Yokhana 17:11 - Mewar Alqawarang

¹¹ Nga gaɓti nu̱ sho ro. Ngam ɓu̱ khan larji tu̱k ɓa, yang ɓaanda a nje ku mbu̱ larji dong. Zhinkir Shakhshakhndi bu ɗyin wor ndu̱ zalale ɓu̱ dlu̱moro, nang ke dlu̱m no vu̱rki ya, ma ku̱ kha da ku, ba wa nu̱ke chem a su̱yen ndu̱ to.

Yokhana 17:11 Iomraidhean Croise

Matta 10:16

“Wonji nga ru̱ktonu wa ndu̱ɓangku chele yiɗi gaariku, ku̱me wanang, tun kha ndu̱ kaɗari wa su̱tiku, yang tu̱k tun kha nu̱ song su̱bu̱r wa mbola.

Matta 5:48

Ku̱me wanang, tun kha nyeedlan wa nu̱ke Zhinonu nu̱ke a mbu̱ viɗi nyeedlan.

Matta 6:9

“Ku̱ barar ɓaanu kha wanang: ‘Zhinerem nu̱ke a mbu̱ viɗi ku̱ nduk sawa dlu̱moro,

Yokhana 13:1

A nje a nje me ku̱ Tabar Peetar ɗyin shi, Yesu wa woɗa zu̱ndan za sarchi ɓaran wa shi nu̱ke chin a ma njig larji nang chin gaɓ nu̱ she Zhinkirang. Yesu wa ndola nduki ɓaran nu̱ke a larji, wa wut ndolar ɓaran ye wor ma yi lauɗar su̱ khar ɓaanda.

Yokhana 13:3

Yang Yesu wa zu̱n Magham wa sa aa nu̱m nu̱ mbu̱ kharan. Wa zu̱n chin a vi she Magham, yang chin a gaɓti nu̱ she Magham.

Yokhana 14:20

Ye fu̱ɗar nandang tun ka zu̱nki za nga mbe Zhinkir ɓanga, tun yang tun a mbya, ngaa mbe nu.

Yokhana 16:28

Nga vi she Zhinkirang, tang a vi nu̱ mbu̱ larji, yang leendang nga ma njig larji tang gaɓ nu̱ she Zhinkirang.”

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Yokhana 17:23

Nga mbe wora, to kharan mbya tu̱k, ma ku̱ kha da ku shiku̱tku̱t. Kom nduki nu̱ larji ka zu̱n za to ru̱kki nga, yang ta ndola wor wa no ndolaki nga.

Yokhana 17:25

“Zhinkir nu̱ dambi aa nu̱ke nduki nu̱ larji nu̱ zu̱ndor ku ɓa, nga zu̱ndoro, yang nduki nang wa zu̱n za ta ru̱kki nga.

Yokhana 17:6

“Nga wutor ye nduki no vu̱rki ya mbu̱ larji nang. Aa mbu̱r far ɗya ɓa ku, yang ta vu̱r wor ya, wa khutlo ɓalar ɓa ku.

Yokhana 7:33

Tu̱ Yesu tlogha za, “Sarchi khar ɓang ndu̱ tun wa njig ba koɗomma. Kom ngga gaɓ nu̱ she njif nu̱ ɗa ru̱kki nga.

Tlu̱nar ɓu̱ Pudeku 3:21

Wa ku̱s ku̱ Yesu khan mbu̱ viɗi, ma yir sarchi nu̱ke ka gaɓki ndu̱ aa nu̱m tu̱ kha mewa, ba wa nu̱ Magham zu̱ki zhu tang nu̱ ku̱nshe annabiku ɓaran shakhshakhndi.

Romeku 12:5

Wanang tu̱k, aa nu̱ke chem khan, chem a khar man var da mbe Masiya, aa nyi nduk da ɗya me bar ɓu̱ yen.

Romeku 9:17

Jiwa Bu̱lar ɓalar ɓu̱ Magham zu̱ ye Firauna za, “Nga sa to zu̱m kujirang ma wut nga zalale ɓang nu̱ ɗyinoro, ma ku̱ wopa dlu̱ma mbu̱ larji kap.”

1 Korintiyeku 1:10

Nga khutonu, nyeezaku, ku̱me Zhinerem gwaanji Yesu Masiya, tu̱ ɓalar ɓaanu kha da. Ku̱ ɗyinonu kha shakhtan ɓa, tun gonta ɗyinonu ye maa da, tu̱ ɗyi nun ku̱rki ndu̱ kwaari ɓaanu kha da.

