Yokhana 17:1 - Mewar Alqawarang

¹ Gaanje Yesu wa zu̱ ɓalarku nang, tu̱ da yitan tu̱ nggu̱t maa viɗi, tu̱ shi barar za, “Aba, sarchi wa shi. Vu̱r zhaaji ye Yi ɓaaro ku̱me chin ma ku̱ vu̱r zhaaji yor tu̱k.

Yokhana 17:1 Iomraidhean Croise

Markus 14:41

Na gaɓki nu̱ kunungan, tu̱ ze wor za, khar leendang tun a ɗyeniri ndu̱ maasi? Maaran wa woɗa! Sarchi wa shi nu̱ke a ma vu̱r Yi ɓu̱ nduk nu̱ mbu̱ khar nu̱ solar ku.

Luka 18:13

“Tu̱ yang nu̱ dlu̱r zhaanggalang ching gha gana ɓakh, nu̱ ɗu̱ma daa yitan nu̱ viɗi ɓa, tu̱ ki ɓu̱tl memu̱naran ku̱me nar katar ɓaran a zu̱ran za, ‘Magham, no zhiyaye ɓanga ku̱me nga nu̱ sola.’

Luka 22:53

Yang nga su̱yen ndu̱ tun aakochi mbu̱ rafti ɓu̱ Magham nun ku̱si nga ɓa. Yang ba, nang ke sarchi ɓaanu, sarchi zalale ɓu̱ nu̱ kwaaɗarku nu̱ke a mbu̱ zhumi.”

Yokhana 11:4

Nu̱ Yesu tu̱kki wanang tu̱ zu̱ za, khaati nang ɓu̱ tlagha nda ɓa, yang Magham ndu̱ Yi ɓaran ka gwa zhaaji mban.

Yokhana 11:41

Tu̱ tu̱pa ndogdang ɓar ku. Tu̱ Yesu da yitan nu̱ viɗi tu̱ zu̱ za, “Aba, nga kuna no tu̱kki nga.

Yokhana 12:23

Tu̱ Yesu tlogha ye wor za, “Sarchi wa shi nu̱ke a ma vu̱r zhaaji ye Yi ɓu̱ nduku.

Yokhana 13:1

A nje a nje me ku̱ Tabar Peetar ɗyin shi, Yesu wa woɗa zu̱ndan za sarchi ɓaran wa shi nu̱ke chin a ma njig larji nang chin gaɓ nu̱ she Zhinkirang. Yesu wa ndola nduki ɓaran nu̱ke a larji, wa wut ndolar ɓaran ye wor ma yi lauɗar su̱ khar ɓaanda.

Yokhana 16:32

Sarchi a ɓari, I, wa kar a khu̱dli, nu̱ke aa nyi da chele ɓaanu ka ɗaki nu̱ kaa ɓaran tu̱ njigti nga, nga ɗyenda. Yang kap ndu̱ nang nga ɗyenda ɓa, ku̱me Zhinkirang a nje su̱yen ndu̱ nga.

Yokhana 7:30

Nu̱ Yesu zu̱ki ɓalar nang, tu̱ nduki shim ku̱si nda. Yang nduk nu̱ su̱ɓa nda ɓa, ku̱me sarchi ɓaran nu̱ shi dong ɓa.

Yokhana 7:39

Yang Yesu a shimkya ɓalar ɓu̱ Jiimbi shakhshakhndi nu̱ke nu̱ maitar nda ka ɓa dlu̱ki, jiwa ye sarchi nang nu̱ vu̱r Jiimbi Shakhshakh ndang dong ɓa, ma nu̱ke Yesu nu̱ vi nu̱ mbu̱ zhaaji ɓaran dong ɓa.

Yokhana 8:20

Yesu shi ɓalar nang sarchi nu̱ke a shogar mbu̱ Rafti ɓu̱ Magham bing ndu̱ maa du̱ngdi mu̱zhindi vu̱rtang. Yang kap ndu̱ nang nduk a nje nu̱ ku̱ski nda ɓa, ku̱me sarchi ɓaran nu̱ shi dong ɓa.

Tlu̱nar ɓu̱ Pudeku 3:13

Maghamndi ɓu̱ Yibram ndu̱ Yishaku, ndu̱ Nyagham, Maghamndi ɓu̱ zhikanerem, chin vu̱rki zhaaji ye maavi ɓaran Yesu. Nang ke njif nun vu̱rki nda ɓar ku̱ tlagha nda nu̱ gha, tun wut zhangndi yenda gume nggomna Bilatus aa nu̱ke wa shim ku̱ ngga nji nda gha.

1 Biturus 1:21

Tun wa maita Magham nu̱ ku̱nshe nda chin nu̱ jiiki ndu̱ chin ɓar mbe mu̱ti tu̱ vu̱r zhaaji yenda. Ku̱me nang maito ɓaanu ndu̱ sar memu̱nar ɓaanu a mbe Magham.