Yokhana 17:25 - Mewar Alqawarang

²⁵ “Zhinkir nu̱ dambi aa nu̱ke nduki nu̱ larji nu̱ zu̱ndor ku ɓa, nga zu̱ndoro, yang nduki nang wa zu̱n za ta ru̱kki nga.

Yokhana 17:25 Iomraidhean Croise

Matta 11:27

“Zhinkir ɓang wa vu̱r aa nu̱m ya kap nduk nje nu̱ zu̱nki woyang ɓa kope Zhinkirang, yang tu̱k nduk nje zu̱nki Zhinkirang zum ɓa kope woyang, kom ndu̱ njif nu̱ woyang shimki ku̱ wutnji nda yenda.

Matta 16:16

Kom tu̱ Siman Biturus tlogha za, “To ke Masiya, Yi ɓu̱ Magham nu̱ nyifiri.”

Luka 10:22

“Aba ɓang wa vu̱r zalale ya ɗyine aa nu̱m kap. Nduka nje zu̱nki Woyang ɓa, kope Zhinang ɗyenda, yang tu̱k nduk a nje zu̱nki Zhinang zum ɓa kope Woyang, kom ndu̱ njif nu̱ Woyang shimki wuti nda yenda.”

Yokhana 1:18

Sar da nduk a nje nu̱ naki Magham ɓa, kope Yi ɓaran khakandi ɗyenda ndang, nu̱ke chin ke ba Maghamang. Chin wuɗki Magham yerem ku̱me chin kya su̱yen ndu̱ Zhinkirang.

Yokhana 10:15

ba wa nu̱ Zhinkirang zu̱nki nga, nga tu̱k nga zu̱n Zhinkirang. Nga ka vu̱r nyifi ɓang ku̱me ndu̱ɓangkwang.

Yokhana 15:21

Ka shi ɗyikunang ye nu kap ku̱me dlu̱ma, ku̱me nu̱ zu̱n njif nu̱ ɗa ru̱kki nga ɓa.

Yokhana 16:27

Ku̱me chin Zhinkirang nu̱ varan a ndola nu, ku̱me tun wa ndola nga, tun wa maita tu̱k za nga vi she Magham.

Yokhana 16:3

Ka shi wanang ku ku̱me nu̱ zu̱ndi nga ɓa yang Zhinkirang ɓa.

Yokhana 16:30

Leendang chem wa da mban nu̱ ɗyine ta zu̱n aa nu̱m. Ta ka tlogha zhamndi me ku̱ nduk zhami. Nang wa sa chem maita ta vi she Magham.”

Yokhana 17:11

Nga gaɓti nu̱ sho ro. Ngam ɓu̱ khan larji tu̱k ɓa, yang ɓaanda a nje ku mbu̱ larji dong. Zhinkir Shakhshakhndi bu ɗyin wor ndu̱ zalale ɓu̱ dlu̱moro, nang ke dlu̱m no vu̱rki ya, ma ku̱ kha da ku, ba wa nu̱ke chem a su̱yen ndu̱ to.

Yokhana 17:18

Nga ru̱k wor nu̱ mbu̱ larji ba wa no ru̱kki ngang.

Yokhana 17:21

Ai Da, nga khuti nang ma ku̱ kha da ku. Ba wa nu̱ke ta mbya, nga mbe ro, nga khutan ku̱ khan mbeerem ku tu̱k. Kom nduki nu̱ larji ka maita ku za ta ru̱kki nga.

Yokhana 17:23

Nga mbe wora, to kharan mbya tu̱k, ma ku̱ kha da ku shiku̱tku̱t. Kom nduki nu̱ larji ka zu̱n za to ru̱kki nga, yang ta ndola wor wa no ndolaki nga.

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Yokhana 17:8

Ku̱me ɓalar no zu̱ki ya nga zu̱ ye wora, yang wa dlu̱ ku. Wa zu̱n ku za nga vi sho ro, wa maita ku za ta ru̱kki nga.

Yokhana 3:17

Ji Magham na ru̱k Yi ɓaran nu̱ mbu̱ larji ma ku̱ kuma larji ɓa, a ru̱k nda ma ku̱ larji ɗana nu̱ ku̱nshe nda.

Yokhana 6:19

Qu̱rse wa shi yir ku ɗyin ɗyimang wa kilomite qurmun ma yir njong, tu̱ na Yesu ku a khatl yir ɗyine ɗyimang, a ɓar bing ndu̱ du̱mbu̱lang, tu̱ mbu̱ wor nja ɗyim.

Yokhana 7:29

Ɓang nga zu̱n nda, ku̱me nga vi she nda, chin a ru̱kki nga.”

Yokhana 8:19

Tu̱ zham nda ku za, “A fu̱n ke zhwa na?” Tu̱ Yesu tlogha ye wor za, “Nun zu̱ndi nga ɓa yang nun zu̱n Zhinkir ɓang ɓa. Mbu̱ tun wa zu̱ndi nga, tu̱ga tun wa zu̱n Zhinkir ɓanga.”

