Yokhana 17:2 - Mewar Alqawarang

² Jiwa ta vu̱r zalale ye Woyang ɗyine aaki, ma ku̱ vu̱r nyifi nu̱ke nu̱ka shi woɗa ɓa ye nduki nu̱ke to vu̱rki yenda.

Yokhana 17:2 Iomraidhean Croise

Matta 11:27

“Zhinkir ɓang wa vu̱r aa nu̱m ya kap nduk nje nu̱ zu̱nki woyang ɓa kope Zhinkirang, yang tu̱k nduk nje zu̱nki Zhinkirang zum ɓa kope woyang, kom ndu̱ njif nu̱ woyang shimki ku̱ wutnji nda yenda.

Matta 25:46

“Nduki nang ka vi nu̱ mbu̱ bonye nu̱ke ɓu̱ shi woɗa ɓa, yang nu̱ dambi ku ka vi nu̱ mbu̱ nyifi nu̱ke ɓu̱ shi woɗa ɓa.”

Matta 28:18

Tu̱ Yesu a song bing tu̱ zu̱ za, “Wa vu̱r zalale maa viɗi ndu̱ maa vu̱ghai ya kap.

Yokhana 17:24

“Aba, nga shim nduki no vu̱rki ya nang ku̱ kha su̱yen ndu̱ nga ye maa nu̱ke nga si. Nga shim ku̱ na zhaaji ɓaa no vu̱rki ya ku̱me ta ndola nga me ku̱ du̱ng larji.

Yokhana 17:6

“Nga wutor ye nduki no vu̱rki ya mbu̱ larji nang. Aa mbu̱r far ɗya ɓa ku, yang ta vu̱r wor ya, wa khutlo ɓalar ɓa ku.

Yokhana 17:9

Nga khutang ku̱me wora. Nang khuɗ ku̱me nduki nu̱ larji ɓa, nga khuɗ ku̱me nduki no vu̱rki ya nu̱ke ɗya ɓaa ku.

Yokhana 3:35

Zhinkirang a ndola Woyang, wa vu̱r aa nu̱m nu̱ mbu̱ kharan.

Yokhana 4:14

yang aaki zaki ɗyim nu̱ke ngga vu̱rki yendang ɓu̱ tu̱k khuzhum gana tu̱k ɓa. Ɗyim nang vu̱rki yendang ka kha ma ɗyim nu̱ke a ɓaghar ma yir mbu̱ nyifi nu̱ke nu̱ka shi woɗa ɓa.”

Yokhana 6:27

Ki nu bonye ku̱me kaalar ɗye zu̱mndi nu̱ke ka su̱bu̱rki ɓa, laɓ ma ɗye zu̱mndi nu̱ke ɓu̱ shi su̱bu̱r ɓa, yang ka vu̱r nyifi ye nu nu̱ke ɓu̱ shi woɗa ɓa. Nang ke pooni ɗye zu̱mndi nu̱ke Yi ɓu̱ Nduk ka vu̱rki ye nu. Ku̱me Magham wa ghwaɗ saidu maito nu̱ ve Masiya Yesu.”

Yokhana 6:37

Kap nduki nu̱ Zhinkirang vu̱rki ya, kaɗa ɓa sha ku, yang njif nu̱ ɗa ɓa ki sha ngam ɓu̱ komba nda ɓa.

Yokhana 6:39

Yang njif nu̱ ɗa ru̱kki ngang nu̱ shim ku̱ mbu̱ɗ nga da chele nduki nyin vu̱rki ya ɓa, a shim nakha nga wor fu̱ɗar wuri.

Romeku 6:23

Jiwa ɗye ɓi ɓu̱ sola chin ke mu̱ɗi, yang vu̱rti ɓu̱ Magham chin ke nyifi nu̱ke ɓu̱ shi woɗa ɓa, nu̱ ku̱nshe Masiya Yesu Zhinerem gwaanji.

1 Korintiyeku 15:25

Ku̱me wa ku̱s ku̱ Masiya shi kwaaɗari, kope Magham wa khatl nu̱ zhangndi ɓaranku kap nu̱ mbu̱ saaran.

Afiseku 1:20

nu̱ shiki tlu̱nar mbe Masiya sarchi nu̱ Magham jiiki ndu̱ chin ɓar mbe mu̱ti, tu̱ vu̱r maa khar yenda nu̱ zhaaji ɗyin bu̱nan nu̱ zu̱ma viɗi.

Filipiyeku 2:10

Ku̱me mbu̱ dlu̱m Yesu, aa nyi me purmi ku̱ kurum gha, ɗyiku nu̱ke a viɗi, ndu̱ vu̱ghai, ndu̱ ɗyi nu̱ke a gargha ndu̱ maa vu̱ghai.

1 Timoti 1:16

Yang tu̱ Magham tu̱k zhiyaye ɓanga, aa nu̱ke nga kuji sola, ma ku̱ nduki na kaɗanyi ɓu̱ Masiya Yesu nu̱ vya, tang kha ma ɗye saidu ye nduki nu̱ke a ma maita nda gana fan ma gwa nyifi nu̱ke ɓu̱ shi woɗa ɓa.

Yibraniyeku 1:2

Yang ye lauɗarsi qaandi virkirku nang shi ɓalarang nu̱ ku̱nshe Yi ɓaran. Magham du̱ng aa nu̱m ndu̱ aa nu̱m nu̱ ku̱nshe Yi ɓaranang. Datkya chin tu̱k ma ku̱ aa nu̱m kha ma ɓaran.

1 Biturus 3:22

Masiya wa ɗu̱ viɗi. A nje ɗyin bu̱n zu̱ma ɓu̱ Magham, ye maa nu̱ saki nu̱ ru̱ktiku ɓu̱ Magham, ndu̱ nu̱ kwaaɗarku, ndu̱ nu̱ zalaleku nu̱ mbu̱ bu̱nan.

1 Yokhana 1:2

Yang wa wut nyifi nang yerem, chem wa na nda. Chem a saidakya nda chem a zu̱ran ye nu nu̱ ɗyine chin ke nu̱ nyifiri nu̱ke nu̱ka shi woɗa ɓa. A nje su̱yen ndu̱ Zhinkirang mbu̱r fara, yang tu̱ wut varan yerem.

1 Yokhana 2:25

Nang ke alqawar nu̱ Woyang shiki yerem, chin ke nyifi nu̱ke nu̱ka shi woɗa ɓa.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

Yakhuda 1:21

Ku̱ kha man mbe ndolar ɓu̱ Magham, tun a bu ɓar ɓu̱ Zhinerem gwaanji Yesu Masiya nu̱ke mbu̱ ɗaanar ɓaran ka ɗu̱ ndu̱ tun mbu̱ nyifi nu̱ke nu̱ka shi woɗa ɓa.