Yokhana 16:16 - Mewar Alqawarang

¹⁶ “Gaanje sarchi koɗomma tun ɓu̱ na nga ɓa, yang gaanje sarchi koɗomma tu̱k tun ka na nga.”

Yokhana 16:16 Iomraidhean Croise

Markus 16:19

Qu̱rse Yesu wa woɗa ɓalarang ye wora, tu̱ daa nda tu̱ ɗu̱ ndu̱ chin viɗi. Tu̱ kha gha yin bu̱n zu̱ma ɓu̱ Magham.

Yokhana 12:35

Tu̱ Yesu ze wor za, “Yarangang a nje su̱yen ndu̱ tunu me sarchi koɗomma. Shi ma yir sarchi nu̱ke yarangang a nje su̱yen ndu̱ tunu, ma ku̱ zhum maari gwa nu ɓa. Nu̱ yir mbu̱ zhum maari nu̱ zu̱n ye maa nu̱ke chin a yir su̱ ɓa.

Yokhana 13:3

Yang Yesu wa zu̱n Magham wa sa aa nu̱m nu̱ mbu̱ kharan. Wa zu̱n chin a vi she Magham, yang chin a gaɓti nu̱ she Magham.

Yokhana 13:33

Tun nyeezaku, wa njig sarchi koɗomma nu̱ke ngga khaki ndu̱ tunu.” Tun ka laɓti nga, yang ba wa nang zu̱ki ye dle gume ɓu̱ Yakhudekwang nga za, “Ye maa nu̱ke nga yiri, tun ɓu̱ ɗu̱ma yir ɓa.” Nga zu̱ran ye nu wanang tu̱k leendang.

Yokhana 16:10

Nu̱ shi kwaari mbarkandi ɗyine jeembu ɓa ku̱me nga ma yir she Zhinkir ɓanga, yang gana fan ɓu̱ na nga ku tu̱k ɓa.

Yokhana 16:22

Tun wanang tu̱k. Tun a mbu̱ chiti mbi leendang, yang ngga ɓa na nu tu̱k, kom tun ka shi kashari, nduk a nje nu̱ke ka ɗu̱maki lawa ɓong memu̱nar ɓaanu ɓar kha nu ɓa.

Yokhana 16:28

Nga vi she Zhinkirang, tang a vi nu̱ mbu̱ larji, yang leendang nga ma njig larji tang gaɓ nu̱ she Zhinkirang.”

Yokhana 16:5

“Yang leendang nga yir she njif nu̱ ɗa ru̱kki nga, yang kap ndu̱ nang nduk a nje nu̱ zhamki nga za, ‘Ta yir fu̱n kwa ɓa?’

Yokhana 17:13

Nga gaɓti nu̱ sho leendang, yang nga khuɗ ɗyiku nang sarchi nu̱ke nga larji ma ku̱ kashar ɓang nu̱ke nyeedlan khan mbe nu̱ mburi nga ku nang.

Yokhana 17:5

Yang leendang Aba, vu̱r zhaaji ya ndu̱ pooni zhaaji nu̱ke nga nje si gume ro me ku̱ du̱ng larji.”

Yokhana 7:33

Tu̱ Yesu tlogha za, “Sarchi khar ɓang ndu̱ tun wa njig ba koɗomma. Kom ngga gaɓ nu̱ she njif nu̱ ɗa ru̱kki nga.

Tlu̱nar ɓu̱ Pudeku 1:3

Gaanje mu̱ti ɓaran tu̱k, wa wut varan ye wor ndu̱ nyifiri, tu̱ shi ɗyiku zum zum nu̱ wutki za chin wa ji mbe mu̱ti shwat. Wa wut varan ye wor me qaandi ɗyin vat tu̱ shi ɓalar ɗyine kwaaɗar ɓu̱ Magham.

Yibraniyeku 12:2

Ghar mi yiterem nu̱ she Yesu nu̱ke chin ke dlu̱dlarsi maito ɓaarem, chin ka saki tu̱ maito ɓaarem kha nyeedlan. Chin nu̱ke ku̱me ɓong memu̱nar nu̱ saki nu̱ gume nda, tu̱ gu̱n memu̱naran ndu̱ kaatli nu̱ katlki nda gha ɗyine qu̱far kaatlang nu̱ da nang ma ɗye kawa ɓa. Yang leendang a nje kharan ɗyin bu̱n zu̱ma ɓu̱ zhakhɗye kwaaɗar ɓu̱ Magham.