Yokhana 16:11 - Mewar Alqawarang

¹¹ Yang nu̱ shi kwaari mbarkandi ku ɗyine kuma zum ɓa, ku̱me wa woɗa dla kumar nu̱ ɗyine nu̱ kwaaɗar larji nang.”

Yokhana 16:11 Iomraidhean Croise

Matta 12:18

“Wonji maavi ɓang nang datki, chin ke ndolar ɓanga, ngaa tu̱k mu̱ndi ɓaran maɗyi. Ngga nyel nda ndu̱ Jiimbi ɓanga, ka shi kumar zhirekandi ye dlar maaku zum zum.

Matta 12:36

Ngaa zu̱ran ye nu, nduki ka shiga su̱ aa nyi maatli ɓalar nu̱ wor shiki fu̱ɗar wuri.

Luka 10:18

Tu̱ Yesu tlogha ye wor za, “Ngaa na Sheɗan aa nggu̱ɗ viɗi wa wuti maari.

Yokhana 12:31

Nang ke sarchi nu̱ke ka kumaki larji, ka komba nu̱ kwaaɗar larji nang.

Yokhana 14:30

Ngam shi ɓala khang ye nu leendang tu̱k ɓa, ku̱me nu̱ kwaaɗar larji nang a nje a ɓari, yang zalale nje kha nda ɗyina ɓa.

Yokhana 16:12

“Ɗyiku a nje khang nu̱ke ngga zu̱ki ye nu dong, yang tun ɓu̱ ɗu̱ma dar mban leendang ɓa.

Tlu̱nar ɓu̱ Pudeku 10:42

Chin ru̱kki rem za shem waazu ye nduki, chem saida ye wor nu̱ ɗyine chin ke njif nu̱ Magham datki ma ku̱ kuma nduki nu̱ke a nje nu̱ nyifiri kom ndu̱ nduki nu̱ mu̱tki.

Tlu̱nar ɓu̱ Pudeku 24:25

Ye sarchi nang tu̱ Bulus shi ɓalar ɗyine tlu̱nar dambi, ndu̱ dukti du̱mbu̱r ɓu̱ shimndi ɓu̱ man va, ndu̱ kumar nu̱ke a ɓar fu̱ɗar wuri. Tu̱kti ɗyikunang tu̱ Feliks tu̱k sawa, tu̱ ze Bulus za, “Leendang goɓu. Mbu̱ nga gwa sarchi ngga ɓa qa ro.”

Tlu̱nar ɓu̱ Pudeku 26:18

To ka qu̱n yiti wor tu̱ vi ɓar mbu̱ zhum maari ta gaɓku nu̱ mbe yarangi, ka njig kwaaɗar ɓu̱ Sheɗan tu̱ ɗa ɓa ku she Magham. Shir wanang ka sa tu̱ yaapa solar ku ɓaanda ye wora, tu̱ gwa me shakhti ɗye mbu̱ ge su̱yen ndu̱ nduki nu̱ wakaki vaanda ku̱me wa maita ku.’

Romeku 16:20

Magham nu̱ vu̱rti qaandi memu̱na, ɓu̱ shoɓ ɓa ka takhsha Sheɗan nu̱ mbu̱ saran. Ku̱ mu̱nkir ɓu̱ Zhinerem gwaanji Yesu khan su̱yen ndu̱ tunu.

Romeku 2:16

Ku̱me nang, ba wa nu̱ Labar mbarkandi nu̱ke nga waazu ɓaran nang zu̱ki, ka ɓa kha wanang Fu̱ɗar nu̱ke Magham, nu̱ ku̱nshe Yesu Masiya ka ɓa kumaki ɗyiku nu̱ke a nje tukaran mbu̱ kwaari ɓu̱ nduki.

1 Korintiyeku 4:5

Ku̱me nang ku̱ kuma nu nduk me ku̱ sarchi ni shi dong ɓa, bu ma ɓar ɓu̱ Zhinerem gwaanji nu̱ke ka lauɗaki su̱ kumar aa nu̱m. Chin ka wutki ɗyiku nu̱ke a nje tukaran mbu̱ zhumi, tu̱ fet ɗyi nu̱ nduki ku̱rki mbu̱ memu̱na wor ye dalangi. Nang ke sarchi nu̱ke aaki ka gwaki makhtar she Magham wa nu̱ shipaki.

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

Afiseku 2:2

Nang ke sarchi nu̱ke tun mbu ki njiv malkandiku nu̱ larji nang, tun a mbu kuji ɓu̱ nu̱ zalaleku nu̱ mu̱na viɗi, nang ke khu̱kheetiku malkandi nu̱ka sokhki nduki ku̱ zhang mbu zu̱r ɓu̱ Magham gha.

Kolosiyeku 2:15

Wa lawa ɗye dakhlar ɓu̱ nu̱ zalale ku ndu̱ nu̱ kwaaɗarku ɓara, tu̱ wuɗ kawar ye wor ye dalangi, nu̱ ku̱nshe duti wor gaanje nda mbu̱ kashar zu̱mndi loobo dakhlar ɓaran.

Yibraniyeku 2:14

Yang nu̱ke qusonggi nang ɗya dlu ndu̱ tom, tu̱ kha wa wor tu̱k nu̱ daki man var nu̱ke ɗya dlu ndu̱ tom tu̱ kha man var wor wayen. Shi wanang ma ku̱ tlagha nji njif nu̱ke zalale mu̱ɗi a mbu̱ kharan, chin ke Sheɗan, nu̱ ku̱nshe mu̱ti ɓaran nu̱ shiki.

Yibraniyeku 6:2

Kom ndu̱ shogar ɗyine baptisme, ndu̱ nu̱ sar khar barke, ndu̱ nu̱ jiiri ɓu̱ mu̱tiku, ndu̱ kumar fu̱ɗar wuri.

Yibraniyeku 9:27

Ba wa nu̱ du̱nki ye aa nyi nduku ku̱ mu̱t sar da, qu̱rsan tu̱ Magham kuma nda,

2 Bitu̱rus 3:7

Nu̱ ku̱nshe ɓalar ɓu̱ Magham tu̱k, maa viɗi ndu̱ maa vu̱ghai nu̱ke chem a naran leendangang, a bu ku su̱ya wor ɓar ndu̱ ɓai. Magham njig nang ma ɓar ye sarchi nu̱ke a ma kuma nu̱ song sawar nda, tu̱ su̱ya wor nu̱gha.

1 Yokhana 3:8

Sheɗan ɗya nu̱ sola gumapaali, ku̱me nang kap njif nu̱ zu̱mki guma ndu̱ shir sola ɗya ɓu̱ Sheɗan. Ɗyi nu̱ saki tu̱ Yi ɓu̱ Magham a ɓa larji ma ku̱ su̱ya tlu̱nar ɓu̱ Sheɗan nu̱gha.

Ɗyin mbu̱ tukari 1:7

Nggu̱ɗu, a nja ɓar mbu̱ ku̱zapti, yang aa nyi yiti ka na nda, kap nu̱ nduki nu̱ zhokhki ndang. Nduki nu̱ larji kap yang ka shi yaaɓarku ku̱me chin. Ku̱ kha wanang shwat! Amin.