Yokhana 16:33 - Mewar Alqawarang

³³ “Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Yokhana 16:33 Iomraidhean Croise

Matta 9:2

Tu̱ yang ɗa ɓa ndu̱ njif nggur nu̱ke zurɗaran qaandan ɗyine ku̱rbuki. Nu̱ Yesu naki maito ɓaanda, tu̱ ze njif zurɗakandang za, “Woi ɓanga, damtana ɓa wa yaapa solar ɓa yoro.”

Luka 19:38

Tu̱ ku̱s zu̱ran ku, za, “Barkya ve kuji nu̱ke a ɓar mbu̱ dlu̱m Zhinerem gwaanji, qaandi memu̱nar a mbu̱ viɗi ndu̱ zhaaji ye Magham nu̱ viɗi.”

Luka 2:14

“Zhaaji ye Maghamndi nu̱ viɗi, mbu̱ larji yang ku̱ nduki nu̱ Magham tu̱kki mu̱ndi ɓaanda kha ndu̱ qaandi memu̱na.”

Yokhana 12:31

Nang ke sarchi nu̱ke ka kumaki larji, ka komba nu̱ kwaaɗar larji nang.

Yokhana 14:1

“Damta nu ɓa. Maita ma Magham, tun maita nga tu̱k.

Yokhana 14:27

“Nga njig kharmu̱ndi ɓang ye nu. Nga vu̱rkya kharmu̱ndi ɓang ye nu. Nang vu̱r ye nu wa nu̱ke larji ka vu̱rki ɓa. Damta nu ɓa, yang tu̱k nu sawa zum ɓa.”

Yokhana 16:11

Yang nu̱ shi kwaari mbarkandi ku ɗyine kuma zum ɓa, ku̱me wa woɗa dla kumar nu̱ ɗyine nu̱ kwaaɗar larji nang.”

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

Tlu̱nar ɓu̱ Pudeku 23:11

Nu̱ virkir shiki tu̱ Zhinerem gwaanji ching gha bing ndu̱ Bulus tu̱ ze nda za, “Gu̱n memu̱naro, ku̱me ba wa no saidaki nga mbu̱ ghai Urshalima, to ka saida nga wanang tu̱k mbu̱ ghai Roma.”

Tlu̱nar ɓu̱ Pudeku 27:22

Yang leendang nga zu̱ran yenu tun gu̱n memu̱na nu, ku̱me nduka nje nu̱ke ka mu̱tki chele ɓaanu ɓa, chem ka mbu̱dkya du̱mbu̱lang ɗyenda.

Tlu̱nar ɓu̱ Pudeku 27:25

Ku̱me nang tun gu̱n memu̱na nu, nduki, nga maita Magham nu̱ ɗyine ɗyinang ka shi ba wa nu̱ zu̱ki ya.

Tlu̱nar ɓu̱ Pudeku 9:31

Kom tu̱ nu̱ mbu Yesu ku nu̱ Yakhudiya ndu̱ Galili ndu̱ Samariya gwa qaandi memu̱na. Tu̱ me bu̱n wor shi shokhku̱rokh tu̱ gwa du̱mbu̱r ku ku̱nshe shaatar ɓu̱ Jiimbi shakhshakhndi. Tu̱ shaata ku maɗyi, a khar ɓaanda ndu̱ sawar Zhinkirang.

2 Korintiyeku 1:3

Ku̱ zhaaji kha Magham Zhinki, chin nu̱ke ɗya Zhin Zhinerem gwaanji Yesu Masiya, Zhinkir nu̱ka tu̱kki zhiyaye maɗyi, chin Maghamndi nu̱ka du̱ngki memu̱narem!

2 Korintiyeku 13:11

Ye lauɗar san, nyeezaku, kope fu̱ɗa ngguri. Shi ma tun kha nyeedlan, tu̱k ma khuti ɓanga, kha ma ma tun da tun shi khar mu̱nkandi ndu̱ yen. Nang ka saki tu̱ Maghamndi nu̱ ndola kha gha su̱yen ndu̱ tunu.

2 Korintiyeku 2:14

Nga kuna Magham, chin nu̱ka khaki nu̱ gume rem aakochi chem a ra wute mbe Masiya. A boote ndu̱ chem ma ɗyem chem a wopa Labar mbarkandi ɓu̱ Masiya aa fu̱n wa ɗye zhi mu̱nkandi nu̱ zhiran dlu̱ki aa fu̱n.

2 Korintiyeku 4:7

Kap ndu̱ nang, chem nu̱ke gu̱nar nu̱ jiimbi nang a nje mbe rem, chem a khar ba wa kayang nu̱ du̱nki ndu̱ daɓa. Chem kha wanang ma ku̱ wut mi za Magham ke nu̱ zalale aa nu̱m kap, yang tun khaarem mban ɓa.

2 Korintiyeku 6:4

Me ɓu̱ nang, chem a wutan ye nduki nu̱ ɗyine chem nu̱ tlu̱narku ɓu̱ Magham ve aa nyi njiva. Chem a gu̱n memu̱narem, mbe damtarku ndu̱ bonye ndu̱ palase.

2 Korintiyeku 7:4

Nga maita nu maɗyi, nga zu̱ndo nu, nu̱ memu̱nara kha rap rap ndu̱ tun ɓa. Kap ndu̱ bonye nu̱ke nga zaran nang, nga kashar maɗyi.

