Yokhana 16:27 - Mewar Alqawarang

²⁷ Ku̱me chin Zhinkirang nu̱ varan a ndola nu, ku̱me tun wa ndola nga, tun wa maita tu̱k za nga vi she Magham.

Yokhana 16:27 Iomraidhean Croise

Matta 10:37

“Aaki ndolaki aa man aa zhin tu̱ dukti nga, nu̱ khu̱l ma ku̱ kha ma ɓang ɓa, yang tu̱k, aaki ndolaki aa woi ɓaran ye khusku aa woi ɓaran ye nusu tu̱ dukti nga, nu̱ khu̱l ma ku̱ kha ma ɓang ɓa.

Yokhana 14:21

Kap njif nu̱ zu̱nki Wopar ɓanga, tu̱ yang ki khutloran, chin kya ndola nga. Njif nu̱ke a ndola nga yang, Zhinkir ɓang ka ndola nda, ngga ndola nda tu̱k tang wut vara yenda.”

Yokhana 14:23

Tu̱ Yesu tlogha yenda, “Kap njif nu̱ke a ndola nga, ka khutlo ɓalar ɓanga, Zhinkir ɓang ka ndola nda tu̱k, chem ka ɗa ɓa she nda chem kha gha su̱yen ndu̱ chin.

Yokhana 16:30

Leendang chem wa da mban nu̱ ɗyine ta zu̱n aa nu̱m. Ta ka tlogha zhamndi me ku̱ nduk zhami. Nang wa sa chem maita ta vi she Magham.”

Yokhana 17:23

Nga mbe wora, to kharan mbya tu̱k, ma ku̱ kha da ku shiku̱tku̱t. Kom nduki nu̱ larji ka zu̱n za to ru̱kki nga, yang ta ndola wor wa no ndolaki nga.

Yokhana 2:11

Nang ke ɗye lazham nu̱ khaki ma ɗye saidu nu̱ gumapaali nu̱ Yesu shiki, yang shir nda Kaana nu̱ke a mbu̱ dlar ghai Galili. Wa wuɗ zhaaji ɓaran, tu̱ nu̱ mburindakwang maita nda.

Yokhana 3:13

Sar da nduk a nje nu̱ dlaki nu̱ viɗ ɓa, kope Yi ɓu̱ Nduk na shurki viɗ ɗyenda.

Yokhana 7:29

Ɓang nga zu̱n nda, ku̱me nga vi she nda, chin a ru̱kki nga.”

Yokhana 8:42

Tu̱ Yesu ze wor za, “Mbu̱ Magham ke zhinonu tu̱ga tun wa ndola nga, ku̱me nga vi she Magham, yang wonji nga fan. Na nga ɓa ndu̱ zalale ɓang ɓa, Magham a ru̱kki nga.

Romeku 8:3

Jiwa Magham wa shi ɗyi nu̱ke Bibitang nu̱ ɗu̱ma shiran ɓa ku̱me tu̱ɓti ɓu̱ nduku mbe ɗye shir ɓaran. Magham a ru̱kkya Yi ɓaran mbu̱ shipar ɓu̱ man vaarem nu̱ka shiki solar nang, ma ku̱ kha ma sadke ku̱me solar ɓaarem, tu̱ gu̱ɗa zalale ɓu̱ sola nu̱ gha mbu̱ man va.

1 Korintiyeku 15:47

Njif nu̱ gumapaalyang shir nda ndu̱ kalau ghai, a ɓa vu̱ghai. Nu̱ rapndang yang a ɓa viɗi.

1 Korintiyeku 16:22

Kap njif nu̱ke a shim Zhinerem gwaanji ɓa ku̱ Magham mi barke ɓaran. A ɓo, Zhinerem gwaanji.

2 Korintiyeku 5:14

Jiwa ndolar ɓu̱ Masiya rosaki rem tu̱ sa chem maita nu̱ ɗyine nduk da wa mu̱t ku̱me nduk kap, ku̱me nang aaki wa mu̱t tu̱k.

Galatiyeku 4:4

Yang nu̱ sarchi a khu̱lki tu̱m, tu̱ ɗa ru̱k Yi ɓaran. Yang kha nda nu̱ ku̱nshe nusu ɗyenda. Kha nda nu̱ mbu̱ bu̱n Bibitang,

Afiseku 6:24

Ku̱ mu̱nkir ɓu̱ Magham kha nduki nu̱ke a ndola Zhinerem gwaanji Yesu Masiya koɗokh si ɓa.

1 Timoti 1:15

Ɓalar nang ɗya ndooga: nu̱ke wa ku̱s ku̱ aaki maita, Masiya Yesu a ɓa larji ma ɗana nu̱ solar ku, yang chele ɓaanda kap nga ke kuji.

Yibraniyeku 12:6

Jiwa Zhinkir gwaanji ka wukya njif nu̱ke a ndolaran, ka wukya woi nu̱ dlu̱ki ye varan.”

1 Biturus 1:8

Aa nu̱ke nun na Masiya Yesu sar da ɓa, yang kap ndu̱ nang tun a ndola nda. Aa nu̱ke tun a na nda leendang ɓa, kap ndu̱ nang tun a maita nda, tun a kashar wa nu̱m gom,

1 Yokhana 4:19

Chem a wut ndola ku̱me Magham nggaki su̱ wut ndola yerem.

Ɗyin mbu̱ tukari 3:19

Ngga wukya nduki nu̱ke nga shimndan tang ɗu̱r wora. Ku̱me nang kho ndu̱ zhire to nggoɗ khar viti ɓaaro.

Ɗyin mbu̱ tukari 3:9

Wonji, ngga sa nduki nu̱ke a mbu̱ kib tabar ɓu̱ Sheɗan, nu̱ka qaki vaanda ku za wor Yakhudeku yang a shikya wollo ku ku̱me ɗyen wanang ɓa. Ngga sa wor tu̱ ɗa ɓa tu̱ nggu̱t nu̱ yaghai gume ro ma ku̱ zu̱n ku nu̱ ɗyine nga ndola ro.