Yokhana 16:7 - Mewar Alqawarang

⁷ Yang nga zu̱ kya zhire ye nu, yir ɓang wa duk ndu̱ boote ye nu, ku̱me mbu̱ nang ɗu̱ ɓa, Nu̱ shaatarang ɓu̱ ɗa ɓa ɓa. Yang mbu̱ nga ɗi ngga ɗa ru̱kti nda ye nu.

Yokhana 16:7 Iomraidhean Croise

Luka 24:49

Wonji ngga ɗa ru̱k ndu̱ alqawar ɓu̱ Zhinkirang ye nu, yang bu ma mbu̱ ghai Urshalima, kope tun wa gwa zalale na ɓaki viɗi.”

Luka 4:25

Yang ngaa zu̱ran ye nu̱, ku̱du̱w nusuku a nje khang mbu̱ Israila mbu̱ qaandi virkir ɓu̱ annabi Iliya. Sarchi nu̱ke romndi nu̱ viɗi na ɓa ye ghai ɓa me sonyi kunung ndu̱ chere njong, maarang kap tun nje ku̱ nduk zu̱m ɓa.

Luka 9:27

Zhire ngaa zu̱ran ye nu, ɓeeni nduki a nje chingndan fan nu̱ke ɓu̱ mu̱ɗ ku ɓa kope wa na kwaaɗar ɓu̱ Magham.”

Yokhana 14:26

Yang Nu̱ shaatarang, chin Jiimbi shakhshakhndi nu̱ke Zhinkirang ka ɓa ru̱kki mbu̱ dlu̱ma, chin ka shogaki aa nu̱m ye nu, tu̱ kor ɗyi nang zu̱ki ye nu kap.”

Yokhana 14:28

“Tun wa tu̱k nga ze nu za nga ma yir vara, yang ngga ɗa gaɓ nu̱ she nu tu̱k. Mbu̱ tun a ndola nga tu̱ga tun wa shi kashar ku̱me nga yir she Zhinkirang, ku̱me Zhinkirang wa dukti nga.

Yokhana 14:3

Mbu̱ nga ɗi tang a daasa maa ye nu, ngga ɗa gaɓ tang ɗu̱ ndu̱ tun ye maa nu̱ke nga si, ku̱me kha nu gha sha.

Yokhana 15:26

“Ngga sa Nu̱ shaatarang nu̱ ɗa viki she Zhinkirang tu̱ ɗa ɓa she nu. Jiimbi shakhshakhndi nu̱ zhire na viki she Maghamang chin ka saidaki nga.

Yokhana 16:8

Sarchi nu̱ke Nu̱ shaatarang a ɓa ki, ka wut ye ndukin larji za kwaari ɓaanda ɗyine sola ndu̱ jeembu ndu̱ kuma torop ɓa.

Yokhana 7:39

Yang Yesu a shimkya ɓalar ɓu̱ Jiimbi shakhshakhndi nu̱ke nu̱ maitar nda ka ɓa dlu̱ki, jiwa ye sarchi nang nu̱ vu̱r Jiimbi Shakhshakh ndang dong ɓa, ma nu̱ke Yesu nu̱ vi nu̱ mbu̱ zhaaji ɓaran dong ɓa.

Tlu̱nar ɓu̱ Pudeku 10:34

Tu̱ Biturus nggaasi ɓalar za, “Shwat nga da mban nu̱ ɗyine Magham wa da aaki wayen.

Tlu̱nar ɓu̱ Pudeku 2:33

Wa vu̱r zhaaji yenda a bu̱n zu̱ma ɓu̱ Magham, tu̱ ɗa dlu̱ Jiimbi shakhshakhndi nu̱ Zhin shiki alqawaranang ta zu̱n ɗyinerem, nang ke ɗyi nu̱ke tun a naran ndu̱ tu̱ktan.

Romeku 8:28

Chem wa zu̱n nu̱ ɗyine mbu̱ aa nu̱m kap Magham wa ka tlu̱na ɗyi mbarkandi ye nduki nu̱ke a ndola nda, nang ke nduki nu̱ qaki ma ku̱ shi shimndi ɓaran.

2 Korintiyeku 4:17

Jiwa bonye koɗommandi nu̱ke chem a zaran nang ɓu̱ shoɓ ɓa, yang ka vu̱r zhaaji khangndi yerem koɗokh si ɓa.