Yokhana 8:55

Nun zu̱n nda ɓa, yang nga zu̱ndi nda. Mbu̱ tu̱ga nga ze nu za nang zu̱n nda ɓa tu̱ga nga kha ma nu̱ kotama wa tunu. Yang nga zu̱n nda, nga khutlo ɗyi nu̱ke a zu̱ran.

Tlu̱nar ɓu̱ Pudeku 17:23

Sarchi nang baaraki mbu̱ ghai nga nggu̱t ɗyiku nun ka gharki ghai ye wora tang na du̱ku̱l dlar sadke nu̱ bu̱lar ɗyine nda viɗ za, ‘YE MAGHAMNDI NU̱KE NYEM ZU̱N ƁA.’ Nga ɓakya ma wut chin Maghamndi nun ka gharki ghai yenda yang nun zu̱n nda ɓa nda ni.

Tlu̱nar ɓu̱ Pudeku 26:18

To ka qu̱n yiti wor tu̱ vi ɓar mbu̱ zhum maari ta gaɓku nu̱ mbe yarangi, ka njig kwaaɗar ɓu̱ Sheɗan tu̱ ɗa ɓa ku she Magham. Shir wanang ka sa tu̱ yaapa solar ku ɓaanda ye wora, tu̱ gwa me shakhti ɗye mbu̱ ge su̱yen ndu̱ nduki nu̱ wakaki vaanda ku̱me wa maita ku.’

Romeku 1:28

Nu̱ke wa zhang zu̱n Magham ku gha, tu̱ Magham njig wora tu̱ ku̱s kor ɗyi bamndiku tu̱ ka shi ɗyi nu̱ke nu̱ shipa ku ɓa.

Romeku 3:11

Nduk a nje nu̱ daki mban ɓa, nu̱ laɓti Magham a nje ɓa.

Romeku 3:26

Shi wanang ma wut nji mbu̱ qaandiku nang za ɗyi nyin shiki zhwang torop, kom ku̱ gaɓ ndu̱ njif nu̱ maitaki Yesu tu̱ kha waare zop gume nda.

1 Korintiyeku 1:21

Jiwa Magham mbe kaɗari ɓaran wa sa tu̱ nduki nu̱ larji ku̱na zu̱ndi nda nu̱ ku̱nshe kaɗari ɓaanda. Me ɓu̱ nang, tu̱ dat ku̱ ɗana nji nduki nu̱ maitaki nda nu̱ ku̱nshe Labar mbarkandi nyem wopaki nu̱ke a naran ku wa ɗya me nggu̱bu̱ngang.

1 Korintiyeku 15:34

A gaɓ man mbu kwaari ɓaanu mbarkandi, tun njig tlu̱nar solari. Ɓeena nduki chele ɓaanu nu̱ zu̱n Magham ku ɓa. Nga zu̱ wanang ma ku̱ tu̱k nu kawa.

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

2 Tasalonikeku 1:8

Ma vu̱r bonye ye nduki nu̱ zhangki zu̱ndi Magham, kom ndu̱ nduki nu̱ zhangki mbu Labar mbarkandi ɓu̱ Zhinerem gwaanji Yesu gha.

Yibraniyeku 8:11

Gana nduk ɓu̱ shoga ye nu̱ bing ɓaran tu̱k ɓa, yang nduk ɓu̱ shoga ye khachin tu̱k za, ‘Zu̱n Zhinkir gwaanji ɓa.’ Ku̱me ka zu̱ndi nga ku kap ɓaanda, ji ɗyin nduki nu̱ dukki koɗomme chele ɓaanda ma yir ɗyin nduki nu̱ dukki gwaari.

1 Yokhana 1:9

Yang mbu̱ chem wa zu̱ solarku ɓaarem ye Magham, ai, ɗya nu̱ nyedli alqawar, nu̱ shir zhire, ka yaapa solar ɓaarem yerem, tu̱ shibterem nu̱gha mbe song dambi ɓaarem kap.

Ɗyin mbu̱ tukari 13:8

Nduki nu̱ke kharan mbu̱ larji kap ka ghar ghai ye dlu gaari nang, nang ke kap nduki nu̱ke nu̱ bu̱la dlu̱m wor nu̱ mbu̱ Lagarkati Nyifiri ɓu̱ Ye gamndi nu̱ dlaki nu̱ ghang ma ji sarchi du̱ngndi larjyang ɓa.

Ɗyin mbu̱ tukari 16:5

Tang tu̱k nu̱ ru̱kti ɓu̱ Magham nu̱ke a zalale ndu̱ ɗyimku wa zu̱ za, “Kumar no shikyang torop to nu̱ke a nje leendang, yang to kya nje zhu, to shakhshakhndi, ku̱me ta kuma wanang.