Yokhana 16:22 - Mewar Alqawarang

²² Tun wanang tu̱k. Tun a mbu̱ chiti mbi leendang, yang ngga ɓa na nu tu̱k, kom tun ka shi kashari, nduk a nje nu̱ke ka ɗu̱maki lawa ɓong memu̱nar ɓaanu ɓar kha nu ɓa.

Yokhana 16:22 Iomraidhean Croise

Matta 28:8

Tu̱ njig ye maa nu̱ke ku̱jipang a si ɗauɗau nyeedlan ndu̱ sawari yang memu̱na wor ɓong maɗyi tu̱k. Tu̱ ɓu̱tl ɗa ku ma zu̱ran ye nu̱ mburi Yesu ku nu̱ke a nje.

Luka 10:42

Yang ba tun kaada ke ɗye gangi, Maryam wa kar tu̱ dat ɗyi mbarkandi, nu̱ke am ɓu̱ shi dlu̱ ɓar kha nda ɓa.”

Luka 16:25

“Tu̱ Yibram tlogha yenda za, ‘Yi ɓanga, mbu̱ ta kori, ta woɗa dlu̱ ɗye ɓi ɓa mbarkandi mbu̱ khar viti no shiki larji. Yang chin Liazaru za kya bonye, wonji yang meeni wa gwa du̱ngndi memu̱na, ɓa yang ta mbu̱ bonye.

Luka 19:26

“Tu̱ yang tlogha ye wor za, ‘Nga zu̱ran ye nu, kap njif nu̱ke tun a nje kha nda, ka shaata yenda nu̱ si, yang njif nu̱ke aa nu̱m kha nda ɓa, aa ɗyi nu̱ke a kha ndang, ka dlu̱ ɓara.

Luka 24:41

A mbu̱ kashar ndu̱ lazham ɗyiku nang, aa nu̱ke mbu̱ wor rap rap ye wora, tu̱ Yesu ze wor za, “Ɗye zu̱m kha nu fan mu?”

Yokhana 14:1

“Damta nu ɓa. Maita ma Magham, tun maita nga tu̱k.

Yokhana 14:19

Wa njig ba sarchi koɗomma larji ɓu̱ na nga tu̱k ɓa, yang ɓaanu tun ka na nga. Ku̱me nga nu̱ nyifi, tun ka kha ndu̱ nyifiri.

Yokhana 14:27

“Nga njig kharmu̱ndi ɓang ye nu. Nga vu̱rkya kharmu̱ndi ɓang ye nu. Nang vu̱r ye nu wa nu̱ke larji ka vu̱rki ɓa. Damta nu ɓa, yang tu̱k nu sawa zum ɓa.”

Yokhana 16:16

“Gaanje sarchi koɗomma tun ɓu̱ na nga ɓa, yang gaanje sarchi koɗomma tu̱k tun ka na nga.”

Yokhana 16:20

Zhire, nga zu̱ran ye nu, tun ka shi ghoori ndu̱ chiti mbu yang larji ka kasha. Tun ka na chiti mbu, yang chiti mbi ɓaanu ka gaɓ ma ɓong memu̱na.

Yokhana 16:6

Memu̱na nu wa su̱bu̱r ku̱me nga zu̱ ɗyiku nang ye nu.

Yokhana 21:7

Tu̱ nu̱ mburi nu̱ke Yesu a ndola ndang ze Biturus za, “Njif nang ɗya Zhinerem gwaanji!” Ba nu̱ Siman Biturus tu̱kki za ɗya Zhinerem gwaanji, tu̱ da lukti ɓaran tu̱ sa ku̱me varan nggaran. Tu̱ ku̱m ji tu̱ nggu̱ɗ nu̱ mbu̱ ɗyimang.

Yokhana 4:14

yang aaki zaki ɗyim nu̱ke ngga vu̱rki yendang ɓu̱ tu̱k khuzhum gana tu̱k ɓa. Ɗyim nang vu̱rki yendang ka kha ma ɗyim nu̱ke a ɓaghar ma yir mbu̱ nyifi nu̱ke nu̱ka shi woɗa ɓa.”

Tlu̱nar ɓu̱ Pudeku 13:52

Yang nu̱ mbu Yesu ku nu̱ Antakiya a kashar maɗyi, nyeedlan ku tu̱k nu̱ Jiimbi shakhshakhndi.

Tlu̱nar ɓu̱ Pudeku 16:25

Chele virkiri, Bulus ndu̱ Sila a bararku ndu̱ taazi gwaari dlu̱m Magham. Ɓeeni nduki nu̱ke a nje khiiran mbu̱ zhaaru̱mang a ngga dlu̱mndi wor ye wora.

Tlu̱nar ɓu̱ Pudeku 2:46

Wa ka ɗu̱ ku mbu̱ Rafti ɓu̱ Magham aakochi, a zu̱m ɗye zu̱mndi ku su̱yen mbu̱ raftiku ɓaanda, a zu̱mndi ku su̱yen ndu̱ kasha, ndu̱ ɓu̱tokh memu̱na.

Tlu̱nar ɓu̱ Pudeku 5:41

Tu̱ Pudekwang njig maa tabar dle gume ɓu̱ Yakhudekwang a kashar ku ku̱me nduki wa na wor wa khu̱l ku̱ za nda bonye ku̱me dlu̱m Yesu.

2 Korintiyeku 6:10

chem a su̱yen ndu̱ chiti mbu yang ba chem a kashari. Aa nu̱ke chem nungndan, yang chem sa nduki khang tu̱ shi gu̱na. Wa tun kha rem ɓa, yang aa nu̱m kap ɗya ɓaarem.

2 Tasalonikeku 2:16

Bu ku̱ Zhinerem gwaanji Yesu Masiya ndu̱ ɗyinan, ndu̱ Magham Zhinkir ɓaarem, nu̱ke a ndolarem, vu̱r shokhku̱rokh me bu̱n yerem nu̱ke nu̱ka shi woɗa ɓa, ndu̱ sar memu̱nar mbarkandi nu̱ ku̱nshe mu̱nkir ɓaran.

Yibraniyeku 10:34

Jiwa tun wa na zhiyaye ɓu̱ nduki nu̱ke a nje khiiran zhaaru̱m, tun wa kasha sarchi nu̱ lawaki ɗyin kha nu ɓara, ku̱me tun wa zu̱n nu̱ ɗyine gu̱nar nu̱ dukki mbaari a nje kha nu nu̱ke ɓu̱ shi woɗa ɓa.

Yibraniyeku 6:18

Yang ɗo, ɗyiku a nje rap nu̱ke nu̱ka shi paata ɓa, yang ɓu̱ shi tu̱ Magham shi song zhire ɗyinan ɓa. Nu̱ke ɗyinang ɗya ɗye par du̱mbu̱r ye memu̱narem maɗyi, chem nyem ɗaki ku̱me gwami chem khuɓ maitwang, chem ka gwa par du̱mbu̱r maɗyi.

1 Biturus 1:8

Aa nu̱ke nun na Masiya Yesu sar da ɓa, yang kap ndu̱ nang tun a ndola nda. Aa nu̱ke tun a na nda leendang ɓa, kap ndu̱ nang tun a maita nda, tun a kashar wa nu̱m gom,