Yokhana 16:32 - Mewar Alqawarang

³² Sarchi a ɓari, I, wa kar a khu̱dli, nu̱ke aa nyi da chele ɓaanu ka ɗaki nu̱ kaa ɓaran tu̱ njigti nga, nga ɗyenda. Yang kap ndu̱ nang nga ɗyenda ɓa, ku̱me Zhinkirang a nje su̱yen ndu̱ nga.

Yokhana 16:32 Iomraidhean Croise

Matta 26:31

Tu̱ Yesu ze wor za, “Kap ɓaanu tun ka ɗa vaanu tun njig tu̱ nga mbu̱ virkir nang ku̱me ɗyi nu̱ke a ma ɗaatli ndu̱ nga. Ku̱me a nje bu̱laran za, ‘Ngga ghwaɗ nu̱ khutlorang, ndu̱ɓang ku nu̱ mbu̱ shapirang ka lakhta ku.’

Matta 26:56

Yang ɗyinang shi kap ma ku̱ nyel ɗyi nu̱ke a nje mbu̱ lagarkati ɓu̱ annabikwang.” Tu̱kti wanang tu̱ nu̱ mburi nda kwa kap njigti nda tu̱ ɗa vaanda.

Markus 14:27

Tu̱ Yesu ze wor za, kap ɓaanu tun kaa ɗa vaanu tun njigti nga baa wa nu̱ bu̱laki nu̱ gha za, “Ngga ghwaɗ nu̱ khutlorang, ndu̱ɓang kwa yang ka lakhta vaanda.”

Markus 14:50

Ba nje, tu̱ nu̱ mburi nda kap njigti nda tu̱ ɗa vaanda.

Yokhana 12:23

Tu̱ Yesu tlogha ye wor za, “Sarchi wa shi nu̱ke a ma vu̱r zhaaji ye Yi ɓu̱ nduku.

Yokhana 16:2

Ka komba nu ku ɓar mbu̱ maa tabar ɓaanda. Sarchi a nje a ɓari shwat nu̱ke aaki tlaghaki nu ka taman za chin a shikya tlu̱nar ɓu̱ Magham.

Yokhana 16:25

“Nga shi boote ndu̱ ku̱rti ɓalarkwang ma zu̱ si ɗyiku nang ye nu. Yang sarchi a nje a ɓari nu̱ke ngga shiki ɓalar ɓu̱ Zhinkirang ye nu ye dalangi, yang ngam ɓu̱ zu̱ tun ye nu ndu̱ ku̱rti ɓala tu̱k ɓa.

Yokhana 16:31

Tu̱ Yesu tlogha ye wor za, “Alapa! Leendang tun wa maita kaani mu?

Yokhana 19:27

Kom tu̱ ze nu̱ mburi nda za, “Njif nang wa kha ma mo.” Ji ɗyin sarchi nang tu̱ nu̱ mburi ndang ɗu̱ ndu̱ man Yesu kaa ɓaran ta khan she nda.

Yokhana 20:10

Tu̱ nu̱ mburi nda kwang gaɓ vaanda nu̱ kaari.

Yokhana 4:21

Tu̱ Yesu ze nda za, “Moito nga, Nusu sarchi a ɓari nu̱ke nduk ɓu̱ ghar ghai ye Zhinkirang ɗyin dleng nang ɓa, yang Urshalima ɓa.

Yokhana 4:23

Yang kap ndu̱ nang, sarchi a nje a ɓari, yang wonji aa ɓa leendang. Nu̱ke nu̱ ghaari ghai zhirekandi ka gharki ghai ye Zhinkirang mbu̱ Jiimbi wor ndu̱ zhire. Ku̱me nang ke pooni nu̱ ghaari ghai ku nu̱ke Zhinkirang a shimndan.

Yokhana 5:25

Zhire, nga zu̱ran ye nu sarchi a ɓari, wa kar a ɓa, nu̱ke mu̱tiku ka tu̱k su̱qur Yi ɓu̱ Magham, wor nu̱ tu̱kkyang ka nakha.

Yokhana 5:28

“Ku̱ shi nu lazham ɓalar nang ɓa, ku̱me sarchi a nje a ɓari nu̱ke mu̱tiku nu̱ke a mbu̱ ku̱jipku kap ka tu̱k su̱quran,

Yokhana 8:16

Yang aa ngga shi kuma, kumar ɓang ɗya zhire, ku̱me nga ɗyenda ɓa, Zhinkir ɓang nu̱ ɗa ru̱kki nga a nje su̱yen ndu̱ nga.”

Yokhana 8:29

Njif nu̱ ɗa ru̱kki ngang a nje su̱yen ndu̱ nga, nu̱ njigti nga ɗyenda ɓa, ku̱me nga shikya ɗyi nu̱ke a shimndan aakochi.”

Tlu̱nar ɓu̱ Pudeku 21:6

Chem shi khar mu̱ndi ye yen. Chem vi nu̱ mbu̱ du̱mbu̱li, ɓaanda tu̱ gaɓ nu̱ kaari ku.

Tlu̱nar ɓu̱ Pudeku 8:1

Yang Shawulu a nje ye maarang a gu̱n su̱ tlaghar Istafanus nu̱ shikikwang. Ye sarchi nang, tu̱ nu̱ mbu Yesu ku nu̱ke a Urshalima za bonye maɗyikandi. Tu̱ lakhta wor nu̱ mbu̱ dlar ghai Yakhudiya ndu̱ Samariya tu̱ njigkya ba Pudekwang ɗyenda mbu̱ Urshalima.