Yokhana 17:24 - Mewar Alqawarang

²⁴ “Aba, nga shim nduki no vu̱rki ya nang ku̱ kha su̱yen ndu̱ nga ye maa nu̱ke nga si. Nga shim ku̱ na zhaaji ɓaa no vu̱rki ya ku̱me ta ndola nga me ku̱ du̱ng larji.

Yokhana 17:24 Iomraidhean Croise

Matta 25:21

“Tu̱ nu̱ rafti ɓaranang makhta za, ‘Kwaanggu̱rang, maavi mbarkandi nu̱ zhire! Ta shi zhire ɗyine ɗyi koɗommandi, ngga vu̱r ɗyi nu̱ dukki na yoro. A ɓo to shi kashar su̱yen ndu̱ nga.’

Matta 25:23

“Tu̱ nu̱ raftang ze nda za, ‘Kwaanggu̱rang, maavi mbarkandi, nu̱ zhire! Ta shi zhire ɗyine ɗyi koɗommandi. Ngga vu̱r ɗyi nu̱ dukki na yoro. A ɓo to shi kashar su̱yen ndu̱ nga.’

Matta 25:34

“Kom kujirang ka ze wor nu̱ ve bu̱n zu̱mang za, ‘A ɓa ma, tun nu̱ zhinkir ɓang shiki barke ye nu! Dlu̱ ma kwaaɗar nu̱ Magham daasaki ye nu ma ji ɗyin sarchi nu̱ shiki larji.

Matta 26:29

Nga zu̱ran ye nu, ngam ɓu̱ za ɗyim anap nang tu̱k ɓa, kope fu̱ɗar nu̱ke ngga zaki mewakandi nggur ndu̱ tunu mbu̱ kwaaɗar ɓu̱ Zhinkir ɓanga.”

Luka 12:37

Maaviku nangang ka ɓa shi kashar ku mbu̱ke zhin nda nu̱ raftang a khu̱l tu̱ gwa wor daasaran a ku̱rsa gaɓti ɓarani. Nga zu̱kya zhire ye nu, ka nggosa lukti nu̱ gha, tu̱ ze wor za ku̱ kha gha, tu̱ vu̱r ɗye zu̱mndi ye wora.

Luka 23:43

Tu̱ Yesu tlogha yenda za, “Zhire, nga zu̱ran yoro, ba meeni nang, to ka khan su̱yen ndu̱ nga zhena.”

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 12:26

Kap njif nu̱ke a ghar ghai ya, wa ku̱s ku̱ mburi nga. Ye maa nu̱ke nga si kap maavi ɓang ka kha su̱yen ndu̱ nga. Zhinkir ɓang ka vu̱r zhaaji ye nduki nu̱ke a ghar ghai ya kap.”

Yokhana 14:3

Mbu̱ nga ɗi tang a daasa maa ye nu, ngga ɗa gaɓ tang ɗu̱ ndu̱ tun ye maa nu̱ke nga si, ku̱me kha nu gha sha.

Yokhana 15:9

“Ba wa nu̱ Zhinkirang ndolaki nga, nga ndola nu wanang tu̱k. Kha man mbu̱ ndolar nang wutki ye nu.

Yokhana 17:2

Jiwa ta vu̱r zalale ye Woyang ɗyine aaki, ma ku̱ vu̱r nyifi nu̱ke nu̱ka shi woɗa ɓa ye nduki nu̱ke to vu̱rki yenda.

Yokhana 17:22

Nga vu̱r zhaaji no vu̱rki yang ye wora ku̱ kha da ku ba wa nu̱ke chem da.

Yokhana 17:5

Yang leendang Aba, vu̱r zhaaji ya ndu̱ pooni zhaaji nu̱ke nga nje si gume ro me ku̱ du̱ng larji.”

Yokhana 6:37

Kap nduki nu̱ Zhinkirang vu̱rki ya, kaɗa ɓa sha ku, yang njif nu̱ ɗa ɓa ki sha ngam ɓu̱ komba nda ɓa.

Yokhana 6:39

Yang njif nu̱ ɗa ru̱kki ngang nu̱ shim ku̱ mbu̱ɗ nga da chele nduki nyin vu̱rki ya ɓa, a shim nakha nga wor fu̱ɗar wuri.

Yokhana 8:58

Tu̱ Yesu ze wor za, “Zhire nga zu̱ran ye nu, me ku̱ kha Yibram nga nje.”

1 Korintiyeku 13:12

Aa nu̱ke leendang chem a na shipar ɗyikwang wa mbu̱ ɗye nar nu̱ke vu̱lu̱ng vu̱lu̱ng, yang ye fu̱ɗaran chem ka na yiti ndu̱ yiti. Leendang zu̱ndi ɓanga shel ɓa, yang ye fu̱ɗar nang ngga zu̱n maɗyi ba wa nu̱ Magham zu̱nki nga.

2 Korintiyeku 3:18

Chem nu̱ke mbu̱ yiterem lu̱paran ɓa, chem a wutkya yarang ɓu̱ zhaaji ɓu̱ Zhinkir gwaanji wa ɗye nari, a mbu̱mderem ma ku̱ shipa mi nda. Mbu̱mndi nu̱ke a shiran yerem nang ba a shaatar mbu̱ zhaaji na viki she Zhinkir gwaanji, nu̱ke ɗya Jiimba.

2 Korintiyeku 4:6

Jiwa Magham nu̱ zu̱ki za, “Ku̱ yarang shi mbu̱ zhum maari,” chin saki yarang ɓaran ku̱ shi mbu̱ memu̱narem, ma ku̱ shi yarang ye nduki ku̱ zu̱n ku za nduk ka na zhaaji ɓu̱ Magham nu̱ ku̱nshe Masiya.

2 Korintiyeku 5:8

Chem wa maita shwat yang nga zu̱ran ye nu, chem wa shim ku̱ shakh mi ndu̱ man vaarem nang ma ku̱ kha mi gha su̱yen ndu̱ Zhinerem gwaanji mbu̱ viɗi.

Filipiyeku 1:23

Kap ɓaanda mbar ya. Yang ye shimndi ɓanga, ngga gaɓ nu̱ she Masiya tang kha gha su̱yen ndu̱ chini. Wanang dukki nu̱ mbaari.

1 Tasalonikeku 4:17

Kom chem nu̱ke chem a nje ndu̱ nyifiri ye sarchi ni, ka da rem su̱yen ndu̱ wor mbu̱ ku̱zapti, ma ku̱ gama mi ndu̱ Zhinerem gwaanji mu̱na viɗi mbu̱ khu̱kheeti. Chem ka kha gha su̱yen ndu̱ Zhinerem gwaanji koɗokhsi ɓa.

1 Biturus 1:21

Tun wa maita Magham nu̱ ku̱nshe nda chin nu̱ jiiki ndu̱ chin ɓar mbe mu̱ti tu̱ vu̱r zhaaji yenda. Ku̱me nang maito ɓaanu ndu̱ sar memu̱nar ɓaanu a mbe Magham.

1 Yokhana 3:2

Raptaku nu̱ke nga ndolaran, leendang chem qusonggi ɓu̱ Magham. Nu̱ wut ɗyi nu̱ke chem ka khaki gana fan dong ɓa. Yang chem wa zu̱n nu̱ ɗyine mbu̱ Masiya a gaɓi chem ka kha wa chin, ku̱me chem ka na nda wa nu̱ke a si.

Ɗyin mbu̱ tukari 21:22

Nang na rafti ɓu̱ Magham mbu̱ ghayang ɓa, ku̱me Zhinkir gwaanji Magham nu̱ zalale aa nu̱m kap ndu̱ Ye Gamndang ke raftang.

Ɗyin mbu̱ tukari 3:21

Kap njif nu̱ raki wute, ngga sa nda tu̱ kha gha su̱yen ndu̱ nga wudle zhakhɗye kwaaɗar ɓanga, ba wa nang raki wute tang kha gha su̱yen ndu̱ Zhinkir ɓang wudle zhakhɗye kwaaɗar ɓaran.