Galatiyeku 3:28

Ku̱me nang, nduk ɓu̱ shakh chele ɓu̱ Yakhudeku ndu̱ Khelene ku ɓa, woi ndu̱ maava ɓa, yang nusu ndu̱ khusku tu̱k zum ɓa. Kap ɓaarem chem ɗyi dandi mbu̱ khar ɓaarem mbe Masiya Yesu.

Afiseku 4:4

Jiwa man vara nje da, ndu̱ Jiimbi da. Wa nu̱ke Magham qaki nu nu̱ ku̱nshe sar memu̱nar da.

Filipiyeku 2:9

Ku̱me nang Magham wa vu̱r zhaaji yenda tu̱ duk aa nu̱m. Tu̱ vu̱r dlu̱m yenda nu̱ dukki aa nyi dlu̱m,

Yibraniyeku 1:3

Chin ke yarang ɓu̱ zhaaji ɓu̱ Magham ndu̱ shipar ɓu̱ Magham shiku̱tku̱t. A khar da ndu̱ Magham. Chin khubki aa nu̱m nu̱ ku̱nshe ɓalar ɓaran nu̱ke zalale a si. Qu̱rse nu̱ shiɓki solarku nu̱ gha, tu̱ khan mbu̱ viɗi ɗyin bu̱n zu̱ma ɓu̱ Nu̱ Zhaaji kap.

Yibraniyeku 9:24

Jiwa Masiya nu̱ vikya nu̱ mbu̱ Kib shakhshakhndi nu̱ nduk du̱nki ɓa, ɗya ba zhire shipar ɓu̱ nu̱ viɗang. Masiya vikya nu̱ mbu̱ viɗi, ma ku̱ ɗu̱ nji gume Magham ku̱me chem.

Yaqub 4:4

Tun nu̱ song shir zhire! Alapa nun zu̱n nu̱ ɗyine bar raptikir ndu̱ larji ɗya kare ndu̱ Magham ɓa goma? Ku̱me aaki ndolaki larji, a gaɓkya ndu̱ ɗyinan ma nu̱ kare ndu̱ Magham.

1 Biturus 1:5

Tun nu̱ke nu̱ ku̱nshe maito ɓaanu zalale ɓu̱ Magham a khutloro nu. A shim ku̱ khu̱l nu ma gwa nu ɗanar nu̱ daasaki, ma ku̱ wuti nda ye dalangi ye lauɗar su̱ qaandi virkirku.

1 Yokhana 3:12

Ku̱ kha nu wa Kayinu nu̱ gaɓki ma ɓu̱ Sheɗan tu̱ tlagha khachinang nu̱gha ɓa. Nu̱m saki tu̱ tlagha mu̱dlenang nu̱gha? Tlagha nda ku̱me tlu̱nar ɓaran maatlin, yang ɓu̱ khachinang mbari.

1 Yokhana 5:19

Chem wa zu̱n nu̱ ɗyine chem qusonggi ɓu̱ Magham, yang larji kap a mbu̱ khar Sheɗan.

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.

Yakhuda 1:24

Makhtar wa kha chin nu̱ zalale kanggar nu ku̱ nggu̱ɗ nu shwat ɓa, tu̱ wuto nu waare beeko gume zhaaji ɓaran ndu̱ kashar maɗyikandi.

Ɗyin mbu̱ tukari 15:4

Ki ke ɓu̱ tu̱k sawar ɓaa ɓa, to Zhinkir gwaanji? Ki ke ɓu̱ vu̱r zhaaji ye dlu̱mor ɓa? To ɗyenda ke shakhshakh. Nduki kap ka ɗa ɓa, tu̱ ghar ghai yoro jiwa tlu̱nar jeembi ɓaaro a ɗal dam.”

Ɗyin mbu̱ tukari 19:12

Yitankwang wa ghiindi ɓai, ɗye zharku khang a nje mu̱na ɗyinan. Yang dlu̱m a nje bu̱laran, yang nduk a nje nu̱ zu̱nki dlu̱m nang ɓa kope chin ɗyenda.

Ɗyin mbu̱ tukari 4:8

Khobki njong kya ve aa nyi da chele ɓu̱ nu̱ nyifiku vatndi nang, vaanda kap yitiku mbu ndu̱ dam kap ndu̱ mbu̱ khobki wora. A taazi ku virkir ndu̱ fu̱ɗar laada su̱ ɓa a ɗyinan ku za, “To shakhshakh, To shakhshakh, To shakhshakh, Zhinkir gwaanji Magham nu̱ zalale aa nu̱m kap! Chin kya nje zhu, chin kya nje leendang, chin kya nje a ɓari.”