Galatiyeku 1:4

Masiya Yesu vu̱rki varan ku̱me solarku ɓaarem, ma ku̱ lawa rem mbu̱ zaman malkandi nang. Yang shi nang mbe shimndi ɓu̱ Magham Zhinerem.

Galatiyeku 6:14

Yang ngam ɓu̱ shi wakhti sar da ɓa. Aa ngga shi, buka shi nga ndu̱ qu̱far kaatli ɓu̱ Zhinerem gwaanji Yesu Masiya. Jiwa mu̱ti ɓaran ɗyin qu̱far kaatlang saki tang mu̱t ye shimndi ɗyin larji tu̱ ɗyin larji kha mu̱tan sha.

Filipiyeku 4:7

Shir wanang ka sa tu̱ qaandi memu̱nar ɓu̱ Magham nu̱ke wa peeta kwaari ɓu̱ nduku, khutlo memu̱na nu ndu̱ kwaari ɓaanu mbe Masiya Yesu.

Kolosiyeku 1:20

Magham somta ɗyi nyin shiki kap ye varan nu̱ ku̱nshe Woyang. Somta ɗyiku nu̱ke a viɗi ndu̱ vu̱ghai ye varan nu̱ ku̱nshe tom nu̱ Yi ɓaran mbu̱ɗki ɗyine qu̱far kaatlang.

1 Tasalonikeku 3:4

Jiwa sarchi nu̱ke chem a su̱yen ndu̱ tunu chem wa za zu̱ran ye nu, nyem za chem ka za bonye. Tu̱ yang ɗyen kha wanang, ba wa nun zu̱nki.

1 Tasalonikeku 3:7

Ku̱me nang, nyeezaku, mbu̱ bonye ɓaarem ndu̱ palase nyem zaki chem wa gwa du̱mbu̱r mbu̱ memu̱na rem ku̱me maito ɓaanu.

2 Tasalonikeku 3:16

Bu ku̱ Zhinkir gwaanji nu̱ qaandi memu̱na, vu̱r qaandi memu̱nar ye nu ndu̱ varan aakochi, mbu̱ aa nyi tunu. Ku̱ Zhinkir gwaanji kha gha su̱yen ndu̱ tun kap.

2 Timoti 3:12

Shwat aaki nu̱ shimki ku̱ shi khar viti ɓaran ndu̱ ɗye shir mbarkandi ɓu̱ Magham mbe Masiya Yesu ka za bonye.

Yibraniyeku 11:25

Wa dat ku̱ za nji bonye ndu̱ nduki ɓu̱ Magham ye ku̱ tu̱k nji mu̱ndi ɓu̱ solar me sarchi koɗomma.

Yibraniyeku 7:2

Tu̱ Yibram vu̱r zake ɓu̱ aa nu̱m yenda. Gumapaali, dlu̱m Melkizedekang mban za “Kuji Dambu.” Kom ndu̱ kuji Salem tu̱k, mban za, “Kuji Qaandi Memu̱na.”

1 Biturus 5:9

Ngga nu dalang yenda ɓa. Ching ma gha shaanggu̱ɗang mbe maito ɓaanu, nu̱ke tun wa zu̱n nu̱ ɗyine nyeezonu nu̱ mbu Yesu nu̱ke a aa fu̱n mbu̱ larji nang, a za bonye nang wa nu̱ke tun a zaran.

1 Yokhana 2:13

Tun zhinkirku, nga bu̱laran ye nu ku̱me tun wa zu̱n chin nu̱ke a nje ji vu̱ nggarsan. Tun nyakhtlirku, nga bu̱laran ye nu ku̱me tun wa zu̱m loobo ɗyine Nu̱ mu̱nar nang. Tun qusongga, nga bu̱laran ye nu ku̱me tun wa zu̱n Zhinkirang.

1 Yokhana 4:4

Tun qusonggi ɓang nu̱ke nga ndolaran, tun a vi she Magham, tun wa ra annabi nu̱ lambar ku nang, ku̱me Jiimbi ɓu̱ Magham nu̱ke a mbe nu wa duk jiimbi nu̱ke a mbe nduki nu̱ke a mbu̱ larji nang.

1 Yokhana 5:4

jiwa aa nyi yi ɓu̱ Magham ka zu̱m loobo ɗyin larji. Maito ɓaarem mbe Masiya ke nu̱ sa rem chem ki ra wute nang.

Ɗyin mbu̱ tukari 12:11

Tu̱ yang zu̱m du̱mbu̱r ɓaran nu̱ ku̱nshe tom ɓu̱ Ye Gamndang, ndu̱ ɓalar nu̱ saidaki ku, jiwa nu̱ shim nyifi ɓaanda maɗyi nu̱ke ku̱ ku̱na vu̱rtan ɓa, aa ka tlagha kya wora.

Ɗyin mbu̱ tukari 3:21

Kap njif nu̱ raki wute, ngga sa nda tu̱ kha gha su̱yen ndu̱ nga wudle zhakhɗye kwaaɗar ɓanga, ba wa nang raki wute tang kha gha su̱yen ndu̱ Zhinkir ɓang wudle zhakhɗye kwaaɗar ɓaran.

Ɗyin mbu̱ tukari 7:14

Tang tlogha nga za, “Ta zu̱ni, ku̱man.” Tu̱ yang zu̱ ya za, “Ndukiku nang wora viki mbe bonye maɗyikandi. Wa shiɓ luktiku ɓaanda nu̱ gha ndu̱ tom ɓu̱ Ye gamndang, tu̱ kha ɓong ku.