu̱ Pudeku 13:48

Nu̱ nduki nu̱ke ɗya Yakhudeku ɓa tu̱kki wanang, tu̱ kasha ku maɗyi, tu̱ vu̱r zhaaji ye ɓalar ɓu̱ Magham tu̱ nduki nu̱ datki wora ma gwa nyifi nu̱ke ɓu̱ shi woɗa ɓa ndang maita ku.

Romeku 11:2

Yang Magham nu̱ zhang nduki ɓaran nu̱ datki gumapaali ɓa. Tun wa zu̱n ɗyi nu̱ bu̱lar Ɓalar ɓu̱ Magham zu̱ki nu̱ ɗyine Iliya, Iliya wa gho ye Magham ɗyine Israila a zu̱ran za,

2 Korintiyeku 4:6

Jiwa Magham nu̱ zu̱ki za, “Ku̱ yarang shi mbu̱ zhum maari,” chin saki yarang ɓaran ku̱ shi mbu̱ memu̱narem, ma ku̱ shi yarang ye nduki ku̱ zu̱n ku za nduk ka na zhaaji ɓu̱ Magham nu̱ ku̱nshe Masiya.

Kolosiyeku 3:16

Wa ku̱s ku̱ yele ɓalar ɓu̱ Masiya khan mbu̱ memu̱na nu. Tun a shogaran ye yen, tun a wu yen mbe aa nyi pooni kaɗari. Tun a taazi Zabure ndu̱ nu̱ khamndi Magham, tun a taazi ku mbe jiimba ye Magham, tun a kuna nda mbu̱ memu̱na nu.

2 Timoti 1:13

Khuɓ shogar zhirekandi no tu̱kki sha nang, tu̱ kha ma njiv shogar mbarkandi yoro, mbe maito ndu̱ ndolar nu̱ke ɗya ɓaarem mbe Masiya Yesu.

Yibraniyeku 2:12

Wa zu̱ ye Magham za, “Ngga wopa Dlu̱mor ye nyeeza, ngga khamdo ro mbu̱ tabar nduki.”

Yibraniyeku 3:6

Yang Masiya ɗya nu̱ zhire mbe khar ɓaran Yi ɓu̱ Magham ɗyine nduki ɓu̱ Magham. Chem ke nduki ɓaran mbu̱ chem wa zu̱m guma ndu̱ shokhku̱rokh memu̱na, chem a sa memu̱narem su̱yen ndu̱ wakhti ɗyine ɗyiku nu̱ke chem a bu ɓar ɓaanda.

1 Biturus 1:1

A vi she Biturus, pude ɓu̱ Yesu Masiya. Ma yir she nduki ɓu̱ Magham nu̱ datki, nu̱ke a khar runggiku mbu̱ larji, lakhtakandi ku mbu̱ ghai Pontus, ndu̱ Galatiya, ndu̱ Kapadokiya, ndu̱ Asiya, ndu̱ Bitiniya.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

Ɗyin mbu̱ tukari 2:13

Nga zu̱n to kharan ye maa nu̱ke Sheɗan a kwaaɗar ɓaran. Yang kap ndu̱ nang ta ching gha ɗyin dlu̱ma nu̱ zhire, sar da no gaɓ nu̱ gana mbe maitar nga ɓa. Aa mbu̱ qaandi virkir ɓu̱ Antipas, nu̱ saidaki nga nu̱ zhire. Chin nu̱ tlaghaki nda ku mbu̱ ghai ɓaanu maa khar ɓu̱ Sheɗan.

Ɗyin mbu̱ tukari 3:10

Nu̱ke ta khutlo ɓalar ɓanga mbe gu̱ndi memu̱nar mbe kanaɗyi no shiki, ngga kangga mbe sarchi bonye nu̱ke a ɓari ɗyine larji ma buu nduki nu̱ke a mban.

Ɗyin mbu̱ tukari 3:8

Nga zu̱n ɗye shirku ɓaaro. Wonji, nga qu̱n me viri nu̱ gume ro nu̱ke nduk a nje nu̱ke ka ɗu̱maki zaran nu̱gha ɓa. Nga zu̱n du̱mbu̱r ɓaa kata. Yang kap ndu̱ nang ta mbu zu̱r ɓanga, no keela zu̱ndi nga ɓa.