Yokhana 16:3 - Mewar Alqawarang

³ Ka shi wanang ku ku̱me nu̱ zu̱ndi nga ɓa yang Zhinkirang ɓa.

Yokhana 16:3 Iomraidhean Croise

Luka 10:22

“Aba ɓang wa vu̱r zalale ya ɗyine aa nu̱m kap. Nduka nje zu̱nki Woyang ɓa, kope Zhinang ɗyenda, yang tu̱k nduk a nje zu̱nki Zhinang zum ɓa kope Woyang, kom ndu̱ njif nu̱ Woyang shimki wuti nda yenda.”

Yokhana 15:21

Ka shi ɗyikunang ye nu kap ku̱me dlu̱ma, ku̱me nu̱ zu̱n njif nu̱ ɗa ru̱kki nga ɓa.

Yokhana 15:23

Njif nu̱ zhangki nga gha, wa zhan Zhinkir ɓang gha tu̱k.

Yokhana 17:25

“Zhinkir nu̱ dambi aa nu̱ke nduki nu̱ larji nu̱ zu̱ndor ku ɓa, nga zu̱ndoro, yang nduki nang wa zu̱n za ta ru̱kki nga.

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Yokhana 8:19

Tu̱ zham nda ku za, “A fu̱n ke zhwa na?” Tu̱ Yesu tlogha ye wor za, “Nun zu̱ndi nga ɓa yang nun zu̱n Zhinkir ɓang ɓa. Mbu̱ tun wa zu̱ndi nga, tu̱ga tun wa zu̱n Zhinkir ɓanga.”

Yokhana 8:55

Nun zu̱n nda ɓa, yang nga zu̱ndi nda. Mbu̱ tu̱ga nga ze nu za nang zu̱n nda ɓa tu̱ga nga kha ma nu̱ kotama wa tunu. Yang nga zu̱n nda, nga khutlo ɗyi nu̱ke a zu̱ran.

Tlu̱nar ɓu̱ Pudeku 3:17

“Yang nyeeza, nga zu̱n tun shi ɗyinang mbu̱ song zu̱ni, ba wa nu̱ dlegumeku ɓaanu shiki.

1 Korintiyeku 2:8

Nduk a nje chele ɓu̱ nu̱ kwaaɗarku nu̱ larji kap nu̱ daki mbu̱ kaɗari nang ɓa, mbu̱ wa gwa mban ku, tu̱ga nu̱ katl Zhinkir gwaanji nu̱ zhaaji nu̱gha ɓa.

2 Tasalonikeku 1:8

Ma vu̱r bonye ye nduki nu̱ zhangki zu̱ndi Magham, kom ndu̱ nduki nu̱ zhangki mbu Labar mbarkandi ɓu̱ Zhinerem gwaanji Yesu gha.

1 Timoti 1:13

Aa nu̱ke ɗau fara nga nu̱ ndu̱mndi Magham, ndu̱ wuti bonye ndu̱ vu̱rti takashi ye nu̱ mburi nda ku. Yang kap ndu̱ nang tu̱ na zhiyaye ɓanga ku̱me nga shi ɗyiku nang mbu̱ song zu̱ni ndu̱ song maito.

1 Yokhana 2:23

Nduk a nje ka zhangki Woyang, tu̱ gwa Zhinkirang ɓa. Yang kap njif nu̱ dlu̱ki Woyang, wa dlu̱ Zhinkirang tu̱k.

1 Yokhana 3:1

Nggu̱t ma pooni ndolar maɗyikandi nu̱ Zhinkirang wutki yerem nu̱ka qaki rem za chem qusonggi ɓu̱ Magham, yang chem wanang shwat. Nduki nu̱ larji nu̱ zu̱nderem ku ɓa ku̱me nu̱ zu̱n nda ku ɓa.

1 Yokhana 4:8

Kap njif nu̱ke nu̱ka wut ndola ɓa, nu̱ zu̱n Magham sar da ɓa, ku̱me Magham ɗya ndola.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.