Yokhana 16:20 - Mewar Alqawarang

²⁰ Zhire, nga zu̱ran ye nu, tun ka shi ghoori ndu̱ chiti mbu yang larji ka kasha. Tun ka na chiti mbu, yang chiti mbi ɓaanu ka gaɓ ma ɓong memu̱na.

Yokhana 16:20 Iomraidhean Croise

Matta 21:38

“Yang ba ni nu̱ ghutikwang naki woyang tu̱ ze yenku za, ‘Sui, wonji njif nu̱ke damang ka ɓa khaki ma ɓaran. Tlagha mi nda nu̱ gha, ma ku̱ damang ɓa kha ma ɓaarem.’

Matta 5:4

Barkya ve nduki nu̱ke a mbu̱ su̱bu̱rti memu̱na, ku̱me ka ɓa du̱ng memu̱na wora.

Markus 14:72

Fan ndu̱ fan tu̱ koogurokh shi mbaari nu̱ rap. Tu̱ yang Biturus kor ɗyi nu̱ Yesu zu̱ki yenda za, “Me ku̱ koogurokh shi mbaari sar rap, to kaa keela zu̱ndi nga sar kunung.” Nu̱ kor ki ɓalar nang tu̱ ngga ghoori.

Markus 16:10

Tu̱ yang, ɗu̱ ta ze ndukiku nu̱ke a su̱yen ndu̱ chin zhwang, ta gwa wor mbe chiti memu̱na a ghoori ku.

Luka 22:45

Nu̱ lauɗaki su̱ bararang, tu̱ ɗu̱ she nu̱ mburindakwang, tu̱ yang gwa wor a ɗyenir ku kha su̱bu̱rti memu̱na.

Luka 22:62

Tu̱ yang Biturus ɗu̱ dam tu̱ ɗa gho maɗyi.

Luka 23:27

Tu̱ tabar ndukiku khang mbu gaanje Yesu su̱yen ndu̱ nusuku nggur nu̱ke a ghoori, a yaasa nda ku.

Luka 24:17

Tu̱ yang zham wor za, “Tun a zu̱kya nyi pooni ɓalarku chele ɓaanu nu̱ke tun a yira na?” Tu̱ ching gha ku shiru̱m, memu̱na wor su̱bu̱rtan.

Luka 24:21

Chem wa sa memu̱narem tu̱ga chin ka dliiki ɗyin Israila; yang meeni nang ke qaandi kunung nu̱ shir ɓu̱ ɗyiku nang.

Luka 6:21

Barkya ve nu tun nu̱ke a tu̱k meeri leendang, ku̱me mbonu ka ɓa zhi. Barkya ve nu tun nu̱ ghoori leendang, ku̱me tun ka ɓa shi mu̱si.

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Yokhana 16:6

Memu̱na nu wa su̱bu̱r ku̱me nga zu̱ ɗyiku nang ye nu.

Yokhana 20:20

Qu̱rse wa zu̱ nang ye wora, tu̱ wut kharanku ye wor ndu̱ ku̱bdan nu̱ zhokhki ndang. Tu̱ nu̱ mburi nda kwang kasha nar Zhinerem gwaanji.

Tlu̱nar ɓu̱ Pudeku 5:41

Tu̱ Pudekwang njig maa tabar dle gume ɓu̱ Yakhudekwang a kashar ku ku̱me nduki wa na wor wa khu̱l ku̱ za nda bonye ku̱me dlu̱m Yesu.

Romeku 5:11

Dukti nang, chem a kashar ku̱me ɗyi nu̱ Magham shiki nu̱ ku̱nshe Zhinerem gwaanji Yesu Masiya, nu̱ somtaki chele ɓaarem ndu̱ Magham nu̱ ku̱nshe nda.

2 Korintiyeku 6:10

chem a su̱yen ndu̱ chiti mbu yang ba chem a kashari. Aa nu̱ke chem nungndan, yang chem sa nduki khang tu̱ shi gu̱na. Wa tun kha rem ɓa, yang aa nu̱m kap ɗya ɓaarem.

Galatiyeku 5:22

Yang ɗye shir mbarkandi ku ɓu̱ Jiimba chin ke, ndola, ndu̱ kasha, ndu̱ qaandi memu̱na, ndu̱ kanaɗyi, ndu̱ mbarkiri, ndu̱ shir ɗyi toropndi, ndu̱ shir zhire,

1 Tasalonikeku 1:6

Yang tun wa da ɗyin sarerem, ndu̱ ɓu̱ Zhinkir gwaanji, tun wa dlu̱ ɓalar ɓu̱ Magham ndu̱ kashar nu̱ke Jiimbi shakhshakhndi ka saki ye nduku, aa nu̱ke tun wa za bonye maɗyi.

Yaqub 1:2

Nyeezaku, da ma aa nyi bonye nu̱ gwaki nu ma ɗye kasha,

Yakhuda 1:24

Makhtar wa kha chin nu̱ zalale kanggar nu ku̱ nggu̱ɗ nu shwat ɓa, tu̱ wuto nu waare beeko gume zhaaji ɓaran ndu̱ kashar maɗyikandi.

Ɗyin mbu̱ tukari 11:10

Nduki nu̱ larji ka kasha mu̱ti ɓu̱ saiduku rapndi nang. Ka qa tabar ku, tu̱ ru̱k ndu̱ vu̱rtiku ye yen a kasha mu̱ti ɓu̱ annabiku rapndi nu̱ ɗa ɓa ki ndu̱ bonye ye nduki nu̱ larji nang.

Ɗyin mbu̱ tukari 18:7

Vu̱r ma bonye yenda maɗyi ndu̱ chiti mbi, ku̱rku̱r ndu̱ zhaaji nu̱ tu̱kti mu̱ndi nu̱ vu̱rki ye varan, mbu̱ memu̱naran. A kham ɗyinan za, ‘Nga kuji nusukandi ɗyine zhakhɗye kwaaɗar ɓanga. Nga ku̱ɗuwan ɓa, yang sar da chiti mbu ɓu̱ gwa nga ɓa.’