Yokhana 17:3 - Mewar Alqawarang

³ Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Yokhana 17:3 Iomraidhean Croise

Markus 9:37

“Aaki dlu̱ki poona qusonggi nang mbu̱ dlu̱ma dlu̱kya nga. Yang kap njif nu̱ dlu̱ki nga, dlu̱kya nga ɓa, dlu̱kya njif nu̱ ɗa ru̱kki nga.”

Luka 9:48

za, “Aaki dlu̱ki woi koɗommandi nang ku̱me nga, dlu̱kyang nga, njif nu̱ dlu̱ki nga, dlu̱kyang njif nu̱ ɗa ru̱kki nga. Kap njif nu̱ dukki ndu̱ katari chele ɓaanu, chin ke gorkir ɓaanu kap.”

Yokhana 10:36

yang nga nu̱ Magham wakaki, tu̱ ɗa ru̱kti nga nu̱ larji. Ka kha ma ɓalar ndu̱m ku̱me nga zu̱ za, ‘Nga Yi ɓu̱ Magham’ mu?

Yokhana 11:42

Aa nu̱ke nga zu̱n ta ka tu̱kti nga, yang nga zu̱ wanangang ku̱me ku̱ nduki nu̱ke a nje chingndan ye maa nang maita za ta ru̱kki nga.”

Yokhana 14:26

Yang Nu̱ shaatarang, chin Jiimbi shakhshakhndi nu̱ke Zhinkirang ka ɓa ru̱kki mbu̱ dlu̱ma, chin ka shogaki aa nu̱m ye nu, tu̱ kor ɗyi nang zu̱ki ye nu kap.”

Yokhana 17:18

Nga ru̱k wor nu̱ mbu̱ larji ba wa no ru̱kki ngang.

Yokhana 17:21

Ai Da, nga khuti nang ma ku̱ kha da ku. Ba wa nu̱ke ta mbya, nga mbe ro, nga khutan ku̱ khan mbeerem ku tu̱k. Kom nduki nu̱ larji ka maita ku za ta ru̱kki nga.

Yokhana 17:23

Nga mbe wora, to kharan mbya tu̱k, ma ku̱ kha da ku shiku̱tku̱t. Kom nduki nu̱ larji ka zu̱n za to ru̱kki nga, yang ta ndola wor wa no ndolaki nga.

Yokhana 17:25

“Zhinkir nu̱ dambi aa nu̱ke nduki nu̱ larji nu̱ zu̱ndor ku ɓa, nga zu̱ndoro, yang nduki nang wa zu̱n za ta ru̱kki nga.

Yokhana 17:8

Ku̱me ɓalar no zu̱ki ya nga zu̱ ye wora, yang wa dlu̱ ku. Wa zu̱n ku za nga vi sho ro, wa maita ku za ta ru̱kki nga.

Yokhana 3:17

Ji Magham na ru̱k Yi ɓaran nu̱ mbu̱ larji ma ku̱ kuma larji ɓa, a ru̱k nda ma ku̱ larji ɗana nu̱ ku̱nshe nda.

Yokhana 3:34

Jiwa chin nu̱ Maghamang ru̱kkyang a zu̱kya ɓalar ɓu̱ Magham, ku̱me Magham wa vu̱r Jiimbi ɓaran yenda koɗokhsi ɓa.

Yokhana 5:44

Yang ɗa, tun ka maita kikimndana nu̱ke tun a komkomi gwa makhtar chele ɓaanu, yang nun zhang vaanu ma gwa nu makhtar nu̱ka viki she Magham ɗyenda ɓa?

Yokhana 6:57

Ba wa ni Zhinkir nu̱ nyifi a ru̱kki nga, yang nga a khar ndu̱ nyifi ku̱me chin, wanang tu̱k, njif nu̱ gaɓki ndu̱ nga ma ɗye zu̱mndi ɓaran ka kha ndu̱ nyifi ku̱me nga.

Yokhana 7:29

Ɓang nga zu̱n nda, ku̱me nga vi she nda, chin a ru̱kki nga.”

Yokhana 8:19

Tu̱ zham nda ku za, “A fu̱n ke zhwa na?” Tu̱ Yesu tlogha ye wor za, “Nun zu̱ndi nga ɓa yang nun zu̱n Zhinkir ɓang ɓa. Mbu̱ tun wa zu̱ndi nga, tu̱ga tun wa zu̱n Zhinkir ɓanga.”

1 Korintiyeku 15:34

A gaɓ man mbu kwaari ɓaanu mbarkandi, tun njig tlu̱nar solari. Ɓeena nduki chele ɓaanu nu̱ zu̱n Magham ku ɓa. Nga zu̱ wanang ma ku̱ tu̱k nu kawa.

1 Korintiyeku 8:4

Ɗyine ɓalar ɗye zu̱mndi nu̱ka vu̱rki ye mu̱lu̱mku nang, chem wa zu̱n nu ɗyine, mbu̱ larji nang kap, mu̱lu̱m ɗya aa nu̱m ɓa, chem wa zu̱n Magham kaada, yang Maghamndi nggur a nje tu̱k ɓa.

2 Korintiyeku 4:6

Jiwa Magham nu̱ zu̱ki za, “Ku̱ yarang shi mbu̱ zhum maari,” chin saki yarang ɓaran ku̱ shi mbu̱ memu̱narem, ma ku̱ shi yarang ye nduki ku̱ zu̱n ku za nduk ka na zhaaji ɓu̱ Magham nu̱ ku̱nshe Masiya.

Filipiyeku 3:10

Nga shim ku̱ zu̱n nga Masiya ndu̱ zalale ji ɓaran ɓar mbe mu̱ti. Nga shim ku̱ za nga me ɓanga mbu̱ bonye nu̱ zaki, tang kha wa chin mbe mu̱ti ɓaran.

Filipiyeku 3:8

Ai, tun a nje nu̱ dukki zu̱ndi Masiya Yesu Zhinerem gwaanji zhaaji ɓa. Nga da aa nu̱m ma asar sha, mbu̱ nga ku̱rti nda ndu̱ zhaaji zu̱ndi Masiya Yesu Zhinerem gwaanji. Nga mbu̱ɗ aa nu̱m kap ku̱me chin. Nga gaɓ ndu̱ wor ma ɗyi bamndi ma ku̱ gwa nga Masiya,

1 Tasalonikeku 1:9

Ku̱me nduki kya zu̱ labar pooni dlu̱r nun shiki yerem, ndu̱ shakhti ɗyinonu nun shiki ndu̱ mu̱lu̱mku, tun gaɓ nu̱ she Magham. Ma ku̱ ghar nu ghai ye Maghamndi zhirekandi nu̱ nyifiri,

2 Tasalonikeku 1:8

Ma vu̱r bonye ye nduki nu̱ zhangki zu̱ndi Magham, kom ndu̱ nduki nu̱ zhangki mbu Labar mbarkandi ɓu̱ Zhinerem gwaanji Yesu gha.

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

2 Bitu̱rus 1:2

Bu ku̱ Magham shaata mu̱nkir ndu̱ qaandi memu̱nar maɗyikandi ye nu mbe zu̱ndi Magham ndu̱ Yesu Zhinerem gwaanji.

2 Bitu̱rus 1:3

Magham mbu̱ zalale ɓaran wa vu̱r ɗyi nu̱ke chem a gangndan kap ma shi mi pooni khar viti ɓu̱ nduki nu̱ sawar Magham nu̱ ku̱nshe zu̱n ndu̱ nda. Chin qaki rem mbe pooni zhaaji ndu̱ dambi ɓaran.

2 Bitu̱rus 1:8

Mbu tun wa gwa pooni ɗyiku nang khang mbu̱ khar viti ɓaanu, tun ɓu̱ kha tu̱ɓtan ɓa yang tun ka vu̱r boota mbe zu̱ndi Zhinerem gwaanji Yesu Masiya nun shiki.

1 Yokhana 1:2

Yang wa wut nyifi nang yerem, chem wa na nda. Chem a saidakya nda chem a zu̱ran ye nu nu̱ ɗyine chin ke nu̱ nyifiri nu̱ke nu̱ka shi woɗa ɓa. A nje su̱yen ndu̱ Zhinkirang mbu̱r fara, yang tu̱ wut varan yerem.

1 Yokhana 1:3

Chem a zu̱kya ɗyi nyem tu̱kki, chem na ye nu, ku̱me chem a shim ku̱ kha mi su̱yen. Yang khar ɓaaremang su̱yen ndu̱ Magham Zhinki, ndu̱ Yi ɓaran Yesu Masiya.

1 Yokhana 2:23

Nduk a nje ka zhangki Woyang, tu̱ gwa Zhinkirang ɓa. Yang kap njif nu̱ dlu̱ki Woyang, wa dlu̱ Zhinkirang tu̱k.

1 Yokhana 4:6

Chem a vi she Magham. Nduki nu̱ zu̱nki Magham wa ka tu̱kterem ku, yang nduki nu̱ke nu̱ zu̱n Magham ɓa, nu̱ka tu̱kterem ku ɓa. Chem ka zu̱n njif nu̱ke a su̱yen ndu̱ Jiimbi zhire ndu̱ njif nu̱ke a su̱yen ndu̱ jiimbi wollo ve nang